Desde
a A. C. Alexandre Bóveda da Coruña:
“O sábado 29 ás 12:00 horas realizaremos un roteiro ao lado do mar para gozar dos saberes de Xosé Iglesias: mar, poesía, pesca, paisaxe e sobre todo a palabra, do riseiro e das rabizas, da falsa e dos miños… mais tamén falaremos dos gobernos que levan aos mariñeiros a unha situación de abandono total porque xa sabedes ”que as sardiñas volverían se os gobernos quixesen”.
Sairemos do mirador de Berbiriana, alí na Pena das Catro Cachas (para os que non saibades quedamos diante da fonte dos surfistas) e logo As Mourozas… até O Areal.
Acompañaranos Iván Méndez López para poñer o nome axeitado a cada lugar porque a toponimia constitúe un aspecto fundamental do noso patrimonio.
Para participar, fai a túa inscrición a través deste formulario.”
Arquivo da categoría: Roteiros
A Coruña: crónica fotográfica do Paseo pola Coruña Literaria con Diana Varela Puñal
Estas son algunhas das fotografías do Paseo pola Coruña Literaria con Diana Varela Puñal do sábado 22 de setembro. A crónica fotográfica completa pode verse aquí.
Paseos pola Coruña Literaria Outono 2018: Diana Varela Puñal
Os
Paseos pola Coruña Literaria Outono 2018 son unha iniciativa da AELG desenvolvida coa colaboración e patrocinio do Concello da Coruña.
Os Paseos pola Coruña Literaria constitúen unha iniciativa para coñecermos unha cidade diferente da man de diferentes autoras e autores.
Terán lugar os sábados indicados para cada paseo, de 12:00 a 13:30 h., aproximadamente.
Están dirixidos a maiores de 16 anos e son gratuítos para as persoas interesadas (hai un límite de 55 prazas por paseo).
É necesaria a inscrición previa, que se abrirá a partir das datas indicadas para cada un dos paseos. Pode facerse dos seguintes xeitos:
– Presencial na Conserxaría do Centro Ágora.
– No teléfono 981 189 888 (a partir das datas indicadas para cada paseo).
– Enviando un correo electrónico a lingua@coruna.es, onde deberá constar o/s nome/s e apelidos da/s persoa/s inscritas e un teléfono de contacto.
- Sábado 22 de setembro (a partir das 12:00 h): paseo con Diana Varela, Mulleres donas do seu soldo. A inscrición ábrese o 10 de setembro a partir das 09:00 h.
A escritora e avogada Diana Varela proponnos unha viaxe que entretece literatura e dereito a través de nomes propios e oficios enraizados na cidade.
Será unha viaxe que entretece literatura e dereito a través de nomes propios e oficios enraizados na cidade. Desde Emilia Pardo Bazán e o seu libro La tribuna, que trata o traballo das cigarreiras, que camiñaron á par das cerilleiras e pescantinas na historia da cidade, até Victoria Kent e Clara Campoamor, profesionais do dereito e mulleres fundamentais para a historia da democracia en España e a loita feminista.
-
- Sábado 20 de outubro (a partir das 12:00 h): paseo con Antía Yáñez, arredor de Senlleiras. A inscrición ábrese o 8 de outubro a partir das 09:00 h.
Un percorrido pola Coruña dos anos 30 e as súas singularidades que ambienta a novela Senlleiras. A autora amosaranos os principais escenarios desta novela, recente gañadora do II Premio Illa Nova: os edificios modernistas, a antiga sede de A Nosa Terra, a localización dos hoteis desaparecidos…
- Sábado 27 de outubro (a partir das 12:00 h): paseo con Olga Patiño, A Cidade Vella. A inscrición ábrese o 15 de outubro a partir das 09:00 h.
Este vai ser un percorrido pola luz das pedras. Por esa luz subterránea que nos achega ao bafo dos ancestros. Para a paisaxe invisíbel do tempo está a voz d@s poetas, cuxas pegadas nestas pedras da Cidade Vella foron e son capaces de facer o instante eterno, de vagar pola sinuosidade do vento e achegármonos á hora involuntaria do asombro nas pálpebras dos soños certeiros…
Vigo: crónica fotográfica do Roteiro Literario con Ledicia Costas
Estas son algunhas das fotografías do Roteiro Jules Verne e a vida secreta das mulleres planta, enmarcado nos Roteiros Literarios pola provincia de Pontevedra 2018, que guiou Ledicia Costas o sábado 15 de setembro. A crónica fotográfica completa pode verse aquí.
Santiago: roteiro “As Irmandades da Fala en Compostela”, o 29 de setembro
As persoas interesadas deben anotarse en ogalo.ac@gmail.com antes do 27/09/2018, indicado o nome e apelidos das persoas que acudirán ao roteiro, pois é o xeito de poder encargar o número preciso de audioguías.
A Coruña: crónica fotográfica do Paseo pola Coruña Literaria con Antonio Tizón
Estas son algunhas das fotografías do Paseo pola Coruña Literaria con Antonio Tizón do sábado 8 de setembro. A crónica fotográfica completa pode verse aquí.
Antonio Tizón: “En todas as miñas novelas aparece A Coruña como escenario fundamental”
Desde
Xerais:
“A emisora da Cadena SER na Coruña emitiu unha entrevista con Antonio Tizón sobre a novela Un home estraño e a visita guiada que o autor realiza o sábado 8 de setembro dentro da iniciativa Paseos pola Coruña Literaria organizada pola AELG.
A entrevista pode escoitarse nesta ligazón.”
Paseos pola Coruña Literaria Outono 2018
Os Paseos pola Coruña Literaria Outono 2018 son unha iniciativa da AELG desenvolvida coa colaboración e patrocinio do Concello da Coruña.
Os Paseos pola Coruña Literaria constitúen unha iniciativa para coñecermos unha cidade diferente da man de diferentes autoras e autores.
Terán lugar os sábados indicados para cada paseo, de 12:00 a 13:30 h., aproximadamente.
Están dirixidos a maiores de 16 anos e son gratuítos para as persoas interesadas (hai un límite de 55 prazas por paseo).
É necesaria a inscrición previa, que se abrirá a partir das datas indicadas para cada un dos paseos. Pode facerse dos seguintes xeitos:
– Presencial na Conserxaría do Centro Ágora.
– No teléfono 981 189 888 (a partir das datas indicadas para cada paseo).
– Enviando un correo electrónico a lingua@coruna.es, onde deberá constar o/s nome/s e apelidos da/s persoa/s inscritas e un teléfono de contacto.
- Sábado 8 de setembro (a partir das 12:00 h): paseo con Antonio Tizón, Un home estraño. A inscrición ábrese o 3 de setembro a partir das 09:00 h.
O primeiro dos paseos pola Coruña literaria neste outono de 2018 terá unha das figuras máis destacadas da literatura galega actual, Antonio Tizón. Será un percurso literario, político e musical pola Coruña de 1980, polos escenarios máis significativos onde se desenvolve a acción de Un home estraño, da man do seu autor.
- Sábado 22 de setembro (a partir das 12:00 h): paseo con Diana Varela, Mulleres donas do seu soldo. A inscrición ábrese o 10 de setembro a partir das 09:00 h.
A escritora e avogada Diana Varela proponnos unha viaxe que entretece literatura e dereito a través de nomes propios e oficios enraizados na cidade.
Será unha viaxe que entretece literatura e dereito a través de nomes propios e oficios enraizados na cidade. Desde Emilia Pardo Bazán e o seu libro La tribuna, que trata o traballo das cigarreiras, que camiñaron á par das cerilleiras e pescantinas na historia da cidade, até Victoria Kent e Clara Campoamor, profesionais do dereito e mulleres fundamentais para a historia da democracia en España e a loita feminista.
- Sábado 20 de outubro (a partir das 12:00 h): paseo con Antía Yáñez, arredor de Senlleiras. A inscrición ábrese o 8 de outubro a partir das 09:00 h.
Un percorrido pola Coruña dos anos 30 e as súas singularidades que ambienta a novela Senlleiras. A autora amosaranos os principais escenarios desta novela, recente gañadora do II Premio Illa Nova: os edificios modernistas, a antiga sede de A Nosa Terra, a localización dos hoteis desaparecidos…
- Sábado 27 de outubro (a partir das 12:00 h): paseo con Olga Patiño, A Cidade Vella. A inscrición ábrese o 15 de outubro a partir das 09:00 h.
Este vai ser un percorrido pola luz das pedras. Por esa luz subterránea que nos achega ao bafo dos ancestros. Para a paisaxe invisíbel do tempo está a voz d@s poetas, cuxas pegadas nestas pedras da Cidade Vella foron e son capaces de facer o instante eterno, de vagar pola sinuosidade do vento e achegármonos á hora involuntaria do asombro nas pálpebras dos soños certeiros…
