Colaboracións no Proxecto Xabarín 18
Desde o EEI Monte da Guía de Vigo e o CEP Sequelo-Marín:
“”Botando o carro antes que os bois”…poderíamos dicir que así comezou o noso proxecto, Xabarín 18, coa certeza e a ilusión de que non nos ían deixar sen elas a morea de ilustradores que queríamos convidar a participar nel…e así foi!
A ilusión e a confianza segue a latexar no noso equipo, máis aínda logo de vivir a implicación no proxecto non só das nosas pequenas comunidades educativas, senon de outras moitas, da TVG, do MARCO e outros Museos, de Bibliotecas, da Casa da Xuventude, da prensa, das redes sociáis…de todo tedes cumprida información no enlace que vos puxemos ao inicio desta mensaxe.
Neste intre, sentímonos por unha banda na “necesidade” de recoller nun libro o proxecto e as ilustracións (Ramón Trigo, Pepe Carreiro, Kiko da Silva, Carrabouxo, Abraham Carreiro, Carlos Taboada, Buceta…e un longo etc. ata as 21!) que o conforman, tanto por “obriga intelectual” como por gratitude, coa intención de que sexa un agasallo para todos aqueles que o fixeron e fan posible.
E por outra, non queremos que falte outra forma de expresión coa que nós, mestres, e vós, convivimos a cotío, a escrita…así pois, facemos un chamamento á vosa xenerosidade, pedíndovos unha pequena colaboración : un textiño, do xeito, amplitude e contido que vos pareza ben e que fale sobre o que vos poda inspirar o noso benquerido Xabarín. Neste intre, temos xa algunhas colaboracións que nos achegaron “voluntariamente” (Afonso Eiré, Xosé Carlos Caneiro e Miguel Ángel Alonso Diz). Pódense enviar ao correo xabarin18@gmail.com.
Moitísimas grazas xa por adiantado.”
Betanzos: inauguración da Libraría Carricanta
O venres 12 de abril, a partir das 18:00 horas, na Libraría Carricanta (Praza Doutor José Fariña, 1) de Betanzos, terá lugar o seu acto de inauguración. No mesmo haberá actividades para nenas e nenos, coas súas familias, e, sobre as 20:00 horas, falará para as persoas presentes Xurxo Souto.
Presentación de novidades de Urco editora
O venres 12 de abril, ás 19:00 horas, na Biblioteca Ánxel Casal (Avenida Xoán XXIII) de Santiago de Compostela, preséntanse as novidades editoriais en fantasía, ciencia ficción e terror de Urco Editora:
– O clan dos lupercos, de William Morris.
– O anxo da revolución, de George Griffith.
– Os botes do Glen Carrig, de William Hope-Hodgson.
– Fungos de Yuggoth, poemas impíos de H. P. Lovecraft.
– Ninguén Lembra, de Vanesa Santiago.
– Contos de Soños e Sombras, de Ariza Piñeiro.
Ourense: entrega do Premio Brais Pinto 2013
Pontedeume: presentación de As voces baixas, de Manuel Rivas
O xoves 11 de abril, ás 20:00 horas, no Local de Maiores de Pontedeume, terá lugar a presentación de As voces baixas, de Manuel Rivas, publicado por Xerais, nun acto organizado polo Ateneo Eumés e a editora.
Madrid: presentación de Cando fóramos navegar, de Vicente Araguas
Pontevedra: presentación de Monicreques, de Xosé Daniel Costas Currás
Vigo: espectáculo poético Tristecentos versos, con Silvia Penas, Carina Posse, Xabier Xil e Elvira Riveiro
Celanova: acto de presentación da edición facsimilar de LF
O xoves 11 de abril, ás 19:00 horas, na Biblioteca do IES Celanova Celso Emilio Ferreiro, preséntase a edición facsimilar de LF, documento de 1939, pertencente ao arquivo familiar de Celso Emilio, do que realizou unha edición limitada a Fundación Celso Emilio Ferreiro en 2012, e que contén as sinaturas de 544 presos do convento de Celanova. O acto, organizado pola Fundación, en colaboración coa Biblioteca do IES e a Coordinadora comarcal ENDL Terra de Celanova – Baixa Limia, ten o seguinte programa:
– Olladas dos homes que ao lonxe espreitan – Xoán Carlos Domínguez Alberte (profesor e escritor).
– A edición de LF. – Luís Ferreiro Loredo (membro da Fundación Celso Emilio Ferreiro).
– Ideas coas que non puideron acabar – Xosé Manuel Cid Fernández (profesor, especialista no maxisterio da Segunda República).
– Poemas musicados de Celso Emilio Ferreiro – voz, Teresa Elvira López Martínez (alumna da ESO do IES Aquis Querquernis – Bande) / piano, Irma Fernández (profesora de música do IES de Celanova).
– Recitado de textos de Celso Emilio Ferreiro – alumnado do IES de Celanova.
– Presentación do logotipo do IES Celanova Celso Emilio Ferreiro, elaborado polo poeta e pintor celanovés Baldo Ramos.
– Letras da Baixa Limia – presentación do audiovisual elaborado por alumnado de Bacharelato do IES Aquis Querquernis (Bande) sobre o patrimonio literario da Baixa Limia.