Pontevedra: Escola de Escritoræs. Obradoiro A ciencia das letras: Ciencia, poesía e viñetas para constelar ideas e emocións, con Estíbaliz Espinosa

O Obradoiro A ciencia das letras: Ciencia, poesía e viñetas para constelar ideas e emocións, con Estíbaliz Espinosa é unha unha iniciativa da Escola de Escritores da AELG, coa colaboración do Pazo da Cultura e o patrocinio e colaboración do Concello de Pontevedra.

Se te sentes tanto de letras como de ciencias; se sempre quixeches achegar un gran de area a temas universais como o amor e a morte, pero cos ollos, o enfoque e á luz do coñecemento científico [dende a mecánica cuántica ata as ondas gravitacionais, pasando pola xenética, a neurociencia ou a bioloxía]; se cres que un poema é a criatura literaria máis híbrida, que tamén pode expresarse cunha viñeta, banda deseñada ou nunha infografía; se queres artellar e compartir poemas e tamén todo o universo que colle neles… agardámoste nesta primavera en Pontevedra cun programa cheo de letras e ciencia, cunha convidada moi especial.

A cargo de Estíbaliz Espinosa e cunha clase maxistral de Marilar Aleixandre.
As aulas, nas tardes dos venres, versarán sobre a escrita de poemas e sobre diversas ramas da ciencia coas que adoptar un enfoque literario, de cara a un proxecto final.
O proxecto literario constará de:
– Por unha banda, a elaboración dun poemario científico curto [adubiado con ilustracións, viñetas ou infografías, ao gusto].
– Por outra, un recital final en xuño.
As obras que o desexen poderán subirse á páxina laboratoriodapalabraudc.wordpress.com

Calendario e inscrición
– Días: venres 26 de abril; venres 3, 24 e 31 de maio; venres 7, 14, 21 e 28 de xuño.
– Horarios: de 17:00 a 20:00 h.
– 25 prazas para persoas maiores de 16 anos.
– Inscrición, necesaria e gratuíta, en inscricions@pontevedra.eu, indicando os seguintes datos:
Nome e apelidos.
Correo electrónico.
Núm. do documento de identidade.
Enderezo completo.
Data nacemento.
Ocupación.
As prazas asignaranse por orde de solicitude.

O obradoiro desenvolverase no Pazo da Cultura (Rúa Alexandre Bóveda), no Seminario 8 – Aula da Escola de Escritoræs da AELG.

Compostela: Escola de Escritoræs. Laboratorio de Dramaturxia Posdramática II. Do corpo á palabra, impartido por Afonso Becerra de Becerreá

A Escola de Escritoras-es da AELG, co patrocinio e colaboración do Concello de Santiago de Compostela, organiza o Escola de Escritoræs. Laboratorio de Dramaturxia Posdramática II. Do corpo á palabra, impartido por Afonso Becerra de Becerreá.

PROPOSTA
O Laboratorio de Dramaturxia Posdramática II: Do corpo á palabra vén dar continuidade e afondamento ao curso titulado A Palabra na Dramaturxia Posdramática, realizado no segundo semestre de 2018.
Obradoiro de exploración e creación teatral a partir de algunhas das condicións xerais de composición nas dramaturxias posdramáticas.
Experimentación e análise de dramaturxias colaborativas de proceso. A creación en equipo.
Pesquisa práctica e reflexión sobre a palabra como material no ámbito da danza e o teatro contemporáneos posdramáticos.
Non renunciamos á palabra, nin ao noso compromiso coa lingua galega. Non renunciamos ao texto. Mais non imos establecer unha hexemonía da palabra respecto aos outros elementos de composición. A palabra ha xermolar do corpo, ou da luz, ou ha ser corpo e luz, ha ser acción libre, lúdica, rítmica, atrevida, desatada incluso da sintaxe ou das lóxicas do relato. Do corpo do corpo ao corpo da palabra, nus e libres.

CALENDARIO E INSCRICIÓN
– Días e horarios: sábados 23 de marzo; 6 e 27 de abril; e 4 e 11 de maio de 2019, de 10:00 a 14:00 horas. Sesión de Mostra ao Público dos traballos realizados o sábado 11 de maio, de 12:00 a 14:00 h.
– Máximo de 12 prazas para persoas maiores de 16 anos.
– Inscrición, necesaria e gratuíta, desde o 15/02/2019 ao 22/03/2019, no correo electrónico teatroprincipal@santiagodecompostela.gal
– As prazas asignaranse por orde de inscrición.
– O obradoiro desenvolverase na Sala Agustín Magán do Centro Sociocultural Santa Marta (Antonio Rama Seoane nº 6), de Santiago de Compostela.

PARTICIPANTES
Obradoiro dirixido a actrices, actores, bailarinas, bailaríns, dramaturgas/os, directoras/es de escena e persoas afeccionadas ás artes escénicas.
O número máximo de 12 persoas márcase para poder aproveitar o tempo e facer un seguimento óptimo de cada proxecto.
Ao tratarse dun obradoiro de dramaturxia colaborativa é necesario contar co compromiso explícito de asistencia das/os participantes ás sesións de traballo e á mostra final, xa que, ao tratarse de creacións colectivas, resulta imprescindible a implicación íntegra para o bo funcionamento de cada grupo.
As persoas participantes deberán traer roupa cómoda para poder moverse.

Crónica fotográfica da sesión final do Obradoiro de creación literaria, con Eva Mejuto: Escrita ilustrada

O Obradoiro de creación literaria, con Eva Mejuto: Escrita ilustrada foi unha iniciativa da Escola de Escritoras-es da AELG, coa colaboración do Pazo da Cultura e o patrocinio e colaboración do Concello de Pontevedra.

A derradeira sesión foi un fin de festa lúdico e literario, recitando contos e versos na Taberna do Jazz. Aquí deixamos algunhas das fotografías:

Vídeos dos proxectos resultantes do Obradoiro de dramaturxia A palabra na dramaturxia posdramática, impartido por Afonso Becerra

Xa están na web da AELG os vídeos das 4 pezas dramáticas resultantes do Obradoiro de dramaturxia A palabra na dramaturxia posdramática, impartido por Afonso Becerra, proxectos colectivos de creación que se levaron a escena nunha mostra final aberta ao público que tivo lugar o 22 de decembro.
Unha iniciativa da Escola de Escritoras e Escritores da AELG co patrocinio e colaboración do Concello de Santiago.

Proxecto 1. Con Raquel Castro, Carlos Labraña, Sonsoles Cordón Troncoso e Andrea Dunia Díaz Casal:

Proxecto 2. Con José Breijo Vidal (Topo), Ana Fernández Sánchez, Ana Rosa Pavón Grande:

Proxecto 3. Con Gonzalo Castro Martínez, Yelena Molina, Fiz Patiño (Xiba), Paula Sanmartín Juncal:

Proxecto 4. Con Teresa Moure, Iria Fernández Sobrado, Ismael Enrique Gil Candal:

Escola de Escritoræs. Obradoiro literario Poesía e Mar, impartido por Miriam Ferradáns, en Bueu

Os Obradoiros literarios Poesía e Mar, da Escola de Escritoræs da AELG, impartidos por Marta Dacosta, Antonio García Teijeiro e Miriam Ferradáns contan coa colaboración e patrocinio do Servizo de Cultura e Lingua da Deputación de Pontevedra, e os Concellos de Baiona, O Grove e Bueu.

Nesta ocasión, buscan encontrar a conexión entre a palabra poética e o mar desde perspectivas diferentes, en tres emprazamentos privilexiados da provincia de Pontevedra.

CALENDARIO DOS OBRADOIROS PENDENTES

De Brea e Mar
Data: 10 de novembro de 2018.
Horario: De 10:00 a 14:00 e de 16:30 a 19:30 h.
Lugar de realización: Bueu. Estaleiro de Purro (Avenida de Montero Ríos, ao carón da praia da Banda do Río)

INSCRICIÓNS

– Máximo de 25 prazas por obradoiro.
– Inscrición previa, necesaria e gratuíta, en oficina@aelg.org, no teléfono 981133233 (de 09:30 a 14:00 h. os días laborábeis), ou no móbil 696581971 (no mesmo horario, por chamada telefónica, WhatsApp ou Telegram).
– Indicaranse os seguintes datos:
  • Título do roteiro
  • Nome e apelidos
  • Documento de Identidade
  • Contacto telefónico

As prazas asignaranse por orde cronolóxica de chegada das solicitudes.

Información básica sobre Protección de Datos. O Responsábel do tratamento é a Asociación de Escritoras e Escritores en Lingua Galega. A finalidade do tratamento é atender a súa solicitude de inscrición nesta actividade e a base legal do mesmo é o seu consentimento como persoa interesada. Ten dereito a acceder, rectificar, suprimir os seus datos e outros dereitos. Pode consultar a nosa cláusula adicional premendo no epígrafe Aviso Legal da páxina principal da web da AELG (aelg.gal).

Escola de Escritoræs. Obradoiros literarios Poesía e Mar, impartidos por Antonio García Teijeiro e Miriam Ferradáns, no Grove e Bueu

Os Obradoiros literarios Poesía e Mar, da Escola de Escritoræs da AELG, impartidos por Marta Dacosta, Antonio García Teijeiro e Miriam Ferradáns contan coa colaboración e patrocinio do Servizo de Cultura e Lingua da Deputación de Pontevedra, e os Concellos de Baiona, O Grove e Bueu.

Nesta ocasión, buscan encontrar a conexión entre a palabra poética e o mar desde perspectivas diferentes, en tres emprazamentos privilexiados da provincia de Pontevedra.

CALENDARIO DOS OBRADOIROS PENDENTES

Poemando o Mar
Data: 27 de outubro de 2018
Horario: De 10:00 a 14:00 e de 16:00 a 20:00 h.
Lugar de realización: O Grove. Museo da Salga, Punta Moreiras (-como chegar-)
Dirixido especialmente a profesorado e persoas interesadas no ensino
De Brea e Mar
Data: 10 de novembro de 2018.
Horario: De 10:00 a 14:00 e de 16:30 a 19:30 h.
Lugar de realización: Bueu. Estaleiro de Purro (Avenida de Montero Ríos, ao carón da praia da Banda do Río)

INSCRICIÓNS

– Máximo de 25 prazas por obradoiro.
– Inscrición previa, necesaria e gratuíta, en oficina@aelg.org, no teléfono 981133233 (de 09:30 a 14:00 h. os días laborábeis), ou no móbil 696581971 (no mesmo horario, por chamada telefónica, WhatsApp ou Telegram).
– Indicaranse os seguintes datos:
  • Título do roteiro
  • Nome e apelidos
  • Documento de Identidade
  • Contacto telefónico

As prazas asignaranse por orde cronolóxica de chegada das solicitudes.

Información básica sobre Protección de Datos. O Responsábel do tratamento é a Asociación de Escritoras e Escritores en Lingua Galega. A finalidade do tratamento é atender a súa solicitude de inscrición nesta actividade e a base legal do mesmo é o seu consentimento como persoa interesada. Ten dereito a acceder, rectificar, suprimir os seus datos e outros dereitos. Pode consultar a nosa cláusula adicional premendo no epígrafe Aviso Legal da páxina principal da web da AELG (aelg.gal).

Escola de Escritoræs. Obradoiros literarios Poesía e Mar, impartidos por Marta Dacosta, Antonio García Teijeiro e Miriam Ferradáns, en Baiona, O Grove e Bueu

Os Obradoiros literarios Poesía e Mar, da Escola de Escritoræs da AELG, impartidos por Marta Dacosta, Antonio García Teijeiro e Miriam Ferradáns contan coa colaboración e patrocinio do Servizo de Cultura e Lingua da Deputación de Pontevedra, e os Concellos de Baiona, O Grove e Bueu.

Nesta ocasión, buscan encontrar a conexión entre a palabra poética e o mar desde perspectivas diferentes, en tres emprazamentos privilexiados da provincia de Pontevedra.

CALENDARIO DOS OBRADOIROS

– Palabras Varadas
AutoraMarta Dacosta
Data: 20 de outubro de 2018
Horario: De 10:00 a 14:00 e de 16:30 a 20:30 h.
Lugar de realización: Baiona. Capitanía Marítima (Rúa Elduayen, 20 –como chegar-)
Cada persoa levará un poema en lingua galega no que o mar estea presente
– Poemando o Mar
Data: 27 de outubro de 2018
Horario: De 10:00 a 14:00 e de 16:00 a 20:00 h.
Lugar de realización: O Grove. Museo da Salga, Punta Moreiras (-como chegar-)
Dirixido especialmente a profesorado e persoas interesadas no ensino
– De Brea e Mar
Data: 10 de novembro de 2018.
Horario: De 10:00 a 14:00 e de 16:30 a 19:30 h.
Lugar de realización: Bueu. Estaleiro de Purro (Avenida de Montero Ríos, ao carón da praia da Banda do Río)

INSCRICIÓNS

– Máximo de 25 prazas por obradoiro.
– Inscrición previa, necesaria e gratuíta, en oficina@aelg.org, no teléfono 981133233 (de 09:30 a 14:00 h. os días laborábeis), ou no móbil 696581971 (no mesmo horario, por chamada telefónica, WhatsApp ou Telegram).
– Indicaranse os seguintes datos:
  • Título do roteiro
  • Nome e apelidos
  • Documento de Identidade
  • Contacto telefónico

As prazas asignaranse por orde cronolóxica de chegada das solicitudes.

Información básica sobre Protección de Datos. O Responsábel do tratamento é a Asociación de Escritoras e Escritores en Lingua Galega. A finalidade do tratamento é atender a súa solicitude de inscrición nesta actividade e a base legal do mesmo é o seu consentimento como persoa interesada. Ten dereito a acceder, rectificar, suprimir os seus datos e outros dereitos. Pode consultar a nosa cláusula adicional premendo no epígrafe Aviso Legal da páxina principal da web da AELG (aelg.gal).

Compostela: Obradoiro de dramaturxia A palabra na dramaturxia posdramática, por Afonso Becerra

O Obradoiro de dramaturxia A palabra na dramaturxia posdramática, impartido por Afonso Becerra é unha iniciativa da Escola de Escritores da AELG, co patrocinio e colaboración do Concello de Santiago.

Proposta
Obradoiro de exploración e creación teatral a partir de algunhas das condicións xerais de composición nas dramaturxias posdramáticas.
Experimentación e análise de dramaturxias colaborativas de proceso. A creación en equipo.
Pesquisa práctica e reflexión sobre a palabra como material no ámbito da danza e o teatro contemporáneos posdramáticos.

Participantes
Obradoiro dirixido a actrices, actores, bailarinas, bailaríns, dramaturgas/os, directoras/es de escena e persoas afeccionadas ás artes escénicas.
Ao tratarse dun obradoiro de dramaturxia colaborativa, cómpre un número de participantes múltiplo de 3, para poder facer equipos artísticos polo menos de 3 persoas. Máximo 15 persoas para poder aproveitar o tempo e facer un seguimento óptimo de cada proxecto.
Tamén é necesario contar co compromiso explícito de asistencia das/os participantes ás sesións de traballo e á mostra final, xa que, ao tratarse de creacións colectivas, resulta imprescindible a implicación íntegra para o bo funcionamento de cada grupo.
As persoas participantes deberán traer roupa cómoda para poder moverse.

Calendario e inscrición
– Días e horarios: sábados 13 e 27 de outubro; 3 e 17 de novembro; 1 e 15 de decembro: de 11:00 a 14:00. Sesión de Mostra ao Público o sábado 22 de decembro, de 12:00 a 14:00 h.
– Máximo de 15 prazas para persoas maiores de 16 anos.
-Inscrición, necesaria e gratuíta, en proxectoscultura@santiagodecompostela.gal
As prazas asignaranse por orde de solicitude.
O obradoiro desenvolverase na Sala Agustín Magán do Centro Sociocultural Santa Marta (Antonio Rama Seoane nº 6), de Santiago de Compostela.

Escola de Escritoræs. Obradoiro de creación literaria, con Eva Mejuto: Escrita ilustrada

O Obradoiro de creación literaria, con Eva Mejuto: Escrita ilustrada é unha iniciativa da Escola de Escritoras-es da AELG, coa colaboración do Pazo da Cultura e o patrocinio e colaboración do Concello de Pontevedra.

Álbum ilustrado, libros ilustrados, cómic, novela gráfica… Son narrativas visuais nas que texto e imaxe conflúen para contar unha historia. Neste curso afondaremos principalmente no álbum como categoría propia, no formato, tipoloxía, público destinatario (maioritariamente álbum infantil pero tamén para público adulto), así como en cuestións prácticas de cara ao mercado editorial: cuestións legais e consellos para o contacto coas editoras. Tamén nos achegaremos, en función do público presente, ao mundo da banda deseñada, traballando en diversas propostas de guión.

A cargo de Eva Mejuto, e con clases maxistrais de Kiko da Silva.

Calendario e inscrición
– Días: venres 21 e 28 de setembro; venres 5, 19 e 26 de outubro; venres 2, 9, 16 e 23 de novembro; e venres 7 e 14 de decembro.
– Horarios: de 18:00 a 20:00 todos os venres de setembro, outubro e novembro. Os venres 7 e 14 de decembro de 17:30 a 20:30 h.
– 25 prazas para persoas maiores de 16 anos.
– As prazas asignaranse por orde de solicitude.
– Inscrición, necesaria e gratuíta, en inscricions@pontevedra.eu, indicando os seguintes datos:

  • Nome e apelidos
  • Correo electrónico
  • Núm. do documento de identidade
  • Enderezo completo
  • Data nacemento
  • Ocupación

O obradoiro desenvolverase no Pazo da Cultura (Rúa Alexandre Bóveda), no Seminario 8 – Aula da Escola de Escritoræs da AELG.

O obradoiro enmárcase na Escola de Escritoras e Escritores da AELG, iniciativa que centra os seus esforzos en impartir, por concellos de todo o país, obradoiros con formatos e destinatarios diversos, nos que se abordan diferentes xéneros literarios e contidos. Trátase dunha iniciativa que, cos autores/as como guías, ten o obxectivo de transmitir a experiencia apaixonante do acto creador, tentando concienciar á sociedade do imprescindíbel que é a estimulación creativa na escrita e o seu papel complementario na formación do individuo. O proxecto aposta por ofrecer á mocidade un sistema lingüístico, literario e cultural propio no que asentar as súas raíces.

Escola de Escritoræs. Obradoiro de creación literaria, con Antón Riveiro Coello: As historias no espello

O Obradoiro de creación literaria, con Antón Riveiro Coello: As historias no espello é unha iniciativa da Escola de Escritores da AELG, coa colaboración do Concello de Rianxo e o patrocinio da Deputación da Coruña e a Consellaría de Cultura, Educación e Ordenación Universitaria.

Se gustas de converter en materia estética a realidade cotiá…
Se queres inventar coa palabra outros mundos máis interesantes….
Se aspiras a que na túa imaxinación as persoas volvan nacer, talvez mellores e máis fermosas do que en realidade foron…
Se desexas que a literatura faga vida en ti e, por que non, nas lectoras e lectores… Agardamos por ti.

As historias no espello

Impartido por Antón Riveiro Coello, e cunha sesión maxistral a cargo de Víctor F. Freixanes.

10 sesións de 2 horas cada unha, en horario de 11:00 a 13:00, a celebrar os sábados:
8, 15, 22 e 29 de setembro
6, 13, 20 e 27 de outubro
10 e 17 de novembro

Terá lugar nas aulas do Auditorio de Rianxo (como chegar).
20 prazas, gratuítas, para maiores de 15 anos, que se adxudicarán por orde de solicitude no teléfono
981 100 688

O obradoiro enmárcase na Escola de Escritoras e Escritores da AELG, iniciativa que centra os seus esforzos en impartir, por concellos de todo o país, obradoiros con formatos e destinatarios diversos, nos que se abordan diferentes xéneros literarios e contidos. Trátase dunha iniciativa que, cos autores/as como guías, ten o obxectivo de transmitir a experiencia apaixonante do acto creador, tentando concienciar á sociedade do imprescindíbel que é a estimulación creativa na escrita e o seu papel complementario na formación do individuo. O proxecto aposta por ofrecer á mocidade un sistema lingüístico, literario e cultural propio no que asentar as súas raíces.