Arquivo da categoría: Poesía

Programa do XXII Festival de Poesía do Condado

Publicado o por

Outro mundo é necesario.Construamos a alternativa, 4 e 5 de Setembro 2009. Salvaterra de Minho

Venres 4 de Setembro

19.30: Apertura de exposicións. Covas de Dona Urraca / Casa do Conde. Pintura. Fotografia
20.15: Audiovisual. Covas de Dona Urraca. Mulheres da Raia de Diana Gonçalves
22.30: Noite galega. Covas de Dona Urraca. Covalblu
23.30: Turres Band. Caldo verde e festa rachada.
Aforo limitado. Entrada 10 €. Reserva de billetes por correo electrónico ou chamando ao 986 658 036

Sábado 5 de Setembro

11.30: Marcha popular. Sur do Condado. Comboio de baixa velocidade
12.00: Aberto de billarda. Feira popular: colectivos e artesanato. Zona das murallas
13.00: Palestra con representantes sindicais. Casa do Conde
17.00: Festa Infantil. Obradoiros e animación. Paula Carballeira. Obradoiro de maquillaxe. Zona das murallas.
19.00: Audiovisual. Covas de Dona Urraca. Curtas premiadas no Festival de Cans: Por nada de Dani de la Torre, O pintor de ceos de Jorge Morais, Uruguay 2030 de Rafa de los Arcos e The Werepig de Sam Ortí
20.30: Festival poético-musical. Zona das murallas. Presenta: Carlos Blanco. Poetas: Anxo Angueira, Xabier Xil, Susana S. Aríns, J. Alberte Corral, David Pobra, Mario Regueira, Dores Tembrás, Carlos Santiago, Brais González, Manolo Pipas, Alberte Momán, Filipa Leal, Oscar Mourave. Grupos: Covalblu, Quempallou, Skacha, Jon Luz (Cabo Verde), Rebeliom (Hip-hop + Dj’s).

Servizos: zona de campismo, duchas.

Estrea do espectáculo poético-musical Música para un ouveo

Publicado o por
musica-para-un-ouveo

Espectáculo con música de Borja Costa sobre o texto Howl de Allen Ginsberg, traducido ao galego por Xoán Abeleira. Estrea absoluta coa participación de Manuel Rivas como escritor invitado o día 3 de setembro na Coruña ás 21.00 horas no Teatro Rosalía de Castro, e en Vigo, coa participación de Fran Alonso, o día 4 de setembro ás 21.00 horas no Auditorio de Caixa Nova. Máis información na páxina web do proxecto.

Outeiro de Rei: xornada en lembranza de Manuel María

Publicado o por

O vindeiro 8 de setembro en Outeiro de Rei celebrarase unha xornada baixo o título Memoria da Chaira enteira no cabodano de Manuel María. Ás 15:00 haberá un xantar, seguido ás 17:00 por un recital en Penas de Rodas e unha hora despois unha ofrenda floral no cemiterio. No campo de Santa Sabela, a carón no Miño, farase entrega da navalla ofrecida pola Fundación Manuel María e Xermolos a Xulio Xiz. En Santa Sabela haberá tamén un recital de poesía e música coa interpretación da obra de Manuel María por Miro Casabella, Mini e Mero e Tino Baz, entre outros. Para apuntarse ao xantar cómpre chamar ao teléfono 646413890.

Viveiro: presentación de No cubil da Lúa

Publicado o por

Baía Edicións presenta en Viveiro No cubil da Lúa, do mestre e poeta mariñán Xoán Neira. Será o sábado día 15 de agosto , ás 21:00 horas, na Feira do Libro de Viveiro (Xardíns Noriega Varela) e no acto participarán ademais do autor, a poeta, narradora, ensaísta e dramaturga Marica Campo acompañados dunha representación de nenas e nenos da vila, que recitarán poemas do libro, ilustrado polo galego-cubano Juan Darién.

En No cubil da Lúa conflúen poesía, plástica e animais coñecidos do noso medio, xuntos en 14 poemas que achegan a nenos e nenas outros tantos animais que viven en liberdade e dormen baixo o amparo da Lúa, descritos con fermosas e evocadoras figuras que perfilan poéticamente os seus lazos singulares.

Cee: presentación da antoloxía poética De Pondal ao Batallón Literario

Publicado o por

Hoxe mércores ás 19.15 horas terá lugar o acto de presentación da antoloxía poética De Pondal ao Batallón Literario. 120 anos de poesía na Costa da Morte, editada por Sotelo Blanco en colaboración coa Asociación Neria.
A actividade terá lugar na Fundación Fernando Blanco de Cee (no paseo da Alameda), dentro da programación da Feira do Libro 2009.

A Coruña: inauguración da exposición Deter o día cunha flor

Publicado o por

O artista José Valentín expón na Coruña a colección Deter o día cunha flor, que recolle os gravados que o artista preparou para os poemas de Luz Pozo, publicados nun libro do mesmo título por Baía Edicións. O acto de inauguración terá lugar na Casa Museo Casares Quiroga, rúa Panadeiras 12 (A Coruña), o mércores 29 ás 20:00 horas, en el participarán o tamén gravador e humorista Siro López. A exposición estará aberta do 28 de xullo ao 16 de agosto.

Santiago: presentación de Once máis 15

Publicado o por

Edicións do Cumio e a asociación MusicARTE presentarán ao público o Libro-CD Once máis 15 durante a celebración do Festigal, cun concerto que terá lugar o venres día 24 de xullo a partir das 19 horas no espazo do Café Concerto. Intervirán o cantautor Miguel Alonso e os grupos Nao e Ataque Escampe, formacións que participan nesta edición de textos da nosa lírica musicados por conxuntos galegos a cal vén de publicar a editora de Pontevedra.

Sarria: Roteiro Literario-Artístico pola Lóuzara de Fiz Vergara Vilariño

Publicado o por

O luns 27 de xullo de 2009, ás 18:00 horas, en Aira Padrón (Samos) a Agrupación Cultural Ergueitos organiza un percorrido até a casa natal de Fiz Vergara en Santalla de Lóuzara. Irán parando en puntos do roteiro no que xa estean colocadas intervencións (Fernado Yáñez e Manuel Caamaño) ou nalgún outro nos que os traballos estean avanzados (Álvaro de la Vega, Violeta Bernardo, Primitivo Lareu e Paco Pestana). A intención é converter o roteiro literario que fan cada ano pola Lóuzara Xabreira de Fiz Vergara nun parque escultórico que lembre ao poeta a través de poemas escollidos da súa obra con referencias xeográficas concretas do val de Lóuzara e das intervencións artísticas creadas tendo como base eses poemas, procurando incardinar as obras plásticas na paisaxe louzarina. A palabra poética asaltará aos camiñantes que percorran este roteiro e acompañará en paneis gravados ás intervencións dos artistas plásticos para que o visitante documente a xénese da intervención escultórica. O ceo, a auga do río e da Fonte da Cova e os soutos dos castiñeiros louzarinos serán as paredes, o teito e o chan dese museo aberto.

Indicacións de itinerario: dende Samos, despois de pasar diante do Mosteiro e rodealo cóllese a saída en dirección a Triacastela. A 1 km. hai un desvío á dereita sinalizado: Lóuzara. A 8 km. sen desviarse chegamos a Aira Padrón (só hai unha casa-restaurante cara a esquerda e unha rotonda). É o primeiro punto do roteiro. Desde aí baixase cara o val de Louzara.

Tempo aproximado da visita: 1, 5 horas

Contacto: María Casar Díaz, presidenta da A.C. Ergueitos. Tlf: 678 601 550 – 677 429 225