Desde Nós Diario:
“O profesor da UDC, escritor e crítico literario Isaac Lourido Hermida resultou gañador do XXX Premio Vicente Risco de Ciencias Sociais, que deron a coñecer este sábado os mémbros do xurado, reunidos na Fundación Vicente Risco.
Teresa Devesa Graña, en representación do Concello de Allariz; Antón Palacio Sánchez, da Universidade de Vigo; Felisa Rodríguez Prado, da Universidade de Santiago de Compostela, e Isabel Mociño González, en representación do Padroado da Fundación Vicente Risco, en calidade de secretaria, desculparon a ausencia, por motivos persoais de Joaquim Vázquez Rodríguez, do Concello de Melide; César Fernández Gil, da Deputación de Ourense, e Manoel Carrete Rivera, do Concello de Castro Caldelas, tras considerar as valoracións dos traballos remitidas por todos os membros do xurado.
Nesta edición, destacaron o “alto nivel de calidade” das propostas achegadas, así como o cumprimento dos requisitos exixidos nas bases do premio por parte de todos os traballos. Con todo, o xurado decidiu outorgar por unanimidade XXX Premio Vicente Risco de Ciencias Sociais ao traballo presentado baixo o lema Sobreviver na palabra escrita. A traxetoria intelectual de José Rubia Barcia que, unha vez aberta a plica, resultou ser da autoría de Isaac Lourido Hermida.
O xurado valora desta obra “a rigorosidade e a profundidade analítica coa que explora o contexto histórico de José Rubia Barcia e a intelectualidade progresista durante a II República e o seu exilio”.
Segundo recolle a acta do premio, a obra asinada por Lourido Hermida “está feita con rigor, ben estruturada e lingüisticamente coidada”. Ademais o xurado valora as achegas documentais que proveñen dunha “pormenorizada pesquisa en fontes pouco accesíbeis e a adecuación formal do texto ás características do ensaio”.
Á vista da calidade e interese doutros traballos presentados a esta edición, o xurado considera facer unha mención especial ao traballo presentado baixo o lema Pasaron polos ollos, pasaron polas mans. O contrabando no Miño, tras considerar “o interese desta obra para a valorización da memoria oral, do patrimonio transfronteirizo e polo traballo de campo”. Aberta a plica a autora deste traballo é Natalia Jorge Pereira, historiadora e investigadora do grupo Histagra da USC.”
Arquivos da etiqueta: Daveiga Galletas Mariñeiras
Bases do XXX Premio Vicente Risco de Ciencias Sociais
Entrega e presentación do X Premio Antón Risco de novela curta, Reflorestação, de Nuno Gonçalves
Allariz: entrega e presentación do X Premio Antón Risco de novela curta, Reflorestação, de Nuno Gonçalves
Nuno Ricardo Moreira Gonçalves gaña o X Premio Antón Risco de Novela Curta con Reflorestação
Desde OurenseXa:
“A sede da Fundación Vicente Risco en Allariz acolleu esta fin de semana o fallo do X Premio de Novela Curta Antón Risco, que este ano recoñece a obra Reflorestação, do autor Nuno Ricardo Moreira Gonçalves.
O xurado, composto por Purificación Araújo Quinteiro (por delegación), Francisco Javier Fernández Davila, Concepción Fernández Vázquez, Luís González Tosar (por delegación) e Jonathan Pérez Pérez, con Ana Gloria Rodríguez Alonso como secretaria sen voto, decidiu por maioría outorgar o galardón á novela de Gonçalves. O premio está dotado con 3.000 euros e a publicación da obra no selo editorial Doutor Alveiros, segundo recollen as bases do certame.”
Na súa valoración, o xurado destacou a calidade literaria do texto, cunha temática de corte fantástico e actual que convida á reflexión. Subliñouse tamén o bo tratamento narrativo, o enfoque da obra e o uso equilibrado do humor.”
Bases do X Premio Antón Risco de Novela Curta
