Desde Cultura Galega:
“O Consello da Cultura galega presentou o luns 24 de febreiro en rolda de prensa o Epistolario dixital de Rosalía de Castro, unha colección de dezaseis cartas enviadas pola poeta e que suponen a primeira edición conxunta destes textos. A nova lectura das cartas profunda na imaxe da Rosalía moi consciente de ser escritora. (…)
O Epistolario dixital de Rosalía de Castro supón a segunda incorporación dunha colección de correspondencia ao Proxecto Epístolas do Consello da Cultura Galega. Son 18 cartas que Rosalía remite a Manuel Murguía, Eduardo Pondal ou a Ángel Baltar, e que foron editadas polo Centre Dona i Literatura da Universitat de Barcelona, baixo a dirección de Helena González, María Xesús Lama e María do Cebreiro Rábade.
Precisamente esta editora suliñou que estas cartas supoñen unha revalorización da investigación biográfica ao redor de Rosalía de Castro, xa que na nova transcrición realizada para a súa publicación, aparecen importantes matices que realzan o papel de Rosalía como escritora consciente de selo e cunha marcada “ironía, talento e vontade de estilo”, segundo María do Cebreiro Rábade.”
Arquivo da categoría: Ensaio
Conversas com Estraviz
Actos do Día de Rosalía de Castro 2014 para o luns 24 de febreiro
Vigo: actos arredor de Rosalía de Castro o luns 24
O luns 24 de febreiro ás 12:00 horas, no Auditorio do Concello de Vigo (Praza do Rei), Fernando Pereira Bueno, autor de Rosalía de Castro. Imaxe e realidade, impartirá unha conferencia a escolares da cidade sobre A imaxe da maior icona visual de Galicia, nun acto onde participarán Isaura Abelairas, Manuel Bragado e o autor.
A partir das 18:00 horas, na Casa Galega da Cultura (Praza da Princesa), terá lugar unha lectura, en varios idiomas, da obra de Rosalía en colaboración coa Universidade de Vigo e o Voluntariado de Vigo. Deseguido, ás 20:00 horas, Fernando Pereira Bueno, falará de Rosalía de Castro. Imaxe e realidade para o público en xeral.
Compostela: presentación de Conversas com Isaac Alonso Estraviz
Pontevedra: II Xornadas sobre o Entroido de Galiza
Santiago: presentación de Novos pasos por Bretaña, de Pemón Bouzas
O mércores 19 de febreiro, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase Novos pasos por Bretaña, de Pemón Bouzas, publicado en Xerais. No acto, xunto ao autor, participan Eva Millán, Xurxo Fernández e Manuel Bragado.
Ponte Ulla: presentación de As pontes do río Ulla
Ferrol: presentación de Lembranzas dunha vida, de Francisca Rodríguez Cabanas
Noia: conferencia arredor de Historia de Galicia, de Anselmo López Carreira
O venres 14 de febreiro, ás 20:30 horas, na Casa da Cultura Avilés de Taramancos de Noia (Rúa da Paz, 16), terá lugar unha conferencia arredor do libro Historia de Galicia, pronunciada polo seu autor, Anselmo López Carreira.