Pontevedra: presentación de Seara, de Xosé Vázquez Pintor
Arquivos mensuais: Abril 2012
Santiago: actividades destacadas do 1 e 2 de maio na Feira do Libro
Continúa 
a Feira do Libro de Santiago (no Paseo Central da Alameda) con horarios de 12:00 a 14:30 h. e de 17:30 a 21:00 h.
As actividades máis destacadas do martes 1 e mércores 2 de maio son as seguintes:
* Martes 1:
– 20:00 h. Mesa redonda: Segredos da novela histórica, coa participación de Marcos Calveiro, Pere Tobaruela e Fran Zabaleta. Ao final do acto, os autores asinarán exemplares dos seus libros.
* Mércores 2:
– 18:30 h. Presentación do libro Por un común denominador. A esquerda da nación, de Martiño Noriega, publicado por 2.0 Editora. Participan no acto Martiño Noriega e Manuel M. Barreiro.
– 19:00 h. Presentación do libro O silencio, de Mario Regueira, publicado por Xerais. Xunto co autor, participarán no acto Arturo Casas e Manuel Bragado.
– 20:00 h. Presentación de Dark butterfly de Rexina Vega. Intervirán: Armando Requeixo, Rosa Enríquez, Manuel Bragado e a autora
Santiago: actividades destacadas do luns 30 de abril na Feira do Libro
Continúa a Feira do Libro de Santiago (no Paseo Central da Alameda) con horarios de 12:00 a 14:30 h. e de 17:30 a 21:00 h.
As actividades máis destacadas do luns 30 de abril son as seguintes:
– 19:00 h. O escritor Xosé Neira Vilas presenta o seu libro 100 anos do himno de Galicia publicado por Edicións Embora. Ao remate do acto, o autor asinará exemplares das súas obras.
– 20:00 h. Presentación do libro A praza é nosa. Quen constrúe a democracia? de varios autores, coordinado polo xornalista Marcos Pérez Pena e publicado por 2.0 Editora. Participan no acto Marcos Pena, Antón Lado e varios dos autores da mesma.
Cristina Ferreiro: “Sempre foi moi difícil publicar, non hai moito cambio pola crise”
Entrevista 
a Cristina Ferreiro en El Progreso:
“A lucense Cristina Ferreiro, de 28 anos de idade, suma o Fiz Vergara a súa lista de premios gañados nos últimos anos nas modalidades de poesía e de narrativa, aínda que confesa que está máis cómoda no primeiro xénero literario. A moza, quen reside en Granada, asegura que para os escritores novos estos certames son a porta para publicar no difícil mundo editorial.
– El Progreso (EP): Que lle supuxo gañar o certame de poesía Fiz Vergara Vilariño?
– Cristina Ferreiro (CF): Pois foi unha sorpresa moi grande porque é un premio que ten moito prestixio na comunidade galega. É o primeiro premio desta magnitude que gaño e é algo bo para a miña carreira.
– EP: En que se centra o poemario co que gañou o premio sarriao, Abecedario póstumo?
– CF: Ten unha temática bastante actual. Como dixo o xurado do premio, non me quería centrar nunha crítica social, senón actuar como receptora do que acontece na actualidade.”
Montalegre: Jornadas das Letras (convívio de irmandade galaico-portuguesa)
O 
grupo Desperta do teu sono tem a bem organizar para os próximos dias 5 e 6 de maio umas jornadas convívio das letras galego-portuguesas. O programa inclui umas conferências, comidas de irmandade, um recital de poesia e visita a alguns dos lugares mais emblemáticos do Concelho de Montalegre.
As vagas são limitadas e a inscrição acaba o dia 3 de maio.
https://www.facebook.com/events/419517028059370/
http://www.cm-montalegre.pt/
http://www.pitoesdasjunias.com/
O plano é:
* Sábado 5:
– Por volta das 12:00 hora portuguesa concentração na casa de Turismo Rural do Padre Fontes em Mourilhe.
– 13:00 h. Jantar de confraternização e posterior recital de poesia.
– 16:00 h. Sala da Junta de Freguesia de Pitões das Júnias. Apertura das palestras sobre os Vínculos entre a tradição celta e a tradição galego-portuguesa.
– 16:00 h. 1ª Conferência. António Lourenço Fontes Monumentos arqueológicos de Vilar de Perdizes e Pitões das Júnias.
– 17:00 h. 2ª Conferência: Fátima Figueiredo Tradição celta e literatura medieval galaico-portuguesa.
– 18:00 h. Visita ao Eco-museu e à cascata de Montalegre.
– 20:00 h. hora portuguesa ceia-convívio de irmandade.
* Domingo 6:
– 10:00 h. Sala da Junta de Freguesia de Pitões das Júnias.
– 10:00 h. 3ª Conferência: David Outeiro Pervivência das divindades celtas na mitologia e hagiografia galegas.
– 11:00 h. 4ª Conferência: Blanca Garcia Fernández-Albalat: A Soberania indoeuropeia, celta e galaico-portuguesa: a perduração no folclore.
– 12:00 h. Em Pitões das Júnias mesa redonda, debate e conclusões.
– 14:00 h. Comida de confraternização.
Vagas limitadas. Matricula: info@despertadoteusono.com
José Manuel Barbosa: 0034-637-47.48.33
Manuel Miragaia: 0034-666-37.34.82
info@despertadoteusono.com
barbosa_gz@hotmail.com
Andrés Torres Queiruga: ”Somos libres, grazas a Deus, que nos quere realmente libres”
Entrevista 
a Andrés Torres Queiruga en Galiciaé:
“(…) – Galiciaé (G): Para que o cidadán de a pé o entenda de xeito sinxelo. Pode resumir que é o que molestou tanto á Comisión para a Doutrina da Fe?
– Andrés Torres Queiruga (ATQ): En definitiva, son dous xeitos distintos de interpretar teoloxicamente a fe; non é diferenza na mesma fe, que todos profesamos. O problema está en que a comisión non fixo con claridade e rigor esta necesaria distinción.
– G: Atendendo á coherencia mantense nos seus trece respecto á súa obra e pensamento, que non pensa cambiar. Espera desculpas ou outros razoamentos despois desta chamada a capítulo?
– ATQ: Non se trata de cambiar sen máis, senón de dialogar e seguir pensando. Non son infalible e se nun diálogo serio, mediante razóns teolóxicas, aparecese algo que fose contra a fe, claro que cambiaría. Faino todo teólogo responsable. De todos modos, son moi coidadoso, nunca agresivo e sempre respectuoso e positivo. De momento penso honestamente que na miña teoloxía, que como todas pode ter e seguramente ten aspectos discutibles, non hai nada que lesione a fe da Igrexa. (…)”.
Galicia encantada: As empanadillas do moribundo
“Lenda 
urbana?: As empanadillas do moribundo. Se coñecedes esta historia ao algunha outra parecida, escribide a correo@galiciaencantada.com e contádeo.”
“Un pobre paisaniño do Courel (Lugo) estaba moi maliño deitado na súa cama cando sentiu o olor da comida que máis lle gustaba, as empanadillas que lle facía a súa muller.
A pesar do seu estado, non o puido resistir; ergueuse da cama, baixou as escaleiras e foi dereitiño á cociña. E alí estaban, sobre unha mesado de madeira, nun prato a reverquer, unhas empanadillas recén feitas e quentiñas.
Máis cando lle bota a man a unha para levala á boca, alguén bateulle na caluga con algo contundente:
—Que fas?
O home desplómase como consecuencia do golpe e da súa enorme debilidade, pero cando xira a cabeza para ver quen o acosa ve a súa muller cun cullerón de ferro na man, disposta a repetir o golpe, e berrándolle:
—Nin se che ocorra comelas que son para o velorio!”
Santiago: actos destacados da Feira do Libro para o sábado 28 e domingo 29 de abril
Comeza 
a Feira do Libro de Santiago (no Paseo Central da Alameda) con horarios de 12:00 a 14:30 h. e de 17:30 a 21:00 h.
As actividades máis destacadas do sábado 28 e domingo 29 de abril son as seguintes:
* Sábado 28:
– 13:00 h. Inauguración oficial, coa participación da Asociación do Traxe Galego, e pregón inaugural a cargo de Víctor F. Freixanes.
– 20:00 h. Presentación do libro Morgana en Esmelle, de Begoña Caamaño, publicado en Galaxia. Xunto coa autora, participan no acto Víctor F. Freixanes e María Xesús Nogueira.
* Domingo 29:
– 18:00 h. Obradoiro de narración oral e contacontos a cargo do narrador senegalés Boniface Ofogo. Ao remate do acto, o autor asinará exemplares do seu libro O león Kandinga, publicado por Kalandraka Editora.
– 19:00 h. O renacer da literatura fantástica en galego: Urco editora e Contos estraños editora. Presentación das novidades das dúas editoras.
A Coruña: presentación de Diáspora, de Neves Soutelo
O 
luns 30 de abril, ás 20:30 horas, no Taller de Litografía Milpedras (Rúa Brasil, 3) da Coruña, preséntase o libro Diáspora, de Neves Soutelo, publicado en Acha Escrava Editora. No acto, acompañando á autora, participa Manuel L. Rodrigues, e estará seguido dun recital poético.
As silenciadas, documentario de Pablo Ces baseado na obra de Aurora Marco, nominado nos Premios Mestre Mateo 2011
O 
documentario As silenciadas, de Pablo Ces, baseado na investigación Mulleres na guerrilla antifranquista galega, de Aurora Marco, está nominado na categoría Documental nos Premios Mestre Mateo 2011, que se entragarán o sábado 28 de abril na Coruña. As silenciadas obtivo o premio Memória i Justícia Universal no III Festival Internacional de Cine de Dereitos Humanos de Santa Coloma de Gramanet en decembro de 2011.
