Arquivo da categoría: Recitais

Pontevedra: actividade literaria do domingo 28 no Culturgal 2010

Publicado o por

O venres 26, sábado 27 e domingo 28, de 11:00 a 21:00 h., e con acceso libre para o público, celébrase en Pontevedra a III edición do Culturgal, que se desenvolverá no Pazo de Congresos, que se presenta como un escaparate do que produce a industria cultural galega. A programación completa do Culturgal pódese descargar neste enlace. As actividades literarias pódense consultar neste arquivo: Programa editorial no Culturgal 2010.

As actividades do domingo 28 son as seguintes:
– 11:30 h. O Cuarto dos nenos. Presentación de A xanela, de Amalia Pérez e Nieves González.
– 12:00 h. O Cuarto dos nenos (auditorio). Concerto-presentación de Tic-Tac.
Faladoiro no Salón do Libro. Durante a mañá, o xornalista Camilo Franco entrevistará a estes autores:
– 12:30 h. Fina Casalderrey, autora de E ti que farías por min? e Un saco de estrelas.
– 13:00 h. Elena Gallego, autora de Dragal.
– 13:30 h. Teresa González Costa, autora de A filla do ladrón de bicicletas (Premio Merlín 2010)
– 16:00 h. Salón do Libro. Presentación de Unha viaxe pola infancia, de Antonio Gómez Albo, publicado en Ir Indo.
– 17:00 h. O Cuarto dos nenos. Presentación da colección Animais Extraordinarios, de Xulio Gutiérrez e Nicolás Fernández, publicados en Faktoría K.
Faladoiro no Salón do Libro. Durante a tarde, o xornalista Camilo Franco entrevistará a estes autores:
– 18:00 h. Manuel Rivas, autor de Todo é silencio.
– 19:00 h. Marcos Calveiro, autor de Settecento e O pintor do sombreiro de malvas
– 19:30 h. Manuel Portas, autor de Denso recendo a salgado.
– Ás 19:00 h., no Patio Interdisciplinar, nova sesión de A hostia en verso, particular enfrontamento lírico entre poetas de letras e poetas de ciencias. Ambos os dous equipos estarán representados por Ledicia Costas, Lara do Ar, Eduardo Estévez e Xabier Xardón nas contas e Daniel Landesa, David Rodríguez, Miguel Valverde e Daniel Costas nas vogais e consoantes, coa música de Mr. Carácter e os pinceis da artistas Laura Sáez, que fará uns debuxiños en directo, facendo de presentadoras Lucía Aldao e María Lado. Logo de cada proba os participantes sométense ao xuízo sumarísimo do público, que será quen decida, cos seus votos, cal é o equipo gañador.
– 20:00 h. Salón do Libro. Presentación de Novas receitas da cociña de Larpeiros, de Benigno Campos.

Bueu: presentación de Noites, amenceres… e algo máis, de Asun Estévez e recital poético

Publicado o por

O domingo 28 de novembro, a partir das 18:00 h., no Centro Social do Mar de Bueu, preséntase o libro Noites, amenceres… e algo máis, de Asun Estévez, publicado en Ir Indo. Posteriormente, haberá un recital poético a cargo da propia autora, acompañada á guitarra por Estela Martínez Martínez e Alejandro Lorenzo Díaz.

A Coruña: presentación de Sétimo andar, poesía alén

Publicado o por

O sábado 27 de novembro, ás 21:00 h., no Centro Social Gomes Gaioso (Rúa Marconi, 9) da Coruña, preséntase Sétimo andar, poesía alén, o segundo libro do colectivo A porta verde do sétimo andar, no que participan María N. Soutelo, Ramiro Vidal Alvarinho, Alfonso Láuzara, Rosa Enríquez, Alba Méndez, Manolo Pipas, Miguel Ángel Alonso Diz, Alberte Momán e Ana Cibeira.

A Coruña: Elas falan, espectáculo poético-musical do grupo Ouriol

Publicado o por

O venres Elas falan26 de novembro, a partir das 20:30 h., no Teatro Rosalía de Castro da Coruña, e con entrada libre até completar capacidade, o grupo Ouriol, formado por Eva Veiga (interpretación e elección dos poemas), Fito Ares (frauta traveseira) e Bernardo Martínez (clarinete e percusións), presentan este espectáculo poético-musical, Elas falan, no que se fan valer a voz de todas as mulleres. A través dos seus poemas –estarrecedores, lúcidos, valentes, fermosísimos– revélannos algo que, máis aló das circunstancias históricas e biográficas nas que se producen, atinxen aos homes e ás mulleres de toda época e condición. Elas son Anna Ajmátova, Marina Tsveitáieva, Sylvia Plath, Alejandra Pizarnik, Nazik Al Malaika, Luísa Villalta, Clarice Lispector, Pilar Pallarés, Luz Pozo Garza e Wislava Szymborska. Organizado pola Concellaría de Igualdade e Participación Cidadá do Concello da Coruña.

A Coruña: Xornadas Ricardo Carvalho Calero: ciencia, literatura e nación

Publicado o por

As Xornadas Carvalho CaleroXornadas Ricardo Carvalho Calero: ciencia, literatura e nación, organizadas pola Asociación Sócio-Pedagóxica Galega, a Concellaría de Cultura do Concello da Coruña e a Universidade da Coruña, terán lugar os días 24, 25, 26 e 27 de novembro, na Sala de xuntas da Reitoría (Maestranza) da Coruña, co obxectivo de achegarse á súa vida e obra tanto desde a súa faceta literaria como da propia historia, dando visibilidade a un dos grandes da literatura galega e darlle o recoñecemento que merece. O programa é o seguinte:

Mércores 24
17:00 – 17:30 h. Recepción e entrega de material.
17:30 – 17:40 h. Inauguración.
17:40 – 20:30 h. Mesa redonda Ricardo Carvalho Calero na memoria.
– Proxección de Carvalho Calero: a posibilidade de rectificar a história, Francisco Salinas Portugal, 1988.
– Presenta, introduce e modera: Carme Fernández Pérez-Sanjulián, escritora e profesora do departamento de Galego-Portugués, Francés e Lingüística da Universidade da Coruña.
– Participan:
* Carmen Blanco, escritora e profesora titular de Literatura Galega da Universidade de Santiago de Compostela na Facultade de Humanidades do Campus de Lugo.
* Araceli Herrero, escritora e profesora na Universidade de Santiago de Compostela.
* Aurora Marco, escritora e profesora de Didáctica da Lingua e a Literatura Galega na Facultade de CC da Educación da Universidade de Santiago de Compostela.
* Francisco Pillado, escritor, actor e profesor.
* Miguel Anxo Fernán Vello, escritor e director de Edicións Espiral Maior.
21:00 h. Espectáculo no Teatro Rosalía de Castro: Isto é o que nos foi dado. Homenaxe escénica a Ricardo Carvalho Calero:
* 1ª Parte: Recital a cargo de Lino Braxe, Flor Maceira, Santiago Fernández e Manu Clavijo.
* 2ª Parte: Concerto de Ugia Pedreira e Fred Martins.

Xoves 25
18:00 – 20:00 h. Mesa redonda: Pensamento, intervención e ciencia.
– Presenta, introduce e modera: Mª do Pilar García Negro, escritora e profesora titular do Departamento de Galego-Portugués, Francés e Lingüística da Universidade da Coruña: Ensaio lingüístico e literario.
– Participan:
* Francisco Rodríguez, Licenciado e Doutor en Filoloxía Románica e Catedrático de Literatura Española:  O compromiso co nacionalismo.
* José Luís Rodríguez, profesor e catedrático da Universidade de Santiago de Compostela: O labor universitario.
20:10 – 21:40 h. Presentación do libro Cautiverio de Fingoi. Os anos lugueses (1950-1965) de D. Ricardo Carvalho Calero e proxección do vídeo inédito do seu autor, R. Raimunde Noreña.

Venres 26
17:00 – 21:00 h. A creación literaria.
17:00 – 18:15 h. A poesía de Ricardo Carvalho Calero.
– Conferencista: Francisco Salinas, profesor titular da Universidade da Coruña.
– Argüente: César Morán, profesor asociado da Universidade da Coruña e catedrático de Lingua e Literatura Galega no IES Agra do Orzán.
18:15 – 19:45 h. A narrativa de Ricardo Carvalho Calero.
– Conferencista: Claudio Rodríguez Fer, Licenciado en Filoloxía Hispánica, profesor na Universidade de Santiago e ocasionalmente en Nova York e na Bretaña.
– Argüente: Henrique Rabuñal Corgo, Licenciado en Filoloxía Galego-Portuguesa, escritor e profesor.
19:45 – 21:00 h. O teatro de Ricardo Carvalho Calero.
– Conferencista: Laura Tato, Doutora en Filoloxía Galego-Portuguesa e profesora titular das Facultades de Filoloxía e Humanidades da Universidade da Coruña.
– Argüente: Carlos C. Biscaínho, profesor do Departamento de Galego-Portugués, Francés e Lingüística da Universidade da Coruña.

Sábado 27
10:00 – 13:00 h. Mesa redonda O pensamento lingüístico de Ricardo Carvalho Calero.
– Presenta, introduce e modera: Xosé Ramón Freixeiro Mato, profesor titular da área de Filoloxías Galega e Portuguesa da Facultade de Filoloxía da Universidade da Coruña.
– Participan:
* Rosario Álvarez Blanco, profesora de Filoloxía Galega na Universidade de Santiago de Compostela: A gramática galega no século XX: O contributo de Carvalho Calero.
* Martinho Montero Santalha, profesor catedrático da Universidade de Santiago de Vigo: Etapas do pensamento lingüístico de Carvalho Calero.
* Goretti Sanmartín, profesora titular de Filoloxía Galega na Universidade da Coruña:  A sociolingüística galega antes e despois de 1936. O contributo de Carvalho Calero.
* Bernardo Penabade Rei, Licenciado en Filoloxía Galego-Portuguesa pola Universidade de Santiago de Compostela: Carvalho Calero, planificador da língua galega.
13:00 – 14:00 h. Visita guiada á exposición sobre Carvalho Calero instalada na Casa Casares Quiroga da Coruña.
14:00 h. Clausura.

A matrícula realizarase a través da web da AS-PG, no apartado de Formación. O prezo da matrícula é de:
– Socios/as da AS-PG. 11 euros.
– Parados: 21 euros.
– Normal: 41 euros.
– Estudantes universitarios: gratuíta. Os/as estudantes universitarios, á hora de rexistrarse para facer a matrícula, deben indicar, onde pide o número de rexistro persoal, que son universitarios/as.
O número de prazas é limitado e cubrirase por rigorosa orde de inscrición tendo en conta que hai unha reserva máxima dun 30% para aquelas persoas que nunca traballasen como docentes para a Consellería de Educación. Os estudantes non se contabilizan nesta porcentaxe. Solicitada a homologación por 15 horas lectivas.

Aquí se pode descargar o programa en .pdf: Xornadas Ricardo Carvalho Calero.

A Coruña: Isto é o que nos foi dado, homenaxe escénica a Ricardo Carvalho Calero

Publicado o por

O mércores 24 de novembro, a partir das 21:00 h., no Teatro Rosalía de Castro da Coruña, con entrada libre até completar capacidade, terá lugar, dentro das actividades das Xornadas Ricardo Carvalho Calero: ciencia, literatura e nación, o espectáculo Isto é o que nos foi dado, homenaxe escénica ao autor, dividido en dúas partes: un recital a cargo de Lino Braxe, Flor Maceiras, Santiago Fernández e Manu Clavijo, e un concerto de Ugia Pedreira e Fred Martins.

Ponteceso: conferencia de Anxo Angueira no Outono Pondaliano

Publicado o por

O martes 23 de novembro, a partir das 16:00 h., na Fundación Eduardo Pondal de Ponteceso, proseguen as actividades do Outono Pondaliano, coa conferencia de Anxo Angueira sobre Rosalía, a musa dos poetas. Posteriormente, a partir das 19:45 desenvolverase un recital cívico rosaliano en conmemoración do 125 aniverrsario do pasamento da poeta. O programa completo pódese consultar aquí. Vía Fervenzas Literarias.

Moaña: exposición e recital de Pel con pel

Publicado o por

O sábado 20 de novembro, ás 12:00 h., no Concello de Moaña (Rúa das Barxas, nº 2), comeza a exposición do II Concurso de fotografía Lactación Materna 2010, organizado por Fedegalma e a Editorial Galaxia, acompañadas por textos literarios, recollido no libro Pel con pel. No acto participan Marta Dacosta, Ledicia Costas e Eduardo Estévez.

Vigo: II edición de A hostia en verso, recital con poesía, música e pintura

Publicado o por

O venres 19 de novembro, a partir das 21:30 h., na Galería Jazz (Ronda de don Bosco, 21) de Vigo, celebrarase a segunda edición de A hostia en verso, un combate lírico que enfrentará a Ledicia Costas, Daniel Landesa, David Rodríguez, Lara do Ar, Miguel Valverde e Xabi Xardón, ou o que é o mesmo: poetas montañeses VS. poetas pescos! O acto estará presentado polas tamén poetas Lucía Aldao e María Lado e contará coa intervención musical de Mr. Carácter. Para máis, a pintora María Longa fará unha intervención en directo.

Ourense: presentación e recital de Penúltimo acto

Publicado o por

O venres 19 de novembro, a partir das 21:00 h., no Centro Social A Esmorga (Rúa Telleira, 9) de Ourense, preséntase o libro Penúltimo acto, do colectivo formado por Enrique Leirachá, Cruz Martínez e Rosanegra. Posteriormente, desenvolverase unha nova edición dos Círculos Poéticos Abertos, na que participarán, alén destes autores, Alfonso Rodríguez, Adriana Pérez, Dara Escribano, Simón Cabo, Iolanda Aldrei, Belém Grandal ou Artur Alonso Novelhe.