Arquivos da etiqueta: Carlos Pereira
Carlos Pereira: “O Burgo era unha das urbes máis importantes de Galicia no século XII”
Entrevista
a Carlos Pereira en La Opinión:
“(…) – La Opinión (LO): Como recuperou a historia de Culleredo?
– Carlos Pereira (CP): A través de moitos campos de traballo concretos. Un deles, a recuperación do patrimonio monumental, coa restauración da Torre de Celas, da ponte do Burgo, dos muíños de Acea de Ama e dalgúns pazos. A colaboración tamén nalgúns casos coa Igrexa na restauración dalgunha igrexa.
– LO: Tocoulle tamén poñer por escrito o que descubría?
– CP: Si, preparar toda unha serie de traballos, publicacións sobre a historia e sobre os monumentos, que ademais se complementan con visitas guiadas de centros escolares. Tamén propoño nomes para rúas, relacionados coa historia de cada parroquia. Iso é moi gratificante; son nomes que se perderon na marea da historia e, cando llos pos a unha rúa, estás recuperando toda unha historia desaparecida. (…)”
O Burgo, Culleredo: presentación de Xaime Quintanilla Martínez, de Carlos Pereira e Ana Romero
O 
venres 16 de marzo, ás 20:30 horas, no Edificio de Servizos Múltiples (Rúa Ramón Cabanillas, 14) do Burgo, Culleredo, preséntase o libro Xaime Quintanilla Martínez. Vida e obra dun socialista e galeguista ao servizo da República, de Ana Romero Masiá e Carlos Pereira Martínez, Premio Luís Tilve de Investigación e Divulgación Histórica 2011. No acto participan Xesús Mosquera Sueiro, Alicia Ferreiro Varela e os autores. A presentación estará complementada cunha pequena actuación musical.
A Coruña: presentación de Xaime Quintanilla Martínez, de Carlos Pereira e Ana Romero
O venres 17 de febreiro, ás 20:00 horas, en Portas Ártabras (Rúa Sinagoga, 22, baixo), na Coruña, preséntase o libro Xaime Quintanilla Martínez. Vida e obra dun socialista e galeguista ao servizo da República, de Ana Romero Masiá e Carlos Pereira Martínez, Premio Luís Tilve de Investigación e Divulgación Histórica 2011. No acto participan Xesús Mosquera Sueiro, Felipe Senén e os autores.
Ferrol: presentación de Xaime Quintanilla Martínez, de Carlos Pereira e Ana Romero
O venres 13 de xaneiro, ás 19:30 horas, na Galería Sargadelos (Rúa Rubalcava, nº 30-32) de Ferrol, preséntase o libro Xaime Quintanilla Martínez. Vida e obra dun socialista e galeguista ao servizo da República, de Ana Romero Masiá e Carlos Pereira Martínez, Premio Luís Tilve de Investigación e Divulgación Histórica 2011. No acto participan Cesáreo Fraga García, Xesús Mosquera Sueiro e os autores.
Carlos Pereira gaña o Certame Literario do Concello de Vilalba con Río Alzheimer
A 
XXXVII edición do Certame Literario do Concello de Vilalba ten gañadores: o primeiro premio, dotado con 3000 euros, flor natural e diploma, foi para Carlos Pereira Martínez, polo poemario Río Alzheimer; o segundo premio, dotado con 1000 euros, flor natural e diploma, recaeu en Martiño Maseda Lozano, de Xoibán (Vilalba) polo poemario Entre as paredes do silencio. Asemade, o xurado acordou crear unha mención especial, dotada con diploma e flor natural, para o poemario Trinta cantigas e cinco alalás, de Marcial González Vigo, de Lugo. O xurado do premio estivo formado por José María García-Leira, Darío Villanueva, José Carlos Andina, Fidel Fernán e Xulio Xiz. O libro premiado será publicado por Espiral Maior.
Vilaboa (Culleredo): presentación de Señardade da luz, de Miguel Mato
O 
mércores 25 de maio, ás 20:00 horas, na Biblioteca Uxío Novoneyra (Pazo de Vilamelania, Vilaboa, Culleredo) preséntase o libro Señardade da luz (A obra poética de Manuel María), de Miguel Mato, publicado pola A. C. Alexandre Bóveda. No acto acompañarán ao autor Carlos Pereira e Celestino Poza.
Vilaboa (Culleredo): presentación de A frecha azul do teixo, de Eva Veiga
O mércores 
18 de maio, a partir das 20:00 h., na Biblioteca de Poesía Uxío Novoneyra (Pazo de Vila Melania, Vilaboa, Culleredo), preséntase o libro de poemas A frecha azul do teixo, de Eva Veiga, publicado en Espiral Maior. No acto intervirán, coa autora, Miguel Anxo Fernán-Vello, Celestino Poza e Carlos Pereira.
IV Encontro de Pintura e Poesía de Culleredo
O venres 6 de maio, de 10:00 a 20:00 horas, na Aula de Natureza do Xardín Botánico do Burgo (Culleredo), celébrase o IV Encontro de Pintura e Poesía de Culleredo, organizado pola Concelleria de Cultura do Concello de Culleredo, no que participan 50 artistas, poetas, pintores, escultores, acuarelistas e fotógrafos que traballarán sobre pintura e poesía. A xornada está dedicada á Pintura e poesía diante da situación social (cambio climático, revoltas sociais, guerras, abusos, desigualdades, maltrato, fame, etc.). De xeito individual e colectivo os artistas traballarán sobre un poema inedito coa temática anterior, feito para a ocasión polos recoñecidos poetas galegos: Miguel Anxo Fernán-Vello, Yolanda Castaño, Xulio L. Valcárcel, Eva Veiga, Dores Tembrás, Luz Campelo, Pablo Bouza, Diana Varela, Carlos Pereira, Olga Patiño e Lino Braxe. Os artistas plásticos participantes son: Alfonso Costa, Ali Ali, Antón Sobral, Pedro Bueno, Alfredo Erias, Emilio Celeiro, Luísa Valdés, Ramón Astray, Gosia Trebacz, Manuel Gandullo, Isabel Pintado, Manuel Suárez, Lola Beade, Óscar Cabana, Marta Pardo de Vera, Raúl Álvarez, Victoriano Fernández, María Martínez, Nito da Vila, Miguel Melero, Laureano Vidal, José Juncosa, Teresa Faginas, Begoña Tojo e Paco Ascón; os escultores Manuel Patinha, Francisco Escudero, Iria Rodríguez e Enrique Tenreiro; e os fotógrafos Luis Gabu e Fran Torrecilla.
O Burgo (Culleredo): conferencia sobre Xaime Quintanilla a cargo de Ana Romero Masiá e Carlos Pereira
O 
xoves 14 de abril, ás 20:00 horas, no Edificio de Servizos Múltiples do Burgo (Culleredo), terá lugar a conferencia Xaime Quintanilla Martínez: un socialista e galeguista ao servizo da República, a cargo dos historiadores Ana Romero Masiá e Carlos Pereira Martínez, presentados por Celestino Poza.
