O martes 
17 de maio, ás 19:00 horas, terá lugar a celebración do Día das Letras Galegas 2011 no Centro Asociado Escuelas Pías da UNED (C/ Tribulete, 14) de Madrid, organizado polo Clube de Lectura da UNED e a área de Filoloxía Galego-Portuguesa da mesma universidade. O acto abrirase cunha conferencia sobre a figura de Lois Pereiro da parte de Luis Luna e a seguir farase unha lectura do libro colectivo do Grupo Bilbao de escritores de expresión galega, intitulado Madrid era unha praia de baleas entre néboas, presentado polo profesor da área de Filoloxía Galego-Portuguesa da UNED, Xavier Frías Conde. O libro en cuestión conta con textos de Vicente Araguas, Manuel Pereira, Begoña Regueiro, Marga Vázquez, Jurjo Nóvoa, Pili Mera, Ana Cibeira, José Galán e Xavier Frías, cun prólogo de Luis Luna.
Arquivo da categoría: Poesía
Barcelona: recital e mesa redonda con Dores Tembrás, Sílvia Bel e Maria Rosa Font
Vigo: lectura pública da obra de Lois Pereiro, e recital poético-visual con poemas seus
O 
luns 16 de maio, ás 19:00 horas, na Biblioteca Xosé Neira Vilas (Rúa Martínez Garrido, 21) de Vigo, terá lugar unha lectura pública da biografía de Lois Pereiro, en véspera da celebración do Día das Letras Galegas, na que participarán tanto autoridades, como o concelleiro de cultura, Xesús López Carreira, como todas aquelas persoas que queiran acercarse á biblioteca. Tras este achegamento á vida do autor a poeta Olga Patiño levará a cabo un recital poético-visual no que presentará algúns dos poemas máis relevantes de Lois Pereiro, acompañada polo escritor Francisco Fernández Naval e a fotógrafa Maribel Longueira.
A Coruña: Festa do Libro, actividades do domingo 15 de maio
Prosegue
esta nova edición da FESTA DO LIBRO, do venres 13 ao martes 17 de maio nos Xardíns de Méndez Núñez da Coruña, organizada pola Concellaría de Cultura e a Agrupación de Libreiros da cidade, con horarios de 11:30 a 14:00 e de 17:30 a 21:30 horas. Este é o programa de actividades para o domingo 15: PROGRAMA ACTIVIDADES FESTA DO LIBRO MAIO 2011:
* Domingo 15:
– 12:00 h.- Obradoiro “Creación dunha personaxe: Golfiño”, realizado por Fausto Isorna. A partir de 6 anos. Diante do Kiosco Alfonso.
– 12:30 h.- Presentación de “Agullas de ironía”, documental sobre Lois Pereiro feito polo alumnado de Comunicación Audiovisual da Facultade de Ciencias da Comunicación da Universidade da Coruña. No Kiosco Alfonso.
– 13:30 h.- Sinatura de exemplares por parte de Fausto Isorna. No posto das Bibliotecas Municipais.
– 18:00 h.- Presentación do libro de ilustración de Pinturero “Rapazas, las pin-up de Pinturero” (Editorial Dibbuks). No Kiosco Alfonso.
– 18:00 h.- Sinaturas do libro “A Frecha Azul do Teixo” por parte de Eva Veiga, publicado en Espiral Maior Edicións. No posto das Bibliotecas Municipais.
– 18:30 h.- Sinaturas de Diana Varela Puñal do seu último poemario “Animalabismo”, publicado en Espiral Maior Edicións. No posto das Bibliotecas Municipais.
– 19:00 h.- Sinaturas dos libros do ilustrador Mariano Casas Gil “A historia xamais contada“, “La mancha negra” e outras obras do autor. No posto das Bibliotecas Municipais.
– 19:00 h.- Presentación da revista “Fiz” (Retranca Editora), por Kiko da Silva. No Kiosco Alfonso.
– 20:00 h.- Presentación do libro de Miguel Mato “Señardade da luz (A obra poética de Manuel María)”, publicado pola Asociación Cultural Alexandre Bóveda, con Alberte Ansede, Roberto Catoira e o propio autor. No Kiosco Alfonso.
Barcelona: acto conxunto Galicia na voz dos poetas, no Ajuntament de Barcelona
O 
sábado 
14 de maio, ás 20:00 horas, no Saló de Cent do Ajuntament de Barcelona, Xesús Rábade Paredes, Helena Villar Janeiro e Pura Salceda participarán no acto conxunto Galicia na voz dos poetas, nun acto institucional organizado pola Federación de Entidades Culturais Galegas en Catalunya (Fegalcat), coa colaboración do Ajuntament.
Santiago: recital poético organizado por Tinta de Lura e a Libraría Couceiro
O
sábado 14 de maio, ás 19:30 horas, na Libraría Couceiro (Praza de Cervantes) de Santiago de Compostela, terá lugar un recital poético coa participación de Xabier Xil Xardón, Alicia Fernández e Lucía Novas Garrido, organizado por Tinta de Lura en colaboración coa Libraría Couceiro.
Sanxenxo: recital aberto de poesía polo Día das Letras Galegas
Vigo: nova edición do Círculo Poético Aberto
O 
sábado 14 de maio, ás 21:00 horas, no Café Uf Negra Sombra (Rúa Pracer, 19) de Vigo, terá lugar unha nova edición do Círculo Poético Aberto promovido polo Grupo Penúltimo Acto. O acto, que comezará ás 21.00 h., contará coas intervencións de Dara Escribano, Simón Cabo, Belém Grandal, Iria Bragado, Fernando Rodríguez, Jaime Moreda, Cruz Martínez, rosanegra…
Vigo: recital-conferencia Itinerario poético pola defensa do idioma, por Carlos Callón
O 
xoves 12 de maio, ás 20:00 horas, no local da Mesa pola Normalización Lingüística en Vigo (Rúa Abeleira Menéndez, 28, baixo), terá lugar un Itinerario poético pola defensa do idioma, a cargo do seu presidente, Carlos Callón. No recital-conferencia, organizado en colaboración co Servizo de Normalización Lingüística do Concello de Vigo, farase un percurso pola historia contemporánea da lingua galega partindo de textos poéticos que a reivindican, desde os albores do Rexurdimento até os versos máis actuais das novas fornadas creativas. Segundo o autor, “nos poemas que se abordarán no evento de hoxe, poderemos constatar a forza destes creadores e creadoras para que a lingua galega sobreviva e se revitalice; en fin, a forza dun pobo que quere existir, que se nega a ser asimilado”.
Vigo: presentación de O meu gato é un poeta, de Fran Alonso e Xurxo Souto
O 
venres 13 de maio, ás 18:30 horas, Fran Alonso e Xurxo Souto presentan na Librería Libros para Soñar na (Rúa Triunfo, 1) de Vigo o espectáculo poético musical O meu gato é un poeta, dirixido a nenos e nenas a partir de 4 anos e tamén, por suposto, a adultos. Durante a sesión, a poesía convertirase en maxia, música e en xogo, e soará o acordeón. O espectáculo está baseado no libro dos autores publicado en Xerais.
