O sábado 19 de decembro, ás 17:30 horas, no CPI Eusebio Lorenzo Baleirón de Dodro, terá lugar a entrega do XXVIII Premio de poesía Eusebio Lorenzo Baleirón, gañado por Xerardo Quintiá. No mesmo acto preséntase Zonas de tránsito, de Ramón Neto, obra gañadora da pasada edición do premio.
O
sábado 19 de decembro, ás 12:00 horas, na Biblioteca de Gondomar, terá lugar unha nova sesión do Clube de Lectura compartida Lendo Contigo, onde o público asistente se mergullará na poesía coa obra PAlAbrAs brAncAs e coa compaña da súa autora, Elvira Riveiro. O Lendo Contigo está aberto a nenos e nenas a partir de 7 anos e ás súas familias.
Entrevista
a Antonio García Teijeiro en Zig-zag da Televisión de Galicia:
“Antonio García Teijeiro fala no programa do poemario Palabras do mar, con ilustracións de Xosé Tomás, que publicou o pasado outubro.
O poeta participa noutra publicación, Lendo lendas, digo versos, xunto co especialista en literatura popular Antonio Reigosa e o ilustrador Xosé Cobas. O libro recolle vinte lendas, acompañadas todas de cadanseu poema. A entrevista pode verse completa aquí.”
Do 
xoves 17 ao domingo 20 de decembro celébrase no Mercado de San Agustín da Coruña Abecedari@. I Salón do Libro e a Lectura, con horarios de 11:00 a 14:30 h. e de 18:00 a 22:00 horas, e con entrada libre e gratuíta para o público interesado, evento organizado pola Asociación de Editores Coruñeses. Estas son as actividades destacadas do venres 18 dentro do seu programa: Abecedari@ 2015:
– 18:00 h. Contacontos Suleimán e Salúa, con Ali Ali e Francisco X. Fernández Naval.
– 18:30 h. Mercedes Leobalde asina exemplares das súas obras no espazo da Livraria Suévia.
– 19:00 h. Mesa Crítica Literaria en Galicia. Con Ramón Nicolás, Armando Requeixo, Dolores Vilavedra e Teresa Seara (coordinadora).
– 20:00 h. Antón Riveiro Coello asina exemplares das súas obras no espazo da Livraria Suévia.
– 21:00 h. Concerto: Sempre en Ibiza, con Lucía Aldao e María Lado.
Do xoves 17 ao domingo 20 de decembro celébrase no Mercado de San Agustín da Coruña Abecedari@. I Salón do Libro e a Lectura, con horarios de 11:00 a 14:30 h. e de 18:00 a 22:00 horas, e con entrada libre e gratuíta para o público interesado, nun evento organizado pola Asociación de Editores Coruñeses. Estas son as actividades destacadas previstas para o xoves 17 de decembro, dentro do seu programa: Abecedari@ 2015:
– 18:00 h. Contacontos Suleimán e Salúa, con Ali Ali e Francisco X. Fernández Naval.
– 19:30 h. Mário Herrero asina exemplares das súas obras no espazo da Livraria Suévia.
– 21:00 h. Presentación do libro 6 poemas 6. Homenaxe a Federico García Lorca. A obra é tamén unha homenaxe ao editor Ánxel Casal, no día en que se celebra o 120 aniversario do seu nacemento.
Desde
o Diario Cultural da Radio Galega:
“”Cada vez me vou reconcentrando máis nos vestixios que vai deixando a lingua oral”. A entrevista completa pode escoitarse aquí.”
O
luns
14 de decembro, ás 20:30 horas, no Auditorio do Centro Ágora (Rúa Ágora, s/n) da Coruña, terá lugar unha nova edición do Ciclo Poetas Di(n)versos, coordinado por Yolanda Castaño e promovido pola Concellaría de Cultura da Coruña, cun recital de obra propia nun man a man de Miro Villar e a poeta romanesa Ana Blandiana. Máis información aquí: Folleto Poetas Di(n)versos decembro 2015.
