Estas son algunhas das fotografías do acto central do Día de Rosalía de Castro 2026 en Compostela, que tivo lugar o 22 de febreiro no Panteón de Galegos Ilustres, en San Domingos de Bonaval, organizado pola AELG, co apoio de CEDRO e a Deputación da Coruña. A crónica fotográfica completa pode verse aquí.
Desde a AS-PG, en colaboración coa AELG, ponse a disposición do público o Xogo Pasapalabra polo Día de Rosalía. Podes descargalo aquí.
O acto central do Día de Rosalía de Castro terá lugar o domingo 22 de febreiro, ás 12:00 horas, no Panteón de Galegos Ilustres (San Domingos de Bonaval), en Santiago de Compostela. A entrada é libre e gratuíta.
Este é o programa previsto:
– Intervención do coro da Asociación Cultural e Musical Solfa.
– Saúda do Presidente da AELG, Cesáreo Sánchez Iglesias.
– Lectura do Manifesto da AELG en 2026, pola súa autora, Eva Veiga.
– Lectura de poemas rosalianos.
– Intervención do coro da Asociación Cultural e Musical Solfa.
– Ofrenda floral.
– Interpretación do himno.
O roteiro Deter o sol. Un paseo sentimental polo mar de Valdoviño, elaborado por Rosa Aneiros, pode consultarse e descargarse na páxina web da AELG, aquí. Esta actividade contou co apoio da Deputación da Coruña.
En colaboración coa A. C. Alexandre Bóveda, o luns, segunda feira, 23 de febreiro, ás 17:00 horas, diante do Teatro Rosalía de Castro, terá lugar a lectura do Manifesto da AELG, obra de Eva Veiga, por parte de Beatriz Maceda Abeleira, e unha posterior lectura pública da obra de Rosalía. O acto contará tamén con música do grupo de Cantos de Taberna da A. C. Alexandre Bóveda e coa actuación de Noite Bohemia. Esta actividade conta apoio do Centro Español de Dereitos Reprográficos (CEDRO) e a Deputación da Coruña
O luns, segunda feira, 23 de febreiro, ás 17:30 horas, coorganizado pola AELG e a Asociación Cultural O Castro, na Imprenta de Juan Compañel (Rúa Real nº 12) e Local do Centro Social A Revolta), terá lugar a colocación da ofrenda floral na imprenta Juan Compañel, a lectura do Manifesto da AELG e de poemas de Rosalía de Castro no local do Centro Social da Revolta. Esta actividade conta co apoio de CEDRO e a Deputación da Coruña.
