En Celanova (Casa dos poetas, Celanova), entre o 18 e o 19 de xullo do 2008, terán lugar os primeiros ENCONTROS DE POESÍA NOVA, no contexto do centenario de Manuel Curros Enríquez.
Entre os participantes figuran César Antonio Molina, Luis Alberto de Cuenca, José Antonio de Ory, Miguel Anxo Fernán-Vello, Helena de Carlos, Yolanda Castaño, Estíbaliz Espinosa, Baldo Ramos, Paulino Vázquez, Cecilia Quílez, Berta Dávila, José Ramón Trujillo, Emilio Ruiz Barrachina, José Manuel Lucía Megías, Justo Bolekia, Javier Pérez Vazo, Basilio Rodrígez Cañada e Xosé Luis Méndez Ferrín. O encontro finalizará co espectáculo poético-musical QUEN PUDERA CONVOSCO VOAR, sobre a obra poética de M. Curros Enríquez, pola Compañía teatral Casahamlet e con dirección de Manuel Lourenzo e Santiago Fernández.
Arquivos da etiqueta: Berta Dávila
Berta Dávila na Sargadelos da Coruña
O martes 3 de xuño, ás 20:00 horas, a Galería Sargadelos da Coruña (Rúa Real, 56) contará coa presenza de Berta Dávila cunha intervención titulada “Dos sentimentos que producen os signos”, nunha nova edición do ciclo quincenal “Martes Literarios”.
Preséntase na Coruña Corpo baleiro, de Berta Dávila
A Galería Sargadelos e Edicións Espiral Maior organizan a presentación do libro Corpo baleiro, de Berta Dávila. O acto, que contará coa participación de Miguel Anxo Fernán Vello, Xulio López Valcárcel e Berta Dávila, terá lugar o venres 9 de maio ás 20:00 na Galería Sargadelos da Coruña (Rúa Real, 56).
