Dentro das 
actividades de Auria, que se desenvolve no Xardín do Posío de Ourense, o mércores 13 de outubro prosegue a Feira do Libro, en horarios de 17:00 a 22:00 h. No programa literario destacan os seguintes actos:
19:00 h. Mesa redonda sobre La Bella Otero, unha galega novelesca, tras o encontro e sinatura de libros con Alberto Vázquez-Figueroa ás 17:00 h. Na mesa participan Aníbal C. Malvar, Marga do Val, Manuel Bragado e Miguel A. Fernández, coa moderación de Antonio Piñeiro.
O programa completo pódese descargar aquí: Programa de Auria, Semana de Literatura Histórica.
Arquivo da categoría: Mesas redondas
Ourense: Auria, actividades do día 12
Dentro das actividades de Auria, que se desenvolve no Xardín do Posío de Ourense, o martes 12 de outubro prosegue a Feira do Libro, en horarios de 12:00 a 14:30 h. e de 17:00 a 22:00 h. No programa literario destacan os seguintes actos:
13:00 h. Sinatura de libros de Carlos G. Reigosa.
19.00 h. Tras o encontro e sinatura de libros con Juan Eslava Galán, mesa redonda sobre A guerra do 36 na novela galega, coa participación de Carlos Mella, Carlos G. Reigosa, Francisco X. Fernández Naval e Xosé Ramón Pena, moderada por Xosé A. Ponte Far.
Posteriormente, a partir das 20:30 h., recital de poesía Palabra Viva no Centro Cutural da Deputación (Edificio Simeón), con entrada de balde até completar aforo
O programa completo pódese descargar aquí: Programa de Auria, Semana de Literatura Histórica.
Ourense: Auria, actividades do luns 11
Dentro das actividades de Auria, que se desenvolve no Xardín do Posío de Ourense, o luns 11 de outubro prosegue a Feira do Libro, en horarios de 17:00 a 22:00 h. No programa literario destacan os seguintes actos:
17.00 h. Encontro con… Manuel Rivas (con prazas limitadas), e posterior sinatura de libros por parte deste autor, a partir das 19:00 h.
20.30 h. Mesa redonda: Do libro ao cine e viceversa, con Manuel Rivas, Antón Reixa e Verónica Fernández, coa moderación de Miguel A. Fernández.
Posteriormente, a partir das 22:00 h., no Centro Cutural da Deputación (Edificio Simeón), con entrada de balde até completar aforo, proxectarase a longametraxe O lapis do carpinteiro, de Antón Reixa, sobre a obra homónima de Manuel Rivas.
O programa completo pódese descargar aquí: Programa de Auria, Semana de Literatura Histórica.
Ourense: Auria. Semana da Literatura Histórica, entre o 10 e o 17 de outubro
Entre os domingos 10 e 17 de outubro desenvólvese na carpa instalada no Xardín do Posío en Ourense Auria, Semana da Literatura Histórica, feira que quere pór en valor o xénero que lle dá nome e satisfacer o interese de lectores, escritores, editores e profesionais. Nos andeis da mostra poderanse ver as novidades das editoras Alvarellos, Nigra Trea, Xerais, Galaxia, Ir Indo e Ouvirmos. Canda actividades como ciclo de cine sobre nomes da historia, actos de animación, mesas redondas, conferencias ou sinaturas de libros, haberá un Premio Novela Inmortal, que lle da a palabra aos lectores para escoller cal, entre as dez obras propostas, merece recibir este palmarés. O galardón quedará inmortalizado nun monolito no parque da Praza Bipo Cesáreo (Alameda alta) de Ourense. Os obxectivos de Auria son múltiples: divulgar o xénero e as súas novidades, dar a coñecer ao público os autores máis prestixiosos e descubrir os novos valores, analizar o fenómeno e o seu éxito e establecer pontes entre historia e literatura. O programa completo pódese descargar neste ficheiro .pdf: Programa de Auria, Semana de Literatura Histórica.
Vigo: Poesía de muller. Poesía feminista, con Estíbaliz Espinosa e Dores Tembrás, no V Ciclo Escritores/as na Universidade
O 
V 
Ciclo de mesas redondas Escritores/as na Universidade, organizado pola AELG, comeza este xoves 7 de outubro a partir das 12:00 h. no Salón de Actos da Facultade Filoloxía e Tradución da Universidade de Vigo, coa participación de Estíbaliz Espinosa e Dores Tembrás na mesa redonda Poesía de muller. Poesía feminista, unha lectura fresca de poemas propios, con comentarios ilustrativos inclinados a aspectos que teñan que ver coa peculiar concepción das autoras sobre a relación entre literatura e loita feminista, entre poesía e muller, etc. Un encontro con escritoras nunha versión lúdica e persoal. O acto será presentado por Anxo Angueira.
Santiago: participación de autores galegos no IBBY na xornada do venres 10 de setembro
Dentro 
das actividades para o venres 10 de setembro no 32º Congreso do IBBY que se celebra No Pazo de Congresos de Santiago, esta é a participación de autores galegos:
– 14:00 – 15:30 Sala Obradoiro: Mesa redonda Ilustración, ferramenta de representación de minorías, na que participa Miguelanxo Prado.
– 14:00 – 15:30 Sala Obradoiro: Mesa redonda As nenas: minoría ou maioría?, presentada por Marilar Aleixandre, coordinada por Julinda Abu-Nasr (Líbano), coa participación de Victoria Fernández, Mariasun Landa e Devika Rangachari (India)
Ortigueira: mesa redonda e presentación da reedición de O anarquista, de Leandro Pita Romero
O Concello de Ortigueira organiza o vindeiro 6 de agosto, ás 21.00 h., unha homenaxe ao escritor, xornalista e político Leandro Pita Romero (Ortigueira, 1898-Bos Aires, 1985), coincidindo co seu 25 cabodano. Durante a xornada celebrarase unha mesa redonda titulada Leandro Pita Romero, o ortigueirés máis universal, que contará coa participación de Ramón Villares, o xornalista Moncho Barro e Gertrudis Pita Romero, irmá do escritor. Para contribuir á recuperación da súa memoria, e a proposta do Grupo de estudos ortigueireses, presentarase a edición facsimilar da novela de Leandro Pita O anarquista, publicada orixinariamente no ano 1924 na editorial Lar, dirixida por Uxío Carré Alvarellos.
Unha exposición, un ciclo de mesas redondas e unha publicación para homenaxear a Fermín Penzol
(Galaxia)
Vigo: mesa redonda sobre The Jazz I Love (O jazz que amo). Os escritores tamén improvisan
Este mércores 30 de xuño, ás 20:00, no MARCO de Vigo, o crítico, novelista e músico Quinito López Mourelle, colaborador do Festival de Jazz de Vigo Imaxina Sons, convida o escritor Domingo Villar a falar sobre a súa relación co jazz. Domingo Villar (Vigo, 1971) non escribe de jazz, pero sen dúbida este impregna o seu libro Ollos de Auga (Galaxia, 2006), xa pola oitava edición, protagonizado polo detective vigués Leo Caldas, quen continúa as súas investigacións na recente A praia dos afogados (Galaxia, 2009). Quinito López Mourelle (Viveiro, 1968), crítico en xornais como La Opinión e publicacións especializadas como Cuadernos de Jazz, editou recentemente a súa última novela titulada Pimienta Negra (Ézaro, 2009), co jazz como fío condutor. Ambos compartirán co público as súas filias e fobias, explicando por que a improvisación musical se introduciu na súa narrativa. Máis información aquí.
Lugo: mesa redonda co tema “Vixencia de Castelao 60 anos despois da súa norte”
Hoxe, xoves, 10 de xuño, a partir das 19.30 horas, dentro do programa de actividades complementarias da exposición “Castelao. A derradeira lección do mestre”, mesa redonda co tema “Vixencia de Castelao 60 anos despois da súa norte”. Interveñen: Francisco Rodríguez, Felipe Senén López Gómez, María Pilar García Negro, Manuel Rei Romeu e Aurelia Balseiro como moderadora.
Máis información no Museo Provincial de Lugo.
