Desde
o Concello de Ourense:
“A verdade nos espellos é o novo libro gañador do Premio Risco de Creación Literaria que organiza o Concello de Ourense. O xurado vén de resolver a obra gañadora correspondente á XV edición deste certame, que foi elixido dun total de 16 traballos presentados.
A verdade nos espellos é un libro de relatos autoría de Pablo Rubén Jorge Eyré. O xurado destacou que o contexto da literatura galega está moi ligada ao relato tal e como se manifesta neste libro que conecta coa nosa tradición literaria. Asemade subliña como foi artellando os contos, a maneira de traballar os finais, sorprendentes, ben resoltos e destaca tamén a riqueza lingüística do texto e o coidadoso dominio do idioma. Pablo Rubén Jorge Eyré (Rubén Eyré) é natural de Chantada.
O xurado desta XV Edición do Premio Risco de Creación Literaria estivo formado por:
– Rubén Martínez Alonso, gañador da pasada edición.
– María Garrido, profesora de ensino secundario.
– Constantino Pazos Sobrino, profesor de ensino secundario.
– Ánxela Gracián, responsable editorial Sotelo Blanco.
– Luís Martínez-Risco, representante da Fundación Vicente Risco.”
Arquivos da etiqueta: Fundación Vicente Risco
Allariz: Ponme un poema!, roteiro poético con Celia Parra e Aldaolado
Allariz: recital poético na inauguración da exposición Mobilia
Bases do XV Premio Vicente Risco de Creación Literaria
Allariz: presentación de Velaí vai o papaventos, de Celia Díaz Núñez
Allariz: presentación de Conversas com Isaac Alonso Estraviz, de Bernardo Penabade
Convocado o XIX Premio Vicente Risco de Ciencias Sociais
As escaleiras do gran hotel, de Rubén Martínez Alonso, premio Risco de Creación Literaria
Desde a Fundación Vicente Risco:
“As escaleiras do gran hotel, de Rubén Martínez Alonso, é a obra gañadora do XIV Premio Risco de Creación Literaria. Trátase dunha trama de intrigas políticas e ideolóxicas previo á Segunda República. A protagonista é unha feminista adiantada ao seu tempo, que racha co modelo familiar da época e soña cun futuro de independencia económica e intelectual.
Esta decisión foi adoptada despois de máis de dúas horas de deliberación, nas que o xurado destaca a gran calidade literarias das obras presentadas. O xurado estivo formado por: María Garrido Rodríguez, Xoán Carlos Feixoo Mirón, Serafín Alonso Pintos, Ánxela Gracián e o gañador da edición pasada Alberto Ramos. (…)”
A Coruña: presentación de Un caso de Lycantropía (O Home-Lobo), de Vicente Risco
Allariz: presentación de Como falar e escribir en galego con corrección e fluidez, de Carlos Callón
A
sexta feira 14 de xuño, ás 20:30 horas, na Fundación Vicente Risco (Rúa San Lorenzo, 3) de Allariz, preséntase o libro Como falar e escribir en galego con corrección e fluidez, de Carlos Callón, publicado en Xerais. O acto está organizado pola Libraría Aira das Letras.
