O xoves 24 de setembro ás 12 h., no IES Juan Padilla de Illescas (Toledo), o escritor Isidro Novo terá un encontro con alumnado do centro para falarlle da súa concepción da poesía baixo o título Del verso y su reverso, visión subjetiva del hecho poético. Acercamiento a la poesía gallega.
Lugo: presentación do libro de Alberte Suras
Masiva asistencia á homenaxe a Manuel María na Coruña
A Concellaría de Cultura da Coruña e a Fundación Manuel María encheron o pasado martes o Teatro Rosalía de Castro na homenaxe ao poeta da Terra Cha, Versos para sempre cantar. O xornal El Correo Gallego fíxose eco do rotundo éxito da convocatoria. Poden ver un pequeno resumo do acto neste vídeo:
Fonte: A Coruña Cultura
A Coruña: xornadas Contra vento e marea. Verbas e pegadas dos feminismos
Dentro das xornadas “Contra vento e marea. Verbas e pegadas dos feminismos”, organizadas pola Concellaría de Igualdade e Participación, hoxe venres 11 terán lugar dúas conferencias: ás 17 horas, Tendencias dos feminismos no século XX, por Rosa Cobo; e ás 19 horas, un relatorio sobre revistas feministas galegas: Festa da palabra silenciada (María Xosé Queizán) e Andaina (Nanina Santos). O acto celébrase no auditorio da Real Academia Galega (Tabernas, 11) e a entrada é libre.
XV Premio Vicente Risco de Ciencias Sociais
Co fin de honrar a memoria de Vicente Risco e asemade axudar á consolidación da nosa cultura e á normalización lingüística do galego, os concellos de Allariz e Castro Caldelas e mais as Fundacións Vicente Risco e Sotelo Blanco convocan o XV Premio Vicente Risco de Ciencias Sociais, dotado con 6.000 euros. O prazo de presentación de orixinais remata o 31 de decembro. Bases (PDF, 99 KB)
Vigo: Xavier Queipo presenta o seu novo libro
Picar sobre a imaxe para amplialaO vindeiro martes 15 de setembro terá lugar en Vigo a presentación do libro Felices e diferentes de Xavier Queipo, nun acto que contará coa participación de Ana Romaní e Xosé Manuel Beiras. Será a partir das 20 horas na coctelería Uno está (Rúa Real, 14).
A Consellería de Cultura renuncia a organizar este ano o Culturgal
A Consellaría de Cultura non fixo aínda ningunha comunicación oficial, mais segundo informa hoxe Vieiros “o director xeral de Promoción e Difusión da Cultural, Francisco López, comunicoulle o venres pasado á Asociación Galega de Editores que a Consellaría non conta con orzamento suficiente para organizala nos meses que restan de ano, aínda que se comprometeu a apoiar a súa celebración no ano 2010”. [Ler noticia completa en Vieiros]
Noticia relacionada: A Concellaría de Cultura da Coruña expresa o seu malestar pola decisión da Xunta de non convocar este ano o Cultural
Dúas obras e tres autoras comparten o Premio de Poesía Victoriano Taibo
O xurado da segunda edición do Premio de Poesía Victoriano Taibo dediciu nomear gañadoras ex aequo dúas obras e tres autoras, dada a súa calidade. As nomeadas foron María Carmen Caramés, por Cuarto minguante, e Elvira Riveiro Tobío e Silvia Penas Estévez pola autoría colectiva de Biografía da multitude. O premio está dotado con 3.000 euros –que terán que repartir entre elas–, unha escultura conmemorativa realizada polo artista Fino Lorenzo e a edición da obra na colección de poesía do Instituto de Estudos Miñoranos. [Ler noticia completa en Xornal de Galicia]
Luz Pozo gaña o premio Ramón Piñeiro “Facer País”
Luz Pozo Garza vén de gañar a oitava edición do premio Ramón Piñeiro “Facer País”, que recoñece o labor desenvolvido por persoas ou entidades galegas a prol do país. A escritora de Ribadeo é a primeira muller que recolle este galardón, ao que optaban 35 cadidaturas na súa VIII edición. [Ler noticia completa en Xornal de Galicia]
Ramón Nicolás: “O bilingüismo activo nunca é posible en relacións de igualdade”
“Defender o bilingüismo activo é unha entelequia que non é posible, nunca, en relacións de igualdade; afirmar que o castelán está en perigo en Galicia é non querer ver a realidade…, só tres situacións: cantas películas podemos ver en lingua galega nos cines comerciais?, cantos xuíces ou notarios, aínda hoxe, se negan a usar o idioma en actos xudiciais ou notariais?, cantas canles de televisión podemos ver e oír na nosa lingua hoxe en día? Se non hai outras iniciativas sociais que impidan unha desgaleguización do ensino, o perigo de potenciar a diglosia é unha realidade ás portas”.
Entrevista a Ramón Nicolás en Galicia Hoxe.
