Entrevista 
de Armando Requeixo a Rosa Enríquez no seu blogue, Criticalia:
“(…) – Armando Requeixo (AR): ¿Que cres que lle falta aínda ás nosas letras e que lle sobra definitivamente?
– Rosa Enríquez (RE): Faría falla, creo, traducir moitas máis obras galegas a outras linguas. Así é que, consecuentemente, falta visibilidade e, nalgúns casos, sobran egos. (…)
– AR: Cal é a túa valoración do noso presente literario?
– RE: Estou ben orgullosa da nosa literatura, principalmente da poesía. Paréceme de gran calidade, por esa razón, fáiseme triste non dála máis a coñecer fóra da terra.”
Arquivo da categoría: Poesía
Ouzande, A Estrada: presentación de A noiva e o navio, de Susana Sánchez Arins
María Concepción Álvarez Lebredo: “A indiferenza espállase como unha praga”
Entrevista 
a María Concepción Álvarez Lebredo en Dioivo:
“”É un libro que toca á lectora, ao lector, cun estilo sinxelo, nada pretensioso, mais -se cadra precisamente por iso- tremendamente efectivo a nivel emocional”. O xurado do V Premio de Poesía Victoriano Taibo, convocado polo Instituto de Estudos Miñoranos e Entidade Local de Morgadáns, explicou con palabras coma estas a súa decisión de escoller a obra Distancias e Simetrías, de Mª Concepción Álvarez Lebredo. A autora, que recollerá o galardón en novembro, xa gañara no 2002 o segundo premio no certame de relato histórico Reconquista do Instituto de Estudios Vigueses. Falamos con ela sobre Distancias e Simetrías, que será o seu primeiro poemario publicado.
– Dioivo: O poemario amosa un estilo sinxelo, directo e moi narrativo. Por que?
– María Concepción Álvarez Lebredo: En poesía gústanme a claridade, a sinxeleza e a sinceridade que enfían directamente cara a sensibilidade do lector e que poden chegar a un público máis amplo que unha obra de cariz máis intelectual. Iso non quere dicir que non guste doutro tipo de composicións. Como lectora tamén aprecio moitísimo á poesía máis elaborada, artificiosa, escura. Pero cando se pretende revivir as emocións propias e espertar as dos lectores é máis eficaz unha poesía clara e directa. Os poemas son como anacos de vida, de historias cotiás, pero son narracións truncadas, sen principio nin final, xustamente por seren cíclicas. Na brevidade do tempo transcorrido, na faísca de vida que se insinúa repetida en días sucesivos, radica, creo eu, o seu lirismo. (…)”.
Lugo: presentación de Letras de amor e guerra, de Ramiro Vidal Alvarinho
A 
sexta feira 26 de outubro, ás 20:30 horas, na Libraría Trama (Avenida da Coruña, 21) de Lugo, preséntase o libro Letras de amor e guerra, de Ramiro Vidal Alvarinho, publicado nos Cadernos Q de Vian. No acto, xunto ao autor, participa Alberte Momán.
Celanova: presentación de Cartafol de soños, homenaxe a Celso Emilio Ferreiro
O 
venres 26 de outubro, ás 20:00 horas, na Fundación Curros Enríquez (Casa dos Poetas) de Celanova, a Asociación Cultural Alexandre Bóveda presenta o libro Cartafol de soños, homenaxe a Celso Emilio Ferreiro no seu centenario (1912-2012). No acto participan tres dos seus autores, Isaac Alonso Estraviz, Ánxeles Penas e Alberte Suras.
Santiago: Obradoiro literario, xuntanza de poetas e ilustradoras, o sábado 27
“Este 
sábado 27 de outubro Implicadas realizará un obradoiro de poesía, de ilustración e de deseño gráfico para a elaboración dun libro de temática solidaria a realizar ao longo de 2013. O obradoiro será na EGAP (Santiago de Compostela) de 16:30 a 20:30 horas.
María Reimóndez, escritora e presidenta de Implicadas no Desenvolvemento, será a encargada de guiar o obradoiro literario.
Para máis información ou para formalizar inscrición só tendes que enviar un correo a info@implicadas.com ou chamar aos números de teléfono 886111911 ou 606315071″.
Vigo: presentación de Inflamables, de Samuel L. París
O 
xoves 25 de outubro, ás 20:00 horas, no Café Llave de Oro (Avenida das Camelias, 112) de Vigo, preséntase o libro Inflamable, de Samuel L. París, publicado en Positivas. No acto, xunto ao autor, participa Francisco Macías.
Vilagarcía: XIX Mesa das verbas
XXIX Encontro Galeusca: Donostia, do 26 ao 28 de outubro de 2012
A
XXIX edición de Galeusca celébrase en Donostia, organizada pola (Euskal Idazleen Elkartea) baixo o lema Oralidade. O que se escribe para dicir (Ahozkotasuna. Esateko idazten dena).
Nesta edición quérese debater a oralidade desde o punto de vista do escritor/a, analizando as características dos textos que se crean para seren lidos e interpretados (guións de cinema e teatro, medios de comunicación, poemas, contacontos…). Tamén os modos nos que o escritor/a recrea a oralidade e, en especial, a intencionalidade do escritor/a na recreación da linguaxe falada tendo en conta as características e situación de normalización da lingua na que se escribe.
A delegación galega estará composta por Cesáreo Sánchez, presidente, Mercedes Queixas, secretaria xeral e os relatores/as:
– Antonio Reigosa, que presentará o relatorio A oralidade nos textos literarios.
– Vanesa Sotelo, quen co título Operativos e literarios, participará na mesa Guións de teatro e cine.
– Xurxo Souto, que participará na mesa Oralidade e medios de comunicación co traballo titulado Xeografía xeral do mar de Galiza.
O programa é o seguinte:
Venres 26 de outubro
– 18:00 h. Benvida.
– 19:30 h. Recital-concerto: Zazpi poeta / Alén da fronteira, en Koldo Mitxelena kulturunea. Trátase dunha sesión en galego e éuscaro na que participarán Xosé Estévez, José Ángel Irigaray e Luís Rei Núñez. O cantautor Ruper Ordorika e o músico Arkaitz Miner interpretarán varias composicións baseadas nos textos de Luigi Anselmi, Bernardo Atxaga, Jon Gerediaga, Tere Irastortza, Xabier Lete, Xabier Montoia e Joseba Sarrionandia, que protagonizan o poemario Alén da fronteira.
Sábado 27 de outubro
– 09:30 h. Acto oficial no museo San Telmo.
– Conferencias: Oralidade
* 10:15-10:45 h. Juan Kruz Igerabide (EIE).
*10:45-11:15 h. Laia Martinez Lopez (AELC).
*11:15-11:45 h. Antonio Reigosa (AELG).
– Conferencias: Medios de comunicación
* 12:15-12:45 h. Rafa Xambó i Olmos (AELC).
* 12:45-13:15 h. Xurxo Souto (AELG).
* 13:15-13:45 h. Arantxa Iturbe (EIE).
– Conferencias: Guións de teatro e cine
* 16:30-17:00 h. Vanesa Sotelo (AELG).
* 17:00-17:30 h. Aitzpea Goenaga (EIE-Etxepare Institutua).
* 17:30-18:00 h. Lluís Arcarazo Martínez (AELC).
– 18:30-20:00 h. Contacontos: Joxemari Carrere (éuscaro), Cristina Mirinda (galego), Carles Garcia Domingo (catalán).
Domingo 28 de outubro
– 10:30 h. Asemblea e Conclusións finais da Federación Galeusca.
As asociacións de escritores en catalán, éuscaro e galego formaron a Federación Galeusca o 15 de xuño de 2008, en Poblet, coincidindo co 25 aniversario da reunión anual Galeusca creada para establecer relacións entre os creadores/as de obras literarias na tres linguas minorizadas de España. O obxectivo da súa creación é que as tres asociacións teñan un instrumento legal para a coordinación e a acción conxunta, e tres anos despois, a Federación Galeusca converteuse nunha ferramenta que é esencial para a afirmación da profesión e combater a invisibilidade social dos escritores/as nas tres linguas.
Pontevedra: presentación de A noiva e o navio, de Susana Sánchez Arins
A 
quinta feira 25 de outubro, ás 20:00 horas, na Libraría Paz (Rúa da Peregrina, 29) de Pontevedra, preséntase A noiva e o navio, de Susana Sánchez Arins, publicado por Através Editora.
