Arquivos da etiqueta: Camiño Noia

Lugo: III Xornadas de Literatura de Tradición Oral

Publicado o por

As III Xornadas de Literatura de Tradición Oral, organizadas pola Asociación de Escritores en Lingua Galega (AELG), co patrocinio da Deputación de Lugo. Vicepresidencia Primeira, reunirán na cidade de Lugo (no Salón de Actos da Deputación de Lugo, rúa San Marcos, nº 8) entre o venres 5 e o sábado 6 de novembro, a unha serie de expertos ao redor do tema Mitoloxía da morte: agoiros, ánimas e fantasmas, baixo a coordinación xeral de Antonio Reigosa e Isidro Novo. O programa é o seguinte:

Venres 5 de novembro.
17:00 h. Inauguración, coa presenza de Antón Bao, Vicepresidente da Deputación de Lugo e Cesáreo Sánchez, presidente da AELG.
17:10 h. Conferencia As narrativas sobre a morte na cultura tradicional galega: estratexias de posta en valor, por Marcial Gondar Portasany.
18:10 h. Conferencia Da morte á Morte na cultura popular catalá, por Joan Soler.
De 19:10 a 20:00 h. Mesa redonda sobre A morte pre-vista. Participan: Marcial Gondar Portasany e Joan Soler i Amigó. Modera: Antonio Reigosa.

Sábado 6 de novembro
10:30 h. Conferencia Representación da morte na narrativa oral, por Camiño Noia.
11:30 h. Conferencia Ánimas, aparecidos e mortos en compaña na tradición galega, por Xoán Ramiro Cuba.
De 12:30 a 13:30 h. Mesa redonda sobre Mortos de ida e volta. Participan: Camiño Noia e Xoán Ramiro Cuba. Modera: Isidro Novo.

Vigo: Narrativa galega recente, con Xosé Monteagudo e Begoña Caamaño, no V Ciclo Escritores/as na Universidade

Publicado o por

O V Ciclo de mesas redondas Escritores/as na Universidade continúa o xoves 21 de outubro a partir das 12:00 h. no Salón de Actos da Facultade Filoloxía e Tradución da Universidade de Vigo, coa participación de Xosé Monteagudo e Begoña Caamaño na mesa redonda Narrativa galega recente, onde os autores lerán fragmentos da súa prosa comentando os pormenores da súa actividade como creadores. O acto será presentado por Camiño Noia. Organizado pola AELG e a Facultade de Tradución de Vigo.

Camiño Noia: “O conto galego é menos misóxino que os dos outros países”

Publicado o por

Entrevista a Camiño Noia en La Voz de Galicia:
“La Voz de Galicia (LVG): ¿Ten singularidades propias o conto galego?
Camiño Noia (CN): Algunha, mais a maioría son comúns cos do resto do mundo. Por exemplo, son menos misóxinos que os doutros países porque foron as mulleres quen controlaron a tradición oral. Contos en que o malo, noutros sitios, era a muller, aquí o son os homes. As mulleres, que maioritariamente eran as contadoras, ao contar o conto facían unha especie de censura, como a discriminación positiva de hoxe en día.
LVG: ¿Son transgresores?
CN: A tradición oral é moi transgresora. Todos os estamentos de cando se formou a tradición, é dicir, os poderes terreais, saen mal parados. Os contos falan do mal comportamento destas persoas.”

Vigo: presentación de Catálogo tipolóxico do conto galego de tradición oral, de Camiño Noia

Publicado o por

Dentro das actividades da Feira do Libro de Vigo, o mércores 7 de xullo ás 19:30 horas, a profesora da Universidade de Vigo Camiño Noia presenta o libro Catálogo tipolóxico do conto galego de tradición oral, editado polo Servizo de Publicacións da Universidade de Vigo. No acto participan, coa autora, Antón Santamarina e Antón Palacio.

Vigo: presentación do libro Feministas galegas

Publicado o por

O vindeiro mércores 17 de marzo presentarase en Vigo o libro Feministas galegas. Claves dunha revolución en marcha de Mónica Bar Cendón. O acto contará coa participación de María Xosé Queizán, Camino Noia, Manuel Bragado e Mónica Bar, e comezará ás 20,00 horas na Libraría Librouro (rúa Eduardo Iglesias, 12 de Vigo).