«O martes 24 de xuño a Concellaría de Cultura e Centros Socioculturais convídante aos actos de homenaxe a Manuel Curros Enríquez co seguinte programa de actividades:
-Conferencia de Pilar García Negro. “A defensa da lingua galega en Curros Enríquez”. Ás 20:00 horas no Centro Sociocultural do Ensanche (Rúa de Frei Rosendo Salvado, 14-16).
-Concerto homenaxe a Curros Enríquez. María José Ladra / Antón de Santiago / Cítola: “Na frente unha estrela”. Ás 21:00 horas no Teatro Principal.»
Este é o ditame do VI Certame de Teatro Infantil e Xuvenil “Atenea 2008”:
«O Xurado do VI Certame de Teatro Infantil e Xuvenil “Atenea 2008”, que organiza o Ateneo Ferrolán, co patrocinio de Caixa Nova, composto por María José Doce Rey, Aurora Rivas Hermida, Esperanza Vidal Martínez e Francisco Oti Ríos acordou o seguinte FALLO:
1) Conceder o Premio de Categoría Especial ao grupo de teatro do Colexio “Carmen Polo”, dirixido por María Victoria Suárez.
2) Conceder Premio a:
* Grupo do CEIP “Centieiras” do concello de Fene coa obra “Todo é un conto”, dirixido por Mª Cointa Pazos García.
* Grupo “Atios”, do CEIP “Atios”, coa obra “O galo Quirico”.
* Grupo do CEIP “Cruceiro Canido”, coa obra “Berenguela”, dirixida por Maravillas Beceiro.
* Grupo da Asociación Os Amigos “Arco Iris” do Concello de Valdoviño coa obra “A Farsa das zocas” dirixida por Lucía Caneiro.
* Grupo IES CARBALLO CALERO coa obra “Un casting para Melchor” dirixida por MMª Pilar Patiño.
* Grupo “Pasapadentro” da Asociación Cultural Melandrainas de Arteixo, coa obra “La niña que riega las albahacas” dirixida por Marga Fernández e Queta Soto.
Todos eles recibirán un premio, de igual cuantía, por un total de 250 Euros, doados por Caixa Nova, ACTO que terá lugar o próximo venres día 20 ás oito da tarde no salón de actos do Ateneo Ferrolán.» (Ateneo Ferrolán)
A presentación da novela Os nomes do traidor, de Xurxo Sierra Veloso, terá lugar o venres 4 de xullo ás 20:00, na Feira do Libro de Vigo.
«O vindeiro sábado 21 de xuño celebraremos unha experiencia innovadora e atrevida no ámbito do fomento da lectura: unha noite na biblioteca, organizado por Espazo Lectura coa colaboración do Concello de Gondomar. O programa […] consta de dúas partes. A primeira é para nenos e nenas de todas as idades e a asistencia é totalmente libre e celebrarase no exterior, na Praza de Portugal, diante da Biblioteca. A segunda parte do programa celebrarase na biblioteca e é necesario inscribirse. Hai 25 prazas e daráselle preferencia aos nenos e nenas que participaron ao longo do curso nas nosas actividades de fomento da lectura (Contomar ou Lendo Contigo). Estamos seguros de que será unha fermosa e intensa noite de pixamas na biblioteca. […]» (Espazo Lectura)
«Na Fundaçom Penzol de Vigo celebrou-se o passado dia 17 de Junho a entrega do Facho de Ouro a Francisco Fernández del Riego. O acto apresentava-se como reconhecimento a toda umha vida dedicada à emancipaçom da Galiza.
José Luís Rodríguez Pardo, presidente do O Facho, abriu o acto, lembrando no mesmo as vicissitudes da recuperaçom da cultura galega nos tempos escuros do primeiro período do Regime Nacional-Católico, algumhas das mesmas compartilhadas polo apresentador. Com a entrega do Facho de Ouro a Francisco Fernández del Riego serviu para expor que através da ingente laboura levada a cabo polos seus bons e generosos, dos que D. Paco é proba bem indicativa, Galiza terá outras novas mil primaveras.
Fernández del Riego, respondeu para agradecer a consideraçom tida a sua pessoa com a entrega do Facho de Ouro por parte da Agrupaçom Cultural. Posteriormente lembrou o nascimento da Associaçom e a sua pertinência tanto nos primeiros anos da década dos sessenta do século passado, época onde o franquismo fazia estragos, como hoje.
Ao findar o acto de entrega e reconhecimento, o homenageado fizo de anfitriom para nos mostrar aos membros do Facho tanto a biblioteca da Fundaçom Penzol, assim como o Museu “Francisco Fernández del Riego” onde é possível ver e contemplar telas dos nossos pintores mais senheiros assim como de outros artistas de alta consideraçom mundial.
Posteriormente celebrou-se um jantar onde D. Francisco estivo acompanhado polos seus mais próximos amigos e parte da Junta Directiva do Facho.» (A. C. O Facho)
O día 19 na Central Librera (Rúa Real), a partir das 18:00, Miguel Fernández Fernández asinará exemplares do seu libro Ferrol antes de presentalo na Fundación Caixa Galicia (20:00). No acto de presentación desta obra acompañarán a Miguel Fernández o coautor do libro, o escritor e xornalista Ramón Loureiro, ademais de Hermenegildo Franco Suances e Tucho Calvo.
Até o 21 de xullo de 2008. Bases.
Hoxe martes 17 de xuño, ás 20:00 horas no Centro Sociocultural do Ensanche de Compostela (rúa de Frei Rosendo Salvado, 14-16), a Concellaría de Cultura e Centros Socioculturais promove o relatorio de Francisco Rodríguez sobre “A vixencia de Curros”. Nesta conferencia un dos maiores estudiosos da obra e figura de Curros Enríquez defende a súa vixencia na actualidade.
(Vieiros)
«[…] Logo dun amplo debate sobre os 516 traballos presentados, os compoñentes do Xurado acordan por unanimidade deixar deserto o “VII Premio CARLOS CASARES”, de Microrelato, por estimar que ningún dos traballos presentados acada o nível mínimo esixido.
Non obstante, en atención os méritos apreciados noutros TRABALLOS, o xurado acorda conceder TRES ACCÉSITS, dotados con 500 EUROS cadanseu, ós seguintes:
O presentado co lema “Piccolina”, do que una vez aberta a plica correspondente, resulta ser a súa autora Dona Natalia-Dobrina Gospodinoff, con enderezo na Rúa Fernando Guanarteme, 128, 3º-5 de Las Palmas de Gran Canaria. O título definitivo da obra é “Sesenta calorías”.
O presentado co lema “Resistencia”, do que una vez aberta a plica correspondente, resulta ser o seu autor Don Miguel Paz Cabanas, con enderezo na Rúa Vega de Infanzones, nº 2 , 5 A, de León. O título definitivo da obra é “Están Locos”.
O presentado co lema “Vuela libre”, do que una vez aberta a plica correspondente, resulta ser o seu autor Dona Lidia Gregorio Selas, con enderezo na Avenida de Balaídos, nº 73, 1º B, de Vigo-Pontevedra. O título definitivo da obra é “Gula”. […]» Máis información na páxina do Liceo de Ourense.
