A Coruña: conferencia de María Casar sobre Territorios literarios. A Coruña de Luísa Villalta

O luns 21 de febreiro, ás 19:30 h., na Biblioteca Municipal do Fórum Metropolitano (Rúa Río Monelos, 1) da Coruña, e con entrada libre, terá lugar unha conferencia de María Casar sobre Territorios literarios. A Coruña de Luísa Villalta, na que abordará as relacións entre o mundo da creadora e o mundo representado na súa obra, facendo un percorrido pola Coruña reflectida na obra poética de Luísa Villalta. María Casar é a presidenta da Agrupación Cultural Ergueitos, e coordinadora do Roteiro Fiz Vergara Vilariño. No acto participará tamén o violinista Manu Clavijo.

A Coruña: recital do Grupo Ouriol na galería Moret Art

A galería Moret Art Espacio acollerá mañá nas súas instalacións un espectáculo poético–musical do Grupo Ouriol que acompañará á exposición Las hijas de Lilith da artista Cristina Moroño. O Grupo Ouriol está formado por Eva Veiga (recitado), Bernardo Martínez (clarinete e percusións) e Fito Ares (flauta traveseira). No recital leranse poemas de Anna Ajmátova, Marina Tsveitáieva, Sylvia Plath, Alejandra Pizarnik, Luísa Villalta, Isla Correyero, Pilar Pallarés e Wislava Szymborska. Será o xoves 12 de marzo ás 20:00 horas en Moret Art Espacio (rúa Olmos, 12-14 1ºB, A Coruña).