‘O 
blog Publicacións Galegas recupera na rede a Revista Nós, os xornais A Nosa Terra e A Fouce e outras publicacións como Terra, Alento, Guieiro e Rexurdimento),que irá recollendo en PDF.
“Hoxe en día a rede é a principal fonte de información para moitos de nós, non obstante, por moito que un busque, non atopa moitas cousas que deberían estar na rede dende hai ben de tempo, entre estas cousas, atópase a Revista Nós, ou os xornais A Nosa Terra ou A Fouce. Sorprende que non se poida consultar esta excepcional revista, exceptuando algún artigo en concreto, con todo o que supuxo para a nosa cultura”, explican os creadores do blog no mesmo.’ Vía Galicia Hoxe. Tamén en Cultura Galega.
Arquivo da categoría: Internet
Camilo Franco pecha a súa Balada triste de moqueta
‘Camilo Franco pecha 
mañá, día 16 ás 22:30 horas na Casa das Crechas a súa última proposta de literatura para a rede, Balada triste de moqueta, o primeiro folletín para facebook do mundo. Acompañarano no escenario o músico Magín Blanco e a actriz e cantante Pepa Yáñez, nunha noite na que prometen que haberá “cervexa, música en directo, lecturas dramatizadas, análise política, algo de mala baba e moito cachondeo”.’ Vía Galicia Hoxe.
Retransmisión en directo da gala dos Premios Xerais o sábado 11 de xuño
O 
sábado 11 de xuño daranse a coñecer os gañadores dos Premios Xerais nun acto literario que terá lugar na illa de San Simón, no que a escritora María Xosé Queizán actuará como mantedora literaria. Como en edicións anteriores o acto será transmitido en directo por internet por Blogaliza.tv e no blogue de Xerais.
Santiago: encontro e coloquio entre Iolanda Zúñiga e Llucía Ramis
O 
venres 3 de xuño, na Cidade da Cultura, en Santiago de Compostela, e no marco dos I Diálogos Literarios do Gaiás, organizados pola Fundación Carlos Casares, terá lugar este encontro e coloquio:
De 11:00 a 12:15 h.: Escribir novela na era da internet, con Iolanda Zúñiga e Llucía Ramis, moderadas por Tucho Calvo. A partir das 12:30 horas, terá lugar o coloquio.
O ILG reúne máis de 7.000 voces do galego oral
Publicado o número 45 da revista Foeminas (Revista Virtual de Xénero)
Xa
está dispoñible online o número 45 da revista Foeminas (Revista Virtual de Xénero), editada pola Concellería de Muller e Servizos Sociais de Lugo. Neste número especial e aniversario preséntanse diversos artigos de gran actualidade, con traballos de Marica Campo, Andrea Inocêncio, Jose Lemur, Luísa Brandt, Esther Vivas, Coral Herrera Gómez, Luís Valle Regueiro e Hugo Huberman.
En marcha unha proposta para encher a Rede de cancións en galego no 17 de maio
Edición facsimilar, con estudo crítico, da revista Loia, polo Consello da Cultura Galega
Os 
catro números da revista Loia, que acolleu os primeiros textos de Lois Pereiro, saen á luz agora nunha edición facsimilar da man do Consello da Cultura Galega. A institución segue así a súa tradición de homenaxear con este tipo de publicacións os protagonistas do Día das Letras. A edición inclúe un estudo crítico da revista coordinado por Xosé Manuel Pereiro no que se poden atopar artigos del mesmo, Ramón Villares, Helena González, Antón Patiño e Manuel Rivas. A edición completa está dispoñible na rede para a libre descarga.
