O 
Ciclo Galicia, ceo das letras. Sábados de autor, que se desenvolverá na Cidade da Cultura, está composto polo seguinte programa de actividades:
– 15 de xaneiro. Rosalía, a voz dun pobo:
12:00 | Relatorio: María do Cebreiro Rábade Villar.
13:00 | Ao raso coas lebres (60’), da compañía CasaHamlet.
– 29 de xaneiro. Manuel Antonio: “venador” de horizontes:
12:00 | Relatorio: Xosé Luís Axeitos.
13:00 | Manuel Antonio e mais dispois (35’). Recital poético-musical de María Lado e o pianista Nacho Muñoz.
– 12 de febreiro. Cela e o seu teatro do mundo.
– 26 de febreiro. Fernando Pessoa: da nosa veciñanza:
12:00 | Relatorio: Carlos Quiroga.
13:00 | Dulce Pontes e Uxía Senlle (40’).
– 12 de marzo. Martín Códax: o son das ondas.
– 26 de marzo. Valle Inclán e a visión estelar.
– 02 de abril. Cunqueiro e a maxia da palabra:
12:00 | Relatorio: Quico Cadaval.
13:00 | Cunqueiradas (45’), por Cándido Pazó.
– 30 de abril. Valente ou a erótica do baleiro:
12:00 | Relatorio: Claudio Rodríguez Fer.
13:00 | Concerto de Mauricio Sotelo, Raquel Rivera e María Luz Rivera (25’).
– 14 de maio. Salvador Espriu: da nosa veciñanza.
– 28 de maio. Torrente e a creación sen límites:
12:00 | Relatorio: Jesús Ferrero.
13:00 | Lecturas musicadas (30’): Charo López, Luis Iglesias Feijoo e Alfredo Conde.
– 11 de xuño. Blanco Amor ou a paixón das marxes.:
12:00 | Relatorio: Bieito Iglesias.
13:00 | Proxección audiovisual (45’). Produción propia da Asociación de Escritores en Lingua Galega (A.E.L.G) que se estrea neste ciclo, como mostra da visión poliédrica dunha serie de escritores/as e estudosos/as sobre o universo literario de Blanco Amor.
Presentan: Cesáreo Sánchez Iglesias, poeta e presidente da A.E.L.G., xunto con Mercedes Queixas Zas, profesora, ensaísta e crítica literaria, así como secretaria xeral da A.E.L.G.
– 25 de xuño. Jorge Luis Borges: da nosa veciñanza.
Arquivo da categoría: Teatro
Santiago: Implícate, noite de música e palabra solidaria 2011
O 
domingo 9 de xaneiro, ás 20:30 h., no Teatro Principal de Santiago de Compostela, terá lugar o especial Implícate, noite de música e palabra solidaria 2011, que contará coa actuación musical de Leilía, Som do galpom e Wöyza, a danza do Centro Coreográfico Galego, o teatro con Life is a paripé, con Iolanda Muíños, César Goldi e Mos, e Quico Cadaval, e a presenza literaria de Ánxela Gracián, Lino Braxe, Marica Campo e Séchu Sende. Todo isto conducido co saber facer de Yolanda Castaño e Luís Tosar. Organizado por Implicadas no desenvolvemento. Máis información aquí.
A Biblioteca do Teatro fura na vertente científica da actuación
Carlos Labraña: “Son moi crítico co que escribo”
Entrevista 
a Carlos Labraña en Galicia Hoxe:
“Galicia Hoxe (GH): Cando se fala da desconexión do público co teatro, non se formula se realmente se fai algo para crear esa conexión.
Carlos Labraña (CL): Xustamente son os espectáculos dirixidos aos nenos os que non teñen problemas. De feito, medraron bastante nestes anos as compañías profesionais que fan espectáculos para nenos e teñen moitas funcións. Se os cativos van ao teatro dende nenos, despois van a seguir indo. Iso si, aos pequenos teslles que ofrecer calidade porque os nenos non son os maiores: se algo non lles gusta, non lles gusta.
GH: Que é o teatro para os nenos?
CL: En principio, para eles é un xogo. O que máis lles gusta é disfrazarse e converterse nun superheroe, ou nun personaxe de acción.
GH: O libro publicarase en Embora. É unha forma de visibilidade?
CL: Eu que levo vinte anos publicando teatro infantil, aínda así sigo tendo problemas para publicala. É moi complicado editar. Agora, tiña dúas obras comprometidas e paráronse. O que primeiro que se sacrifica son as coleccións de teatro. Moitas veces, hai que acudir aos premios. Dígocho eu pero tamén cho pode dicir Manuel Lourenzo. Se non é cun premio, é difícil que unha editorial che publique un libro así.”
A RGT leva o I premio Fegatea
Vigo: presentación de Alén, de Xaime Quintanilla e As criadas. O balcón, de Jean Genet
O 
venres 10 de decembro, ás 11:30 h, na Sala de Xuntas da Escola Superior de Arte Dramática (Poza Cabalo, s/n.) de Vigo, Manuel F. Vieites, Víctor F. Freixanes e Anxo Lorenzo presentan publicamente Alén, de Xaime Quintanilla, e As criadas. O balcón, de Jean Genet, publicados en Galaxia.
A Coruña: presentación do libro A néboa amarela, de Rubén Ruibal
O venres 
3 de decembro, a partir das 20:00 h., na Asociación Cultural Alexandre Bóveda (Rúa Olmos, 16-18, 1º), da Coruña, Rubén Ruibal presenta o seu libro A néboa amarela, editado por Biblos, coa participación, ademais do propio autor, do editor Tucho Calvo e de César Candelas.
Vigo: mesa redonda A formación nas artes performativas en Galicia
O
xoves 25 de novembro, a partir das 19:00 h., no Verbum Casa das Palabras (Avenida de Samil, 17) de Vigo, terá lugar a mesa redonda A formación nas artes performativas en Galicia, na que participan: Roberto Pascual, xefe de estudos da Escola Superior de Arte Dramática de Galicia; Nuria Tobío, xefa de estudos da Escola Audiovisual de Vigo; Mar Caldas, artista plástica e profesora da Facultade de Belas Artes, un representante da Asociación Profesional de Danza Escénica de Galicia; Salvador del Río, actor e profesor da Aula de Teatro do Campus de Vigo e Pontevedra, e Escola Municipal de Teatro de Cangas; e Gema Pérez García, da Central Folque, AFI e o laboratorio de Sons. A partir das 20:30 h. haberá unha nova sesión do Proxecto 6×6 punto de encontro coa palabra imaxe como eixe central da actuación.
Ferrol: presentación de Alén, de Xaime Quintanilla
O venres 19 de novembro, ás 12:00 h., na sala de recepcións do Concello de Ferrol, preséntase a nova edición do libro Alén, de Xaime Quintanilla, publicado por Galaxia. No acto participan Mercedes Carbajales, concelleira de Cultura de Ferrol, Xosé M. Soutullo, e Manuel F. Vieites.
Rubén Ruibal e Gustavo Pernas: “Non lle damos medo ao poder”
Entrevista 
a Rubén Ruibal e Gustavo Pernas en El País:
“El País: Que se pode facer?
Gustavo Pernas: Xuntármonos os diferentes sectores sería fundamental. Hai pouco, un enxeñeiro alemán falounos dos recurtes no seu país. Dicía que é doado rebaixar na cultura porque noutros sectores hai lobbies que amalgaman a xente, pero a cultura está individualizada entre creadores e pequenos colectivos. Non hai nada que lle dea medo ao poder. E o noso esparexemento, a falta dun tecido cultural, é maior.
Rubén Ruibal: Eu en dúas tardes que botei na feira do libro da Coruña vino ben. Chega a tal extremo a separación entre xéneros que primeiro entraron os novelistas á presentación dunha novela; saíron os novelistas e entraron os poetas, e ao final entraron os coruñesistas que non len novela nin poesía. Iso é así.”
