Arquivo da categoría: Infantil e xuvenil

Con Carlos Negro no Club de Lectura “Lendo no Galiñeiro” (IES Valadares), por Ramón Nicolás

Publicado o por

DesdeCarlos Negro Caderno da crítica, de Ramón Nicolás:
“Acompañounos hoxe, na derradeira sesión dos encontros do Club de Lectura Lendo no Galiñeiro programados para este curso, o escritor Carlos Negro, e a súa visita supuxo unha experiencia fascinante e ben suxestiva para as persoas que tivemos a sorte de asistir.
O motivo deste man a man co autor veu dado pola lectura de Penúltimas tendencias e de Makinaria e todo foi axiña un rodopío de preguntas devecentes por saber máis. Saber máis do autor, saber máis da orixe dos libros, da concepción da literatura que defende e doutros temas nun diálogo continuo de ida e volta. Falouse de “probar” a poesía, de ir coñecendo os seus diversos sabores até que algún destes nos diga algo; da poesía como a posibilidade que temos de “dar respostas inesperadas a preguntas difíciles”, tamén para expresar as cousas dunha maneira “distinta, especial e única”.
Falouse, polo medio e medio, dos poemas de Olga Novo, de Fran Alonso e de Neorrabioso; tamén da dinámica creativa que exercita Carlos Negro, amosando parte da documentación que empregou para elaborar Penúltimas tendencias, sen esquecer facer una revisión dos estereotipos contra os que se erixe este libro, do uso paródico de moitos elementos que nel aparecen e tamén das “paredes invisibles” que creamos e que se crean. Como conclusión do encontro quedo tanto cunha sentenza de Negro: “medrar é facerse preguntas, non dar todo por suposto” como do final apoteósico que veu da man dun poema de Kirmen Uribe que nos fixo valorar e degustar a poesía coma se fose un onza de chocolate, doce e amarga a un tempo. Un auténtico pracer escoitar a Carlos Negro, todo o que di e como o di. Grazas!”

Marín: presentación de Dragal IV. A estirpe do Dragón, de Elena Gallego

Publicado o por

OElena Gallego mércores 27 de maio, ás 20:00 horas, no Ateneo Santa Cecilia de Marín (Rúa Caracol, 36), terá lugar a presentación do libro Dragal IV. A estirpe do Dragón, de Elena Gallego Abad, publicado en Xerais. No acto participan, xunto á autora, Héctor Silverio e Manuel Bragado.

Catalunya: actos arredor de Dragal, de Elena Gallego

Publicado o por

NestaElena Gallego semana terán lugar varios actos arredor da edición catalá de Dragal I e II, de Elena Gallego:

– Mércores 20 de maio:
– 15:30 h. Clube de Lectura Al Mirasan. Grupo de 60 alumnos de segundo de ESO.

– Xoves 21 de maio:
– 10:00 h. Club de Lectura na Biblioteca Antonio Martín (El Prat de Llobregat). 125 alumnos (6º curso de primaria) das escolas Bernat Metge, Col·legi Mare de Déu del Carme e Escola El Prat I.
– 18:00 h. Presentación en Racó del Llibre (Rubí).

Venres 22 de maio:
– 11:30 h. IES Sabadell. 120 alumnos de 2º de ESO (e 5 ou 6 profesor@s).

Sábado 23 de maio:
– 12:00 h. Clube de Lectura na Biblioteca Central de Terrassa.

Lugo: Paco Martín na Feira do Libro, o sábado 16

Publicado o por

OFeiras do Libro 2015 sábado 16 de maio continúa a Feira do Libro de Lugo (na Praza Maior), organizada pola Federación de Librarías de Galicia, con horarios de 11:00 a 14:00 h. e de 17:30 a 21:00 h. Dentro das súas actividades, destaca:
– 19:00 h. Paco Martín presenta A rula, o peluche e a nena, ilustrado por Belén Martín, e publicado por Xerais. No acto participan, xunto a autor e ilustradora, Manuel Bragado.