En colaboración coa A. C. Alexandre Bóveda, o domingo 23 de febreiro, ás 17:00 horas, diante do Teatro Rosalía de Castro, terá lugar o acto do Día de Rosalía 2025 na Coruña, coa lectura do Manifesto da AELG, elaborado neste 2025 por Marga do Val, por parte de Beatriz Maceda Abeleira, e unha posterior lectura pública da obra de Rosalía.
Arquivo da categoría: Asociación de Escritoras e Escritores en Lingua Galega
Vigo: Día de Rosalía de Castro 2025
O Día de Rosalía 2025 celébrase en Vigo, coorganizado pola AELG e a Asociación Cultural O Castro, o sábado 22 de febreiro, ás 12:00 horas, coa colocación dunha ofrenda floral na Imprenta de Juan Compañel (Rúa Real nº 12), tendo lugar xusto despois, no Local da Asociación Cultural A Revolta, a lectura do Manifesto da AELG, elaborado neste 2025 por Marga do Val, levándose a cabo posteriormente unha lectura pública da obra de Rosalía e a degustación dun caldo de gloria.
Lugo: Día de Rosalía de Castro 2025
O 21 de febreiro, ás 11:30 horas, no Parque de Rosalía de Castro (en caso de choiva, o acto tería lugar no Auditorio do Vello Cárcere), terá lugar a conmemoración do Día de Rosalía de Castro en Lugo, organizado pola AELG, coa colaboración da Área de Cultura, Turismo e Promoción da Lingua do Concello de Lugo.
O acto consistirá na lectura do Manifesto da AELG, elaborado neste 2025 por Marga do Val, a lectura pública da obra de Rosalía de Castro por alumnado do CEIP Veleiro Docampo de Castro Ribeiras de Lea e escritoras/es da cidade de Lugo, e unha ofrenda floral en homenaxe á autora.
Compostela: conferencia A Intelixencia Artificial. Retos actuais para a creación cultural, por Jorge Corrales, director xeral de CEDRO
O 7 de febreiro, ás 17:00 horas, no Museo do Pobo Galego, en Santiago de Compostela, o director xeral de CEDRO, Jorge Corrales, impartirá unha conferencia baixo o título A Intelixencia Artificial. Retos actuais para a creación cultural. O acto será introducido por Cesáreo Sánchez Iglesias, presidente da AELG.
A entrada é libre e gratuíta para todas as persoas interesadas. Non é necesaria inscrición previa.
Pontevedra: acto polo Día de Rosalía 2025
O sábado 22 de febreiro, ás 12:30 h., no Bar Verbena, Lucía Novas lerá o manifesto da AELG, nun acto ambientado polo colectivo O Fruto e a Serpe, onde o público está convidado a participar nun recital de micro aberto. Esta actividade terá lugar dentro das propostas do Concello de Pontevedra e o seu Servizo de Normalización Lingüística con motivo do Día de Rosalía de Castro.
A Conferencia de Asociacións de Escritoras e Escritores expresa a súa solidariedade e o seu apoio ao escritor en lingua galega Carlos Callón ante as ameazas recibidas
A Conferencia de Asociacións de Escritoras e Escritores, composta por entidades autorais de todo o Estado que representan a case 9.000 escritoras/es e tradutoras/es, quere expresar o seu pleno apoio á Asociación de Escritoras e Escritores en Lingua Galega na defensa do escritor e activista Carlos Callón ante os ataques á súa persoa e a unha das súas obras nas redes sociais galegas.
A Conferencia fai súa a actitude da AELG, debido á gravidade das ameazas, nas que se manifesta, entre outras cousas, que o seu ensaio Vidas e Historias LGBT da Idade Media non poderá ser presentado.
A Conferencia de Asociacións de Escritoras e Escritores manifesta o seu apoio ao acto creativo e tamén ás achegas realizadas para a análise da diversidade e as identidades de xénero. Os posíbeis desacordos nunca poden conter ameazas, e as opinións diversas nunca poden buscar o silencio e a uniformidade.
A liberdade de expresión e de creación é un ben esencial das sociedades democráticas e está consagrada no artigo 20 da Constitución actual.
A celebración das diversidades e das identidades disidentes é algo que fortalece os nosos sistemas literarios. O achegamento á historia, intentando iluminar o esquecido, o oculto e o prohibido, será sempre motivo de alegría e debate para as nosas letras.
Desde a Conferencia saudamos un texto que quere investigar a diversidade e a identidade de xénero na historia e expresamos a nosa máis rotunda condena a quen buscan o silencio e o medo como instrumentos de debate, facendo uso da confrontación, a descualificación e o acoso.
Fan parte da Conferencia as seguintes entidades:
Asociación de Escritoras e Escritores en Lingua Galega (AELG), Asociación Colegial de Escritores de España (ACE), Asociación de Escritores de Euskadi – Euskadito Idazleen Elkartea (AEE-EIE), Asociación Valenciana de Escritores y Críticos Literarios (CLAVE), Asociación de Escritores y Escritoras de Extremadura (AEEX), Asociación Aragonesa de Escritores (AAE), Asociación Colegial de Escritores de Cataluña (ACEC), Asociación de Escritores de Castilla La Mancha (AECLM), Asociación Navarra de Escritores/as – Nafar Idazleen Elkartea (ANE-NIE), Sociedad Cántabra de Escritores (SCE), Nueva Asociación Canaria de Escritores (NACE), Asociación de Escritores y Escritoras de Asturias (AEA), Asociación Riojana de Escritores (ARE), Associació d’Escriptors en Llengua Catalana (AELC).
A Coruña: Gosto de vivir a poesía, Manuel Miragaia
Crónica videográfica do Congreso de Narrativa 2024 (V)
O Congreso de Narrativas, actividade da AELG co apoio da Deputación da Coruña, CEDRO e o Centro Ágora, tivo lugar o vindeiro 14 de decembro na Aula 9 do Centro Ágora da Coruña.
Aquí pode verse a crónica videográfica, da que publicamos hoxe o seguinte vídeo:
– Peche musical A Lingua do Eléctrico, por Lois Pérez.
Crónica videográfica do Congreso de Narrativa 2024 (IV)
O Congreso de Narrativas, actividade da AELG co apoio da Deputación da Coruña, CEDRO e o Centro Ágora, tivo lugar o vindeiro 14 de decembro na Aula 9 do Centro Ágora da Coruña.
Aquí pode verse a crónica videográfica, da que publicamos hoxe o seguinte vídeo:
– Mesa redonda A narrativa galega máis nova: temas, enfoques e perspectivas.
Relatoras/es: Sica Romero, Fabio Rivas e Alba Guzmán. Moderación de Xosé Monteagudo.
Crónica videográfica do Congreso de Narrativa 2024 (III)
O Congreso de Narrativas, actividade da AELG co apoio da Deputación da Coruña, CEDRO e o Centro Ágora, tivo lugar o vindeiro 14 de decembro na Aula 9 do Centro Ágora da Coruña.
Aquí pode verse a crónica videográfica, da que publicamos hoxe o seguinte vídeo:
– Mesa redonda O mundo na palma dunha man.
Relatoras/es: Marica Campo, Érica Esmorís e Fina Casalderrey. Moderación de Beatriz Maceda:
