O 
mércores 16 de marzo, ás 20:00 h., no Casino de Santiago, o escritor italiano Sandro Veronesi presenta a edición galega da súa novela Caos calmo, publicada en Galaxia, e que foi Premio Novela Europea Casino de Santiago no 2009. Crónica posterior en Galicia Hoxe e La Voz de Galicia.
Arquivos da etiqueta: Editorial Galaxia
Vigo: presentación de Unha estratexia marítima para Galicia
O martes 15 de marzo, ás 19:30 h., na Zona Franca de Vigo, preséntase do libro colectivo de ensaios Unha estratexia marítima para Galicia, coordinado por Manuel M. Varela Lafuente e publicado en Galaxia.
Novas publicacións de Lois Pereiro
A Editorial Galaxia publica Náufragos do paraíso e unha Antoloxía poética do autor homenaxeado este ano no Día das Letras Galegas.
Ourense: presentación de O lecer das augas
O 
venres 4 de marzo, ás 20:00 h., na sala de exposicións do Centro Cultural da Deputación de Ourense (Rúa do Progreso, 30), preséntase o libro O lecer das augas. Historia dos balnearios en Galicia. 1700-1936, publicado en Galaxia. No acto participan Benigno Amor, Víctor F. Freixanes e Luís Alonso Álvarez.
Ponteareas: presentación de Pel con pel
O 
martes 1 de marzo, ás 17:30 h., no Centro Expositivo de Ponteareas, preséntase o libro Pel con pel, publicado por Galaxia. No acto participan Ledicia Costas, Marta Dacosta e Francisco Castro.
Noia: presentación de Cabalo de ouros, de Víctor F. Freixanes
O 
venres 25 de febreiro, ás 20:30 h., na Casa da Cultura “Avilés de Taramancos” de Noia, preséntase o libro Cabalo de ouros, de Víctor F. Freixanes, publicado en Galaxia. No acto, organizado pola Asociación Cultural Barbantia, participan, acompañando ao autor, Antón Riveiro Coello, Xerardo AgraFoxo, Encarna Pego, Isabel Santos, e o alcalde de Noia, Rafael G. Guerrero.
Vigo: presentación e recital de As catro estacións, de Antonio García Teijeiro
O 
martes 22 de febreiro, ás 20:00 h., en Librouro (Rúa Eduardo Iglesias, 12) de Vigo, terá lugar unha presentación e recital poético co gallo da nova edición de As catro estacións, de Antonio García Teijeiro, publicado en Galaxia. No acto participará, canda o autor, Francisco Castro, e un grupo de nenos e nenas, dende 4º de primaria ata 4º da ESO, que recitarán e cantarán cancións do libro. Entrevista posterior en Faro de Vigo.
Vigo: Os Bos e Xenerosos. Francisco Fernández del Riego
A 
Asociación de Escritoras e Escritores en Lingua Galega celebra anualmente a súa homenaxe Os Bos e Xenerosos, que supón un acto de estudo e recoñecemento dunha figura ou colectivo que, pola súa dilatada actividade de intervención social, contribuíse á difusión da nosa cultura.
No 2011 chegamos á súa oitava edición, que se dedicou, por decisión unánime dos escritores/as Socios/as, a Francisco Fernández del Riego, polo seu silencioso e incansábel traballo que mantivo aceso o facho da cultura galega en tempos moi difíciles.
Será o sábado, 19 de febreiro, na Casa da Cultura Galega de Vigo, ás 12.00, segundo o seguinte programa:
* Presentación e benvida a cargo de Francisco Domínguez, director da Fundación Penzol.
* Intervención de Cesáreo Sánchez, presidente da AELG (pódese ler o texto aquí).
* Lectura da acta de concesión de homenaxe por Mercedes Queixas Zas, secretaria xeral da AELG.
* Laudatio a cargo do escritor Víctor F. Freixanes (pódese ler o texto aquí).
* Visionado dun vídeo que recolle o esencial da vida e obra de Francisco Fernández del Riego.
* Entrega da placa conmemorativa á familia de Francisco Fernández del Riego.
* Visionado dun vídeo dos fondos documentais da AELG: Francisco Fernández del Riego respondendo á pregunta, “Por que son escritor?“.
* Lectura de textos de Francisco Fernández del Riego a cargo de Malores Villanueva e Francisco Castro.
* Peche do acto por Cesáreo Sánchez.
O acto conta coa colaboración da Fundación Penzol, Editorial Galaxia e Concello de Vigo (Casa Galega da Cultura). Deixamos aquí o convite do acto.
Crónicas posteriores en Galaxia, Galicia Hoxe, La Voz de Galicia, Faro de Vigo e Xornal.
A Coruña: presentación de O Soldadiño de Chumbo
O 
sábado 12 de febreiro ás 12:00 h., no CGAI (Rúa Durán Loriga, baixo) da Coruña, preséntase o clásico de Hans Christian Andersen, O Soldadiño de Chumbo, publicado por Galaxia, e que vén acompañado do DVD coa película producida por Continental, do que tamén se preparou unha unha aplicación para iPad. No acto intervirán Tomás Conde e Virginia Curiá, directores da película, e o editor do libro, Francisco Castro. Visionarase a película e os asistentes poderán experimentar coa aplicación do conto para iPad.
Santiago: presentación de Estremas, de Ana Romaní
O 
xoves 10 de febreiro, ás 20:00 h, na Libraría Couceiro (Praza de Cervantes, 6) de Santiago de Compostela, preséntase o novo poemario de Ana Romaní, Estremas, publicado en Galaxia. Xunto á autora participan Carlos Lema e María do Cebreiro.
