Deixamos aquí parte das fotos do Obradoiro a cargo de Xurxo Souto. Segundo ciclo Historias da Cidade-Barco. A Coruña e o mar, que tivo lugar o pasado mes de outubro. A Galería de Fotos completa pódese ver aquí. As fotos que se reproducen neste artigo son de Norberto Varela Calvo.
Xosé Antón Cascudo 
impartirá este venres día 6 de novembro unha masterclass sobre guión de ficción televisiva na Fundación Tic de Lugo (Rúa Frei Plácido Rei Lemos s/n,), de 17:00 a 20:00 horas, con entrada de balde.
Cascudo, que combina a escritura coa investigación -está realizando a súa tese de doutoramento sobre a serie Mad Men– ofrecerá unha visión panorámica sobre o fenómeno da ficción televisiva, que a pesar das mutacións propias da era dixital segue constituíndo o epicentro da industria do entretemento.
Na primeira parte da sesión incidirase nalgunhas das particularidades do guión de ficción concibido para o medio televisivo, como a serialidade, o papel da publicidade, a contaminación xenérica ou o carácter transnacional deste tipo de produtos.
Máis adiante Cascudo centrarase no oficio do guionista e nas ferramentas das que dispoñen para artellar o relato: o deseño de estruturas e personaxes, a elaboración de mapas de tramas, a importancia da documentación ou a interacción entre ficción e historia, sen esquecer outros aspectos como as dinámicas das canles e as estratexias de venta.
Na Rúa do Santo Antonio nº 10, baixo, de Santiago de Compostela.
Con barqueira e remador. IV Obradoiro Internacional de Tradución Poética
A AELG colabora, canda o Concello de Pontevedra, no acto do mércores, 21 de outubro, ás 21:20 horas, na Casa da Luz (Praza da Verdura, Pontevedra). Mostra tanto do traballo poético das persoas participantes no obradoiro como do labor de tradución ao galego desenvolvido durante o proxecto.
A Escola de Escritoræs da Asociación de Escritoras e Escritores en Lingua Galega organiza o obradoiro, a cargo de Xurxo Souto, do Segundo ciclo Historias da Cidade-Barco. A Coruña e o mar, do 19 de outubro ao 29 de outubro de 2015. A actividade conta coa colaboración da Agrupación Cultural Alexandre Bóveda e o patrocinio da Consellaría de Cultura e a Deputación Provincial da Coruña.
Inscrición: até o día 18 de outubro a través dos seguintes medios:
– Teléfono: 981 133 233 (agás festivos, de luns a venres, de 9:00 a 14:30).
– Correo electrónico: oficina@aelg.org
– Whatsapp: 696 581 971
20 prazas, gratuítas e para maiores de 16 anos, que se adxudicarán por orde de solicitude. Sigue lendo
CARTOGRAFÍAS LITERARIAS. CURSO DE ESCRITA CREATIVA
Duración: 10 sesións.
Data de inicio: 16 de outubro.
Días: venres de 19:30 a 21:30 h.
A quen vai dirixido: a aquelas persoas que comezan a escribir ou xa o fan interesadas na relación entre palabra e imaxe, escrita e outras artes, con independencia do xénero no que acostumen traballar. Unha oportunidade para adquirir ferramentas, redescubrir e compartir a lectura.
Descrición: Cartografías literarias está dirixido *s interesad*s na literatura en xeral, con independencia do xénero no que acostumen a traballar. É unha viaxe con mirada horizontal a través da Literatura e outras artes partindo de diversos conceptos e propostas prácticas para a escrita. O seu obxectivo básico é o de achegar *s asistentes á trama literaria, facendo fincapé nos resortes do texto e na alquimia entre a técnica e o impulso. Coa mestura da teoría e da práctica, camiñando as pegadas que van deixando *s grandes autor*s, buscarase a escoita dun xeito personalizado, aportando chaves e ferramentas que axuden á elaboración de textos cunha voz propia.
Metodoloxía: serán dez sesións (20 horas) organizadas en dous bloques. Os encontros estarán vertebrados por unidades temáticas e achegamento a diferentes autor*s da literatura galega e universal. Propostas de escrita. Debate continuo. Crítica, valoración e seguimento dos textos creados. Lecturas. Visionado de material audiovisual.
Programa Bloque I
As palabras e os inicios. O eco.
Pescudar na cartografía. Deixarse atravesar.
Entre o abstracto e o concreto.
Do tema á constelación. Listas e caixas. Organizar.
Enfoques.
O impulso e o preverbo.
Da sensación á emoción.
A acción.
Escribir: Chantal Maillard, Virginia Woolf, Marguerite Duras, Boris Vian, John Berger, Ana Romaní, Lois Pereiro.
Programa Bloque II
Tecer: sustantivos, verbos, adxetivos…o que se oculta e desvela.
Tallar un texto: atopar a escultura.
O silencio, o tempo e o espazo.
Ir ao micro.
O infraordinario.
Do literario ao interdisplinar. Mirada transversal. Palabra e imaxe.
Samuel Beckett, Jorge Oteiza, George Perec, Chantal Ackerman, Jonas Mekas, Gustav Deutsch, Louise Bourgeois.
Toda a información e matrícula en:
Espazo Aberto. Escola de Teatro e Danza.
Rúa de San Pedro, 48 baixo. Compostela
info@espazoaberto.net
981588290 – 650066083
Organiza:
Sección de Literatura de Tradición Oral da AELG.
Patrocina: Concellaría de Cultura, Turismo, Xuventude e Promoción da Lingua do Concello de Lugo.
Lugar: Centro Social Uxío Novoneyra (rúa Quiroga Ballesteros).
Duración: 26 horas / 12 sesións semanais de 2 horas e 10 minutos cada unha.
Prazas: 25 (maiores de 15 anos). Adxudicaranse por orde de inscrición, tendo preferencia os alumnos/as asistentes aos 1º, 2º e 3º ciclos do Obradoiro de narración oral.
Calendario: Os martes
29 de setembro.
6, 13, 20 e 27 de outubro.
3, 10, 17 e 24 de novembro.
1 e 15 e 22 de decembro.
Horario: de 18 a 20:10 horas.
Contidos:
· Iniciación á regueifa, por Josiño da Teixeira (4 sesións).
· Iniciación á recompilación de mitos, lendas, contos e sucedidos de Lugo, por Isidro Novo e Antonio Reigosa (6 sesións).
Realizaranse entrevistas en vídeo e audio en diferentes lugares e con diferentes portadores co obxectivo de gravar, conservar e difundir o noso patrimonio oral. Preparación dunha ficha técnica e dun diario de campo, así como de cuestionarios temáticos.
Crearase un blog ou web onde se irán publicando os materiais recompilados (audios, vídeos…), debidamente inventariados, transcritos e editados.
· Clase maxistral, con Xurxo Souto.
Achegarános ás historias da tradición oral do mundo do mar.
· Sesión final, coordinada por Antonio Reigosa e Isidro Novo.
Aberta ao público, e na que se representarán exemplos de patrimonio oral.
Inscrición:
Gratuíta, do 15 ao 25 de setembro de 2015, no Rexistro Xeral do concello de Lugo (Ronda da Muralla, s/n).
O ollo da Arte. I é 
un obradoiro de creación artística contemporánea impartido por Antía Otero, onde coñecer, descubrir e compartir a práctica contemporánea a través dunha mirada propia.
Para participar non se precisa ningunha experiencia previa e está destinado a todas as persoas que están interesadas no feito artístico, xa sexa desde o punto de vista do espectador como da acción. Neste obradoiro crearase a través dun programa definido, un espazo de convivencia ao redor da teoría e da práctica propoñendo ferramentas que axuden ao descubrimento do propio proceso artístico e fomentando o desenvolvemento das capacidades e habilidades artísticas de cada participante.
Buceando en disciplinas moi diversas que van desde a fotografía ao collage, ou do video á arte urbana, pasando por outras como a performance ou o cinema experimental e a literatura, en O ollo da Arte plantexamos un programa aberto que, dividido en sesións teóricas e prácticas, nos permita ampliar referentes sendo máis conscientes do acto creativo, da experiencia, do debate e da aprendizaxe grupal.
Tod@s aqueles e aquelas que participen en O ollo da Arte I no primeiro cuadrimestre poderán continuar a experiencia no Ollo da Arte II. Laboratorio de Creación durante o segundo cuadrimestre. Entre outras cuestións, afondaremos nos contidos iniciados na primeira parte e plantexarase un laboratorio de creación, coa fin de crear un marco idóneo no que cada participante poida transitar os seu propio proceso artístico. Os traballos resultantes serán presentados a finais de xullo nunha Mostra aberta ao público en Normal.
Pódese coñecer un pouco máis de preto o universo de O ollo da Arte a través deste vídeo…
Datas: todos os luns entre o 5 de outubro de 2015 e o 8 de febreiro de 2016.
Horario: de 19:00 a 21:00 horas (30 horas en total).
Lugar: Cubo de NORMAL.
Prezos: 35€ comunidade universitaria da UDC (25€ en segunda matrícula), persoas desempregadas e xubiladas / 55€ público xeral (45€ en segunda matrícula)
Créditos solicitados: 2 créditos libre elección (plans antigos), 1 crédito recoñecemento (plans novos)
Participantes: máximo de 15 persoas.
O prazo de matrícula e pagamento comprende desde o día 14 de setembro até o 2 de outubro. Pode facerse directamente nesta plataforma en liña.
Máis información en:
NORMAL. Espazo de intervención cultural da UDC. Paseo de Ronda 47, A Coruña.
TF: 981 167 000, extensión 4502 Mail: info@istoenormal.org
Desde 
a A. C. O Galo:
“A Agrupación Cultural O Galo inicia un novo ano académico do obradoiro de creación literaria 2015-2016, dirixido a todas aquelas persoas que teñan inquedanzas tanto pola escrita como pola lectura. A nosa idea é axudar a todas as persoas que por calquera razón aínda non se atreveran a mostrar o/a escritor/a que levan no seu interior ou que queren mellorar a súa escrita, estar en contacto con outras persoas que comparten este interese e ter oportunidade de intercambiar ideas e experiencias con xente afín.
As aulas serán fundamentalmente prácticas, e dende a práctica xurdirán os aspectos teóricos: a historia, a acción, o punto de vista, o tempo, o tratamento dos personaxes, a construción do discurso, etc. As sesións desenvolverán pequenas unidades didácticas, que se adaptarán ao ritmo dos asistentes; é decir, serán sesións abertas, pois como se persegue a participación activa, sempre aflorarán cuestións que necesiten desenvolverse en máis tempo do estipulado en principio.
Temporalización do obradoiro de creación literaria 2015-2016
O obradoiro de creación literaria 2015-2016 comezará en outubro e finalizará a finais de maio, tendo en conta o período de vacacións e días non lectivos do lugar onde se imparta; é dicir, teremos sesións ao longo destes meses menos cando peche o centro ou este esté de vacacións. As sesións presenciais serán dunha hora semanal, e o obradoiro contará cunha web colaborativa que permitirá interactuar todos os días
Lugares e horas do obradoiro de creación literaria 2015-2016
O obradoiro de creación literaria ofrécese nos seguintes lugares e horarios, que se confirmarán unha vez pechado o período de inscrición:
– CSC de Conxo. Sábados de 11:00 a 12:00 h.
– Libraría Pedreira. Xoves de 19:00 a 20:00 h.
– Libraría Couceiro. Venres de 18:00 a 19:00 h.
Prezo e inscrición no Obradoiro de Creación Literaria 2015-2016
O obradoiro terá un custo de 30€ mensuais por alumno, 27€ en caso de seren soci@s da asociación ou estar inscritosno paro. A primeira sesión será gratuita, previa inscrición. O prazo para inscribirse rematará o 30 de setembro. Pode facerse aquí.”
