O 
xoves 15 de decembro, ás 20:30 horas, na Galería Sargadelos (Avenida da Habana, 12) de Ourense, terá lugar un diálogo entre Ángel de la Cruz e Miguel Anxo Fernández, arredor da novela Lume de cobiza, deste último autor, publicada en Galaxia. Estarán moderados por Xosé Manoel Rodríguez.
Fotobiografía posterior deste acto en Galaxia.
Arquivo da categoría: Presentacións de libros
Ponteceso: actos das Xornadas No confín do outono pondaliano
A 
Fundación Eduardo Pondal de Ponteceso organiza as Xornadas No confín do outono pondaliano. Dentro do seu programa, que pode ser descargado aquí, destacan as seguintes actividades literarias:
Mércores 14 de decembro:
– Diana Varela Puñal e Xulio Valcárcel: Presentación do libro de poesía infantil dixital As trovas de Midas, publicado en Galebook, e obradoiro de poesía. No CRA Nosa Señora do Faro de Ponteceso. En horario lectivo.
Sábado 17 de decembro:
– Rafael Lema Mouzo: Cova céltica Os vapores cormeños. Na lareira da Fundación Eduardo Pondal. Ás 17:30 horas.
Domingo 18 de decembro:
– Centenario do nacemento de Álvaro Cunqueiro. No salón de actos da Fundación Eduardo Pondal. Ás 12:45 horas. Tamara Lema e Esteban Rey: Escenificación do conto de Álvaro Cunqueiro: Felpeto.
– Lectura cívica de textos cunqueiráns. Alba Costa: Interpretación musical do texto de Álvaro Cunqueiro Teus ollos.
– Coral A Oliveira de Monte Branco (dirixida por Teresa Facal): Estrea da canción Quen poidera namorala, de Álvaro Cunqueiro (partitura cedida polo grupo Milladoiro nas FestiLetras 2011).
– Agasallo do libro O mellor de Cunqueiro, por xentileza de La Voz de Galicia.
Luns 19 de decembro:
– Os Quinquilláns: Representación teatral da obra Merlín para alumnado do CEIP As Forcadas de Corme e CRA Nosa Señora do Faro. No salón de actos da Casa dos Veciños. Ás 11:00 horas.
– Os Quinquilláns: Representación teatral da obra Merlín para alumnado do CEIP Eduardo Pondal de Ponteceso. Ás 15:30 horas.
– César Morán Fraga: Conversa e animación musical arredor da figura do escritor Álvaro Cunqueiro con escolares de 2° de Bacharelato do IES de Ponteceso. No salón de actos da Fundación Eduardo Pondal. Ás 16:30 horas.
Martes 20 de decembro:
– XXX° aniversario da oficialidade dos símbolos de Galicia. No salón de actos da Fundación Eduardo Pondal. Ás 12:00 horas. Xesús Rábade Paredes: Conferencia Os símbolos de Galicia, para alumnado de 3° de ESO do IES de Ponteceso. Coa presenza institucional da Fundación Rosalía de Castro a través da súa presidenta Helena Villar Janeiro.
Santiago: presentación do libro Xeografía de Galicia
O 
xoves 15 de decembro, ás 11:00 horas, na Sala de Profesores da Facultade de Xeografía e Historia da Universidade de Santiago (Praza da Universidade, 1), terá lugar a presentación do libro Xeografía de Galicia, coordinado por María José Piñeira Mantiñán e Xosé Manuel Santos Solla, publicado en Xerais, elaborado por un amplo equipo de profesionais vencellados aos estudos xeográficos e á Universidade de Santiago. O acto contará coa participación dos coordinadores e o editor Manuel Bragado.
Vigo: presentación de Meu pai vaite matar, de María Xosé Queizán
O 
mércores 14 de decembro, ás 20:00 horas, na Libraría Librouro (Rúa Eduardo Iglesias, 12) de Vigo, preséntase o libro Meu pai vaite matar, de María Xosé Queizán, publicado en Xerais. No acto, acompañando á autora, participa Manuel Bragado.
Santiago: presentación de Mulleres na guerrilla antifranquista galega, de Aurora Marco
O 
mércores 14 de decembro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro Mulleres na guerrilla antifranquista galega, de Aurora Marco, publicado en Laiovento. No acto, no que intervirá xunto á autora Francisco Pillado, haberá unha actuación musical de Pilo Sierra, proxectándose a seguir un capítulo do documental As silenciadas, da autoría de Pablo Ces, que acaba de ser galardoado co premio Memòria i Justícia Universal no III Festival Internacional de Dereitos Humanos de Santa Coloma de Gramenet..
Santiago: presentación de Formas da indefinición, de Ignacio Castro
O 
mércores 14 de decembro, ás 20:00 horas, na Sala de Conferencias da Fundación Araguaney (Rúa Montero Ríos, 25-47), preséntase o libro Formas da indefinición, de Ignacio Castro, publicado por Axóuxere, xunto á reedición de Roxe de Sebes, publicada pola Fundación Luís Seoane. No acto, acompañando ao autor, participan Rafa Xaneiro, Alberto Ruiz de Samaniego e Alberto Sucasas.
Santiago: presentación de Diabolus in musica. Conversas con Rogelio Groba, de Fernando Manrique
O 
mércores 14 de decembro, ás 20:00 horas, na Biblioteca Ánxel Casal (Avenida Xoán XXIII) de Santiago de Compostela, terá lugar a presentación de Diabolus in musica. Conversas con Rogelio Groba, de Fernando Manrique, publicado en Galaxia. No acto participan, xunto ao autor, Víctor F. Freixanes, Roberto Varela e propio Rogelio Groba.
A Coruña: presentación de Sombras famentas e outros contos para ler de noite, de Jacobo Sánchez-Feijoo
O 
mércores 14 de decembro, ás 19:30 horas, no FNAC (Praza de Lugo, s/n.) da Coruña, preséntase o libro Sombras famentas e outros contos para ler de noite, de Jacobo Sánchez-Feijoo, publicado por Urco Editora.
Lalín: presentación das actas do curso da UNED Da Galicia de Balbino á Galicia de hoxe
O 
martes 13 de decembro, ás 20:30 horas, na Sala de Prensa do Concello de Lalín (Praza do Concello, 1), preséntanse as Actas do curso da UNED Da Galicia de Balbino á Galicia de hoxe, publicadas pola Deputación de Pontevedra. No acto participan Rafael Louzán, José Crespo, e os coordinadores do libro: Dolores Vilavedra, Luis Fernández, Román Rodríguez e Xosé Antonio Aldrey.
Santiago: presentación de A arte do imposible, de Ramón Máiz
O 
martes 13 de decembro, ás 20:00 horas, na Libraría Couceiro (Praza de Cervantes, 6), de Santiago de Compostela, terá lugar a presentación de A arte do imposible, de Ramón Máiz, publicado en Galaxia, obra que recibiu o Premio Ramón Piñeiro 2010. No acto, o autor estará acompañado por Víctor F. Freixanes e Xan López Facal.
