Arquivos da etiqueta: Armando Requeixo
Lugo: presentación de Literatura insólita, de Armando Requeixo
Carmen V. Valiña gaña o XIX Premio de Narrativa Breve Repsol
“A obra baixo o lema A illa que supuraba sangue, de Carmen V. Valiña, resultou gañadora da XIX edición do Premio Narrativa Breve Repsol en Lingua Galega e que esta valorado en 12.000 euros e suma a publicación do libro pola Editorial Galaxia. Así o comunicou esta mañá o voceiro do Xurado, Fran Fernández Davila.
O acto do ditame “viaxou” este ano ata a cidade de Vigo con motivo do 75º Aniversario da Editorial Galaxia que cada ano publica a obra gañadora e contou coa presenza dos representantes das entidades impulsoras do premio: o secretario xeral de Lingua, Valentín García, a xerente de Relacións Institucionais de Fundación Repsol, Mercedes Gómez Badiola, e o director xeral da Editorial Galaxia, Xosé Manuel Soutullo.
O Xurado da XIX edición do Premio Narrativa Breve Repsol estivo composto este ano por cinco prestixiosas personalidades das letras galegas: o director de Edicións da Galaxia, Marcos Calveiro; o escritor e gañador da XVII edición do Premio Narrativa Breve Repsol, Fran Fernández Davila; a arquiveira e membro da Comisión Executiva da Real Academia Galega, Dolores Sánchez Palomino; o crítico literario, Armando Requeixo Cuba, e a escritora e docente nomeada pola Asociación de Escritoras e Escritores en Lingua Galega (AELG), María Álvarez Landesa.
A illa que supuraba sangue
Na súa XIX edición o Premio Narrativa Breve Repsol contou cunha participación de 43 obras orixinais e inéditas cunha extensión mínima de 50 folios e máxima de 120.
Fran Fernández Davila, voceiro do Xurado, destacou da novela de Carmen V. Valiña “a súa habelencia para nos mergullar nun xogo de espellos temporais que dunha banda nos traslada aos difíciles días da inmediata posguerra e ao mundo dos represaliados e, doutra parte, sitúanos nun presente convulso coa simbólica illa de San Simón como escenario”.
Segundo os membros do Xurado a obra “está escrita cunha prosa de fino burilado e tinturas líricas, esta narración ábrese tamén á intriga coa desesperación dunha das protagonistas, misterio que nos levará ata un final que, de seguro, lle resultará a quen lea tan sorprendente coma desacougante”.”
Compostela: presentación de Literatura insólita, de Armando Requeixo
Lionel Rexes gaña o X Concurso Balbino de Relatos
Sanxenxo: presentación de Sanxenxo na historia. Volume 8
Mondoñedo: presentación de Obra escolleita de Álvaro Cunqueiro, traducido ao xaponés por Takekazu Asaka
Bertamiráns: encontro literario arredor de Mea culpa, de Toño Núñez
Branca Trigo Cabaleiro gaña o 28º Premio de poesía Concello de Carral coa obra Especies invasoras
Un porquiño polo San Martiño, de Macarena García Vicente e Iria Bermúdez Rozas, gaña a V edición do Premio Alberte Quiñoi de Álbum Ilustrado
Desde Galaxia:
“Na Estrada, na Sala de Xuntas da Casa do Concello da Estrada, reuniuse o xurado para escoller a obra gañadora desta V edición do Premio de Álbum Ilustrado Alberte Quiñoi. O xurado estivo composto por Sandra Lodi, ilustradora e gañadora do premio na edición pasada coa obra Papóns, recoñecida tamén co Premio Follas Novas na categoría de Libro Ilustrado; Xosé Tomás, ilustrador e docente; Sara Valcárcel, responsable de Comunicación e Novos Proxectos de Editorial Galaxia; Armando Requeixo, crítico literario; e Carlos Loureiro, que actuou como secretario.
Despois de valorar os orixinais presentados e de levar a cabo distintas seleccións e contraste de opinións, previa á xuntanza do día de hoxe, o xurado acordou, por unanimidade, conceder o V Premio de Álbum Ilustrado Alberte Quiñoi á obra titulada Un porquiño polo San Martiño, que se presentou baixo o pseudónimo “Lacón e grelos”. Unha vez aberta a plica, esta resultou ser da autoría de Macarena García Vicente e Iria Bermúdez Rozas.
O xurado quixo destacar neste álbum ilustrado varios motivos que merecen ser valorados. En primeiro lugar, presenta unha estética moi coidada, tanto no tratamento visual como na elección dos elementos gráficos, o que contribúe a unha experiencia lectora sólida e atractiva.
Ademais, pon en valor o respecto e o coidado animal dun xeito honesto e sensible, sen caer na procura do riso nin na lexitimación dos excesos. Este respecto aos animais é en grande medida reforzado polo ton afectivo e introspectivo que expresa a obra, xunto á riqueza e profundidade do conxunto.
Cómpre salientar tamén a coherencia entre o texto e as ilustracións, ambos elementos están ben integrados e funcionan como un todo, apoiándose mutuamente e reforzando a mensaxe que a obra quere transmitir.
Destacouse a expresividade da obra, feita cun coidado sentido do humor; poñéndose en valor o tratamento da morte. A ilustración reforza, tamén, a esfera psicolóxica do porquiño protagonista, amosando diferentes arestas emocionais.”
