Premios Luzes de Novo Xornalismo

Desde a Revista Luzes:
“Dende a convicción de que o xornalismo é un ben esencial e público, un xeito de activismo democrático para evitar a subtracción de dereitos e liberdades, e dende o compromiso de contribuír a crear espazos onde escribir e ver con ollos libres, convócanse por vez primeira os Premios Luzes de Novo Xornalismo nas modalidades de reportaxe literaria e reportaxe gráfica, e coas seguintes bases:
1. A participación está aberta a todas as persoas até a idade de 30 anos e de calquera nacionalidade.
2. Outorgaranse tres premios Luzes na modalidade de reportaxe literaria e tres premios Luzes na de reportaxe gráfica.
3. A revista Luzes comprométese á publicación dos traballos premiados durante o presente ano.
4. Na modalidade de reportaxe literaria os traballos poderán ser realizados en idioma galego ou noutras linguas, con tema aberto, presentados cunha sinopse, e cun espazo máximo de 16.000 caracteres, espazos inclusive.
5. Na modalidade de reportaxe gráfica, de temática aberta, a serie fotográfica deberá ter un mínimo de quince imaxes, en calquera formato e en branco e negro ou cor.
6. O xurado estará formado por membros do comité de redacción e do consello editorial de Luzes e presidido por Fermín Bouza Álvarez.
7. A revista Luzes poderá xestionar cos seus autores a publicación doutros traballos presentados, ademais dos premiados.
8. O prazo de entrega ao enderezo da revista Luzes rematará o día 13 de xullo.
9. O fallo darase a coñecer o 1 de agosto.”

En Galicia, a 8 de marzo de 2015 […]

Vigo: Paseos polo Vigo literario, o 23 de maio, con Francisco Castro

Paseos polo Vigo literario Paseos polo Vigo literario 2015é unha iniciativa da AELG desenvolvida coa colaboración e patrocinio da Concellaría de Normalización Lingüística do Concello de Vigo.

Todos os paseos con saída ás 11:30 horas.
Para se inscribir deben enviar os seus datos (nome completo e teléfono) ao correo electrónico actividades.snl@vigo.org (deben indicar a cal/es paseo/s irán).
Inscrición por orde de chegada do correo. Prazas limitadas: 50.

Sábado, 23 de maio: Francisco Castro
Saída: Praza da Constitución.
Desde a Praza da Constitución desprazarémonos ata a Porta do Sol, ao edificio onde estaba ubicado El Pueblo Gallego, que serviu de inspiración para recrear o Eco de Vigo, o xornal onde traballa o pai do protagonista. Baixaremos cara o Teatro García Barbón, para parar na antiga sede da churrería ‘Bonilla’ de camiño cara á rúa Luis Taboada, rúa que albergaba a enigmática imprenta da novela Tes ata as 10. A Praza de Compostela-Alameda e o Porto Deportivo encamiñarannos cara á estatua de Xulio Verne, protagonista da cidade e da novela Tes ata as 10.

201504291257165c16f9b8c0e6bb4d9345dc8f085e8916

90 obras optan aos Premios Xerais 2015, que se fallarán o 6 de xuño

OsPremio Xerais 2014 xurados declararán as obras finalistas na súa primeira reunión, que se celebrará o venres, 29 de maio. Os premios serán fallados o sábado 6 de xuño na illa de San Simón. Este ano compiten un total de noventa obras.

O xurado da XXXII edición do Premio Xerais de Novela, dotado con 10.000 euros e no que concorren trinta e catro obras, está formado por: Ángel Ramiro Paz “Cano” (libreiro. Libraría Paz de Pontevedra), Anxo González Guerra (profesor xubilado), Sofía Tarela (música), María Costa Vázquez (editora), Alejandro Costas Gándara (programador. Participa nos xurados dos premios Xerais a través da convocatoria aberta que se fixo no blog de Xerais) e Fran Alonso (secretario do xurado), en representación de Xerais, con voz e sen voto.

O xurado da VII edición do Premio Jules Verne de Literatura Xuvenil, dotado con 10.000 euros e no que concorren vinte e tres obras, está formado por: Anxos Rial Vidal (profesora e coordinadora dos clubs de lectura do IES de Poio), Xesús Pena Pérez (licenciado en química. Participa nos xurados dos premios Xerais a través da convocatoria aberta que se fixo no blog de Xerais), Noemí Lage Redondo (alumna de 4º de maxisterio en Lugo), Itziar Fernández Sömme (alumna de 2º de Bacharelato no IES Castro Alobre de Vilagarcía), Nicolás Teixeiro Garrido (alumno de 4º da ESO no IES Terra de Turonio de Gondomar) e Xosé Manuel Moo Pedrosa (secretario do xurado), en representación de Xerais, con voz e sen voto.

O xurado da XXX edición do Premio Merlín de Literatura Infantil, dotado con 10.000 euros e no que concorren trinta e tres obras, está formado por: Alicia Borrás (escritora), Dani Padrón (ilustrador), Daniel Landesa (escritor), Celia Pereira Porto (licenciada en dereito. Participa nos xurados dos premios Xerais a través da convocatoria aberta que se fixo no blog de Xerais), Carmen Pereiro González (licenciada en Filoloxía Galega. Participa nos xurados dos premios Xerais a través da convocatoria aberta que se fixo no blog de Xerais) e Helena Pérez Fernández (secretaria do xurado), en representación de Xerais, con voz e sen voto.

Coñécense as obras gañadoras dos Concursos Literários da A. C. O Facho

“AA. C. O Facho Agrupaçom Cultural O Facho tem a bem de informar das Resoluçons dos Concursos Literários convocadas pola Entidade:

Concurso de Poesía:
– Premio à obra: Nenaespiraes, de Tamara Andrés Padín.

Concurso de Contos de nenos para nenos:
Premios da Categoría A (Nenos e nenas de 9 a 12 anos):
Primeiro premio: Mentres dormes, de María Carballo Rodríguez. Alumna do CEIP Concepción Arenal da Coruña.
Segundo premio: O roubo de Pontenova, de Clara Brage Amado. Alumna do CPI Virxe da Cela de Monfero.

Premios da categoría B. (Rapaces e rapazas de 13 a 16 anos):
Primeiro premio: Samaín, de Jéssica Lorenzo González. Alumna do colexio Filipenses Sagrada Familia de Vilagarcía de Arousa.
Segundo premio: Pecha os ollos, de Carme Castrillo Solto. Alumna do colexio Maristas Santa María de Ourense.

Concurso de Teatro Infantil:
Premio à obra: Estrela… fugaz?, de Carlos Labraña.

Crunha, 20 de Maio do 2015″

Entrevista a Celia Parra

EntrevistaCelia Parra a Celia Parra en Palavra Comum:
“(…) – Palavra Comum (P): Que supõe para ti a poesia e o audiovisual?
– Celia Parra (CP): Poesía e audiovisual sempre foron para min os vehículos de transmisión e comunicación máis íntimos, as linguaxes coas que máis cómoda me sinto. Primeiro chegou a palabra, despois descubrín o cine, do que me interesa a vertente máis creativa e experimental, e agora ando xogando a mesturalas. Ambas supoñen, ante todo, a celebración dunha maneira propia de ver e sentir o que nos rodea, e por tanto unha forma de liberdade. (…)
– P: Qual consideras que é -ou poderia ser- a relação entre a literatura e o audiovisual entre si e com outras artes?
– CP: Entendo as artes como expresións dun sentimento, emoción ou discurso; unha forma de trasladar un rebulir interior cara ó exterior empregando distintos formatos e técnicas: ben sexa unha composición musical, ben unha novela, un cadro, unha escultura… Cada unha, co seu grao de abstracción e características particulares, non deixa de ser a maneira que atopamos de darlle forma a ese algo que pula por facerse corpo, e por iso as vexo intimamente relacionadas.
Penso que, concretamente, poesía e o audiovisual son dúas manifestacións da mesma simbiose. O poder evocador da palabra fai que o poema desencadee na imaxinación unha serie de imaxes, reais ou figuradas. De igual xeito, a sintaxe interna da propia imaxe, e tamén a que deriva da montaxe cinematográfica, escribe no cerebro do espectador conceptos, significados e impresións. Unha imaxe sen palabras fai que estas agromen na mente, e o mesmo pasa cunha soa palabra. Para min é moi interesante explorar a intersección destas dúas linguaxes, como se complementan, como se duplican, como se mesturan e que universos crean. (…)
– P: Que projetos tens e quais gostarias chegar a desenvolver?
– CP: Agora mesmo estou producindo Versogramas, un proxecto transmedia que explora o xénero da videopoesía a través dun documental de creación, unha exposición, un webdoc e unha longametraxe experimental. É un proxecto apaixonante que desenvolvo xunto con dous grandes profesionais, Belén Montero e Juan Lesta (Esferobite). Polo de agora estamos en fase de financiamento, agardo que pronto poidamos ensinar cousiñas. Como ando volcada niso, pouco tempo e espazo mental me queda para a escrita, pero si que me gustaría retomar algunhas ideas que teño anotadas para un poemario.”

Aberto o prazo para a votación popular de Inspiraciencia, ata o 12 de xuño

Abriuseinspiraciencia2015 a votación popular de Inspiraciencia para decidir o premio do público. Preto de 90 relatos pasaron a preselección de entre os máis de 400 relatos recibidos e poden votarse ata o 12 de xuño, co único requisito de estar previamente rexistrado. A mesma selección de relatos pasou ao xurado do premio institucional que decidirá os ganadores para cada lingua e categoría.

– Premio do público: Votación aberta ata o 12 de xuño. Pode realizarse aquí.

– Premio institucional. Xurado: David Alenyà Vilaró, Jon Arrizabalaga Valbuena, Karina Barros Ferradas, Jon Elordi Akordarrementeria, Eva García Fernández, Sara Martín Alegre, Pau Solsona Boada e Sonia Varela Pombo, representante da Asociación de Escritoras e Escritores en Lingua Galega e profesora na Universitat Autónoma de Barcelona.