Servos e escravos altomedievais no noroeste da península Ibérica, de Marcos Fernández, foi unha das obras galardoadas no X Premio de Historia Medieval de Galicia convocado pola Editorial Toxosoutos en Carnota. A outra autora premiada foi Andreia Catarina Magalhães, polo traballo titulado Elementos de adorno altimediévicos em Portugal. Ambos autores aludiron á importancia dunha iniciativa que fai posible que os investigadores vexan publicadas as súas obras, que neste eido e moi complicado. O certame serviu para ensalzar a calidade das obras históricas que se escriben na nosa comunidade, ademáis o coordinador de Toxosoutos, David González, aproveitou para dicir que con este cerrábase o primeiro ciclo destes premios. Tamén se aventourou a desvelar que a vindeira edición será no Concello de Noia. O xurado tamén ensalzou a calidade das obras que concorreron ao certame. Neste sentido, precisou que cada ano se constata un maior nivel histórico e literario dos traballos que se presentan e, ao mesmo tempo, increméntase o número de autores participantes.