O 
venres 13 de maio, ás 20:00 horas, na Galería Sargadelos (Praza de Santo Domingo, 4), preséntase o libro Lois Pereiro. O negro leite da aurora, de José Luís Calvo e Carlos Gegúndez, publicado en Toxosoutos. Tras a presentación terá lugar un recital por parte dos poetas colaboradores no volume.
Arquivo da categoría: Poesía
Chapela: Encontro poético no Edificio Multiusos
O 
venres 13 de maio ás 19:30 horas, no Multiusos de Chapela ( Redondela), celébrase o Encontro Poético na Biblioteca da Chapela, no que recitarán Belém Andrade, Concha Rousia, Asun Arias, Carlos Rafael, Carmeliña Garcia, Rosa Garcia e Nolim González.
Lalín: actividades do xoves 12 de maio na Feira do Libro
Ábrese 
a Feira do Libro de Lalín (na Praza da Igrexa) con horarios de 10:30 a 14:00 h. e de 17:30 a 21:00 h. Das actividades do xoves 12 destacamos as seguintes:
– 11:30 h. Participación na feira do libro da escritora Tere Fernández, autora dos libros A funámbula e Viaxe a Terranova, publicados por Edicións A Nosa Terra.
– 19:00 h. O escritor Xosé Neira Vilas asinará exemplares dos seus libros.
– 20:00 h. Pregón a cargo da escritora Yolanda Castaño. Ao remate do acto, a escritora asinará exemplares dos seus libros.
VENTO LOIS na Coruña
Festa das Letras Galegas en Madrid
A Coruña: Gala homenaxe a Lois Pereiro, con poesía e música
O 
mércores 11 de maio, ás 20:30 horas, no Fórum Metropolitano (Rúa Río Monelos, 1) da Coruña, organizada pola Asociación Cultural Alexandre Bóveda, terá lugar unha Gala homenaxe a Lois Pereiro, composta por un recital poético de compañeiros de Lois Pereiro no grupo De Amor e Desamor e un concerto de Manu Clavijo versionando obras do autor homenaxeado este ano no Día das Letras Galegas.
Ourense: presentación de Espindo un bico, de Celsa Barja
O 
martes 10 de maio, ás 18:00 h., na Biblioteca Nodal de Ourense (Rúa do Concello, 11), terá lugar un recital-presentación de Espindo un bico, de Celsa Barja. No acto participa, acompañando á autora, o cantautor Israel Eliaz.
Small stations traduce ao inglés os poemas de Pereiro
(Xornal)
VENTO LOIS no Monte Xalo (Cerceda), o domingo 8 de maio
O 
domingo 8 de maio ás 17:00 horas, no Petón do Monte Xalo (Cerceda), adianto do VENTO LOIS, organizado pola Asociación Cultural Lucerna, coa participación de Estibaliz Espinosa, Miguel Mato, Ramón Vilar e Samuel Paris, entre outros.
“‘O obxectivo ha ser sempre un Universo que se expande’, escribiu Lois Pereiro. Mais, por onde comezar a expandilo? Velaí a cuestión á que lle queremos poñer resposta desde a Asociación Cultural Lucerna, de Cerceda.
O Vento Lois anda soprando con forza en todos os recunchos do país. Ao noso concello tamén chegou algo desa brisa e empurrounos a artellar un novo xeito para expandir o universo. O lugar escollido? O Monte Xalo, un deses espazos onde peta ben o vento e desde o que polinizar o aire con palabras xeitosas para contribuír á expansión do universo.
En que consistiría exactamente o acto? Apoiándonos no vendaval que percorrerá o mundo o vindeiro 12 de maio convocado pola seita loisista leremos o Manifesto Loisista no Petón do Monte Xalo. De seguido abrirase un recital para compartir coas persoas que asistan e cos grandes bolos graníticos do Xalo poemas de Lois Pereiro, textos propios, mensaxes a/sobre Lois… Logo, a música pechará o acto para impulsar as mensaxes lanzadas ao vento do Xalo, contribuíndo así á expansión do Universo…
A devandita expansión do universo será gravada para compartila o 12 de maio con todo o planeta.
Gustariamos de contar coa túa presenza nesta homenaxe para participar na lectura do manifesto e no posterior recital. Agardamos a túa presenza para conseguir unha expansión do Universo potente e duradeira.’
Santiago: actividades da fin de semana na Feira do Libro
Chega ao seu fin a Feira do Libro de Santiago (no Paseo Central da Alameda) con horarios de 11:30 a 14:30 h. e de 17:30 a 21:30 h.
As actividades do sábado 7 son as seguintes:
– 18:30 h. Actividade infantil. Contacontos. Actuación de Fátima.
– 19:00 h. Presentación do libro infantil ¿Qué me pasa, Ntumba? cuentos sobre enfermedades olvidadas, de Feli Ibáñez, publicado por Médicos Sin Fronteras.
– 19:00 h. Enrique Reyes asinará exemplares do seu libro La princesa que emigró, publicado por Éride Ediciones.
– 19:30 h. Sinatura do libro Caja negra, de Francisco Narla.
– 20:00 h. Charla coloquio de Javier Akerman: Terapias naturais, medicina alternativa. Ao remate do acto, o Dr. Akerman asinará exemplares dos seus libros.
– 21:15 h. Sorteo dun lote de libros.
O domingo 8 finaliza a Feira, coas seguintes actividades:
– 18:00 h. Actividade para nenos. Obradoiro de marcapáxinas, impartido por Brétema Animación.
– 19:00 h. Presentación de Poemas no faiado, de varios autores. Colección de poemas lusófonos pensados especificamente para nenos, publicado por Imperdível. Participarán no acto Xosé Antón Serén e Xemma Fernández.
– 20:00 h. Presentación do libro de poesía As Nosas Sombras no Xardín de Serralves, de Xoán Abeleira, publicado por Franouren Edicións. Xunto co autor, participará no acto Dolores Vilavedra.
– 21:15 h. Sorteo dun lote de libros.
– 21:30 h. Peche da Feira do Libro.
