O sábado 18 de decembro, ás 12:00 horas, no Museo das Aves de Cospeito (Avenida da Terra Chá, s/n), preséntase unha teoría para os espectros, de Abraham Pérez, publicada por Toxosoutos, que acadou o 2º Premio no III Certame de Poesía Torre de Caldaloba, convocado pola Asociación Recreativo Cultural de San Martiño de Pino e o Concello de Cospeito, en colaboración con Culturalia GZ. Este acto está encadrado dentro da presentación das obras gañadoras.
Para asistir, rógase confirmación no teléfono 982520001 ou a través do enderezo electrónico concellodecospeito@concellodecospeito.es
Compostela: acto de entrega do Premio Arume de poesía para a infancia 2021
Entrevista con Pura Tejelo, o domingo 19 de decembro
O domingo 19 de decembro, ás 13:00 horas en Galicia, o programa Sempre en Galicia, en Radio Oriental, vinculado ao Patronato da Cultura Galega de Montevideo entrevistará en directo a Pura Tejelo. Pode escoitarse directamente aquí.
O Grove: entrega dos XXVI e XXVII Premios Manuel Lueiro Rey
Vigo: presentación de Pérez. Historia dun triunfo, de Llerena Perozo Porteiro
Outes: Premios Barbantia da Cultura 2021
A Coruña: presentación de Memoria e legado dos petróglifos, de Ramón Sobrino Lorenzo-Ruza
A Coruña: presentación de Sinais, de Ricardo Seixo Fernández
Vilagarcía de Arousa: CXV Mesa das verbas
A Coruña: A vida nunha cesta. Un agasallo para Manuel Lourenzo, o domingo 19 de decembro
Desde a AELG sumámonos a esta merecidísimo recoñecemento a Manuel Lourenzo, Socio de Honra da nosa Asociación desde 2007, cando recibiu a Homenaxe O Escritor na súa Terra na súa terra natal, O Valadouro.
“A Federación de Asociacións Culturais Galiza Cultura quere convidarvos á festa-agasallo para Manuel Lourenzo o día 19 de decembro de 2021, ás 19.00 horas, no Teatro Rosalía da Coruña, do mesmo xeito que vos anima a que estendades e acheguedes o convite a todas as persoas coas que vos relacionades, as que son as vosas amigas e, en definitiva, a espallar esta homenaxe por toda Galiza. Queremos un Rosalía cheo para Manuel.
Para facilitar o convite achegamos a tarxeta e o cartaz para que vos sirvan de altofalantes. Que non quede ninguén sen o seu convite para ir ao Rosalía o 19 de decembro.”
