O sábado 7 de setembro, ás 18:00 horas, na Casa-Museo Manuel María (en Outeiro de Rei), preséntase o libro A vida incerta. Biografía de Virxinia Pereira, de Montse Fajardo, publicado polo Concello de Pontevedra.
O libro reconstrúe o pensamento e a loita da compañeira de Castelao, unha persoa que percorreu o mundo na defensa da dignidade e dos dereitos do pobo galego fronte ao fascismo e a impunidade.
Tras a presentación, manterase coa autora un coloquio. A entrada é libre, mais por mor das limitacións de capacidade, as persoas interesadas en asistir deben inscribirse a través do correo electrónico contacto@casamuseomanuelmaria.gal ou do whatsapp 698177621.
Vídeo da conferencia de Victorino Pérez Prieto sobre a Xeración Nós (A Coruña, 2020)
Cantiga de Leviatán: recital poético reivindicativo en Caneliñas
Vilalba, dona da Chaira. Homenaxe a Manuel María – Xosé Miguel Barrera
Héctor Cajaraville – “Abano de propostas didácticas arredor de Carvalho Calero”, nas XXIX Xornadas de lingua e literatura. Ricardo Carvalho Calero
Teresa Moure: “Com Sopas New Campbell quero fechar o ciclo dos elefantes como metáfora da culpa”
Entrevista a Teresa Moure na Televisión de Galicia:
“Sopas New Campbell é o novo título de Teresa Moure publicado por Cuarto de Inverno. A autora regresa á metáfora dos elefantes no armario e á personaxe ficticia da filósofa Ana Brouwer. A entrevista pode verse aquí.”
Conferencia “Concha Arenal, unha rubia destemida”, por Marilar Aleixandre
Braga: presentación de Cartografías da narrativa galega contemporánea, de Xaquín Núñez Sabarís
Ciclo de Literatura Infantil e Xuvenil 2020. Sen tabús: ler para pensar
O Ciclo de Literatura Infantil e Xuvenil. Sen tabús: ler para pensar é unha actividade coordinada por Isabel Mociño, coa que a AELG colabora ao abeiro do convenio coa Secretaría Xeral de Política Lingüística.
Desenvolverase os mércores 7, 14, 21 e 28 de outubro e o 4 de novembro, sempre ás 18:00. Dado o amplo interese suscitado, as conferencias serán retransmitidas a través do campus remoto da Universidade de Vigo e posteriormente publicadas na páxina web da tvUvigo, como se vén facendo desde a primeira edición do Ciclo. As persoas que se inscriban recibirán as indicacións para poder conectarse a cada unha das charlas en liña.
A inscrición, de balde, debe facerse aquí.
Recoñecemento de 15 horas de créditos de libre elección (en proceso).
O programa, que tamén pode ser descargado nesta ligazón, é o seguinte:
7 de outubro
Fina Casalderrey
Fórmula máxica para derrubar valos
14 de outubro
An Alfaya
Desbotando tabús. Ler: eu imaxino, viaxo, soño, emociónome, penso, sinto e vivo. E ti?
21 de outubro
Xavier Estévez
Escrito na marxe
28 de outubro
María Canosa
LIX tamén é Lanzadeira de Ideais Xustos
4 de novembro
Marcos Viso
O equilibro poliédrico ou a arte de escribir con imaxes
