O martes 
14 de decembro, a partir das 20:00 h., na Fundación Caixa Galicia (Cantón Grande, s/n.) da Coruña, e con entrada libre para o público, terá lugar unha conferencia de Francisco Carballo, dentro do Ciclo “Economía, Historia e Realidade Social”, da A. C. O Facho, sobre Galiza na Idade Moderna: rebelións e revolucións no 1640, na que departirá cos asistentes sobre os acontecimentos históricos a mediados do século XVII no noso País.
Arquivo da categoría: Historia
Ramón Villares: “Brañas non está morto”
A Galicia heterodoxa, de Carlos Pereira
Albino Mallo retrata nun libro o Vigo do Café Derby
(Xornal)
Vigo: presentación de Algo máis que un café. O Derby de Vigo, de Albino Mallo
O 
venres 12 de novembro, ás 20:00 h, no salón de actos da Casa Galega da Cultura (Praza da Princesa, s/n. Vigo), preséntase Algo máis que un café. O Derby de Vigo. 1921-1968, de Albino Mallo, publicado en Galaxia, onde se percorre a historia deste emblemático café da cidade olívica.
A Coruña: conferencia sobre Israel-Palestina, a cargo de Lois Diéguez
O 
venres 12 de novembro, a partir das 20:00 h., en Portas Ártabras (Rúa Sinagoga, 22), na Coruña, terá lugar unha conferencia, ilustrada de imaxes, sobre Israel-Palestina: o pasado, a situación hoxe, visión persoal do escritor Lois Dieguez, a raíz da última viaxe realizada por un grupo do colectivo de Amigos dos Museos de Galicia.
Xosé Luís Díaz Castroverde gaña o Certame de Investigación Condado de Pallares
O profesor coruñés Xosé Luís Díaz Castroverde Lodeiro gañou o Certame de Investigación Condado de Pallares, convocado pola Asociación de Amigos do Mosteiro de Ferreira de Pallares por un traballo que leva por título Morgados e xurisdicións na terra de Taboada. O galardoado, que na actualidade exerce a docencia na Coruña, abordou no estudo premiado a historia familiar, entre os séculos XV e XVIII, da Casa de Taboada, vinculada nas súas orixes ao Pazo de Bembibre. Ademais de recibir un diploma e un premio de 3.000 euros, o autor tamén verá editado o seu traballo pola área de cultura da Deputación.
Bertamiráns: presentación de As manifestacións relixiosas ao longo da Historia, de Manuel Lamas
O martes 19 de outubro ás 20:00 h., no Pazo da Peregrina de Bertamiráns, preséntase o libro As manifestacións relixiosas ao longo da Historia, de Manuel Lamas, publicado por 3C3. No acto participarán, co autor, Xesús Ferro Ruibal e X. Amancio Liñares Giraut.
Ourense: Auria. Semana da Literatura Histórica, entre o 10 e o 17 de outubro
Entre 
os domingos 10 e 17 de outubro desenvólvese na carpa instalada no Xardín do Posío en Ourense Auria, Semana da Literatura Histórica, feira que quere pór en valor o xénero que lle dá nome e satisfacer o interese de lectores, escritores, editores e profesionais. Nos andeis da mostra poderanse ver as novidades das editoras Alvarellos, Nigra Trea, Xerais, Galaxia, Ir Indo e Ouvirmos. Canda actividades como ciclo de cine sobre nomes da historia, actos de animación, mesas redondas, conferencias ou sinaturas de libros, haberá un Premio Novela Inmortal, que lle da a palabra aos lectores para escoller cal, entre as dez obras propostas, merece recibir este palmarés. O galardón quedará inmortalizado nun monolito no parque da Praza Bipo Cesáreo (Alameda alta) de Ourense. Os obxectivos de Auria son múltiples: divulgar o xénero e as súas novidades, dar a coñecer ao público os autores máis prestixiosos e descubrir os novos valores, analizar o fenómeno e o seu éxito e establecer pontes entre historia e literatura. O programa completo pódese descargar neste ficheiro .pdf: Programa de Auria, Semana de Literatura Histórica.
Domingo Rodríguez: “Castigar e readoutrinar”
Entrevista a Domingo Rodríguez en Galicia Hoxe.
