O xoves 
7 de outubro preséntase no Museo de San Domingos en Tui, a partir das 20:00 h., o libro Luz de Tebra, de Ánxel Vázquez de la Cruz, publicado por Xerais. No acto acompañarán ao autor Manuel Vázquez de la Cruz e Fran Alonso.
Arquivos da etiqueta: Fran Alonso
Fran Alonso: “É unha impotencia”
Entrevista 
a Fran Alonso en Galicia Hoxe:
“Galicia Hoxe (GH): Ten algún proxecto para a próxima temporada?
Fran Alonso (FA): Teño un libro de narrativa que acabo de entregar, e outro rematado dende hai un ano e pico que supoño que sairá en 2011. Como son lento escribindo, teño pouco tempo, estou nun momento no que me coinciden cousas nas que estiven traballando estes anos. De feito teño un poemario que supoño que sairá no outono. (…)
GH: A literatura para un escritor é á vez unha profesión e un hobby?
FA: Depende do concepto que teña cada un. Para min é unha profesión, e creo que os escritores deberían te-la opción de profesionalizarse sempre que quixesen. Teño a sensación de que pasan os anos e non escribo todo o que me gustaría. Hai moitos proxectos literarios que me quedan sen escribir por falta de tempo, é unha especie de impotencia que ás veces vivimos os escritores por non nos poder profesionalizar dende o punto de vista económico, porque si o estamos na medida en que temos unha obra coa que somos ou intentamos ser esixentes, temos uns requirimentos que nos fan levar un ritmo de vida dun escritor profesionalizado, e iso haino que compatibilizar cunha xornada laboral.
Vigo: presentación de Níxer, con Alfonso Costa, Francisco Fernández Naval e Camilo Franco
No marco das actividades da Feira do Libro de Vigo, o xoves 8 de xullo, ás 19:30 horas, preséntase Níxer, publicado por Edicións Xerais. No acto participarán os seus autores, Alfonso Costa, Francisco Fernández Naval e Camilo Franco, acompañados por Isabel Iglesias Santos, responsable en Galicia de Acción contra a Fame e Fran Alonso.
Vigo: sinatura de libros Fran Alonso e recital poético
No marco da Feira do Libro de Vigo, este domingo 4 de xullo, a partir das 20:00 horas, Fran Alonso asinará exemplares do libro A araña e máis eu, publicado en Kalandraka.
Desde as 20:30 horas levarase a cabo un recital poético do grupo Brétema, de Vigo, coa participación de Carmen Darriba, José Tizado, Rosa Mª Morales, José Á. Carvajal, Candela Fernández, José M. Oliveira, Esmeralda Muíños, Mariano M. Abalo, Gelu García, Isabel González, Anselmo Prada, Isabel Ruíz, Margarita Agulló, Sergio López, Mª Luisa López, Rafael Gómez, Mª Rosario Sabín, Miguel Correa, Rosa Mª González, Félix Loira, Teresa Cariño, Bernardo Quiñones, Mª Carmen Duro, Fernando Campos, Telvi Dasilva e Alonso Rodríguez.
Estrea do espectáculo poético-musical Música para un ouveo
Espectáculo con música de Borja Costa sobre o texto Howl de Allen Ginsberg, traducido ao galego por Xoán Abeleira. Estrea absoluta coa participación de Manuel Rivas como escritor invitado o día 3 de setembro na Coruña ás 21.00 horas no Teatro Rosalía de Castro, e en Vigo, coa participación de Fran Alonso, o día 4 de setembro ás 21.00 horas no Auditorio de Caixa Nova. Máis información na páxina web do proxecto.
Fran Alonso nos Premios Xerais 2009 (vídeo)
Santiago: “Multiculturalidade e minorías” co Clube de Lectura Gálix Tendendo Redes
O Club de Lectura Gálix Tendendo Redes organiza dúas actividades esta semana arredor do tema Multiculturalidade e minorías. O mércores día 15 farán un repaso ás obras da LIX galega que tratan esta temática, así como a outras obras de gran calidade e interese dentro das literaturas peninsulares, a partir da escolla que fará a profesora e crítica Mayte Leis.
O día seguinte, xoves 16 de abril, o escritor Fran Alonso falará das influencias, experiencias e compromisos que deron lugar á súa obra Cartas de amor, publicada por Edicións Xerais de Galicia na colección Fóra de Xogo. Os actos celébranse na Biblioteca do Consello da Cultura Galega co mesmo horario os dous días, de 17.00 a 19.00 horas.
Gálix presenta o Club de lectura “Tendendo Redes”
Mañá xoves 26 de febreiro ás 17:30 preséntase no salón de actos do Consello
da Cultura Galega (praza do Obradoiro, Santiago de Compostela) o Clube de Lectura “Tendendo Redes”, organizado pola Asociación Galega do Libro Infantil e Xuvenil Gálix coa colaboración da Dirección Xeral de Difusión e Promoción Cultural da Consellería de Cultura e do Consello da Cultura Galega. Entre outras accións, o Club de Lectura promoverá encontros con autores como Xosé A. Neira Cruz, Fran Alonso, Agustín Fernández Paz, Marilar Aleixandre, Miguel Vázquez Freire, An Alfaya, Marcos Calveiro ou Fina Casalderrey, que descubrirán os segredos que se agochan detrás de cada libro, os escenarios xeográficos que serviron de inspiración aos autores, as lecturas que os foron construíndo ou as propostas fílmicas e musicais que serviron de punto de partida para o nacemento da escrita. Tendendo Redes conta ademais cun blog propio no que se poderá seguir a dinámica do club e botar man de diversos recursos teóricos (estudo da obra, lecturas críticas, miradas de críticos de renome, como foi abordada esta temática por outros escritores, actividades transversais, un foro de debate, etc.) que permitirán un achegamento máis profundo ao texto e ao autor ou autora.
O Instituto Cervantes en Holanda mostra as letras galegas e o Camiño
Fran Alonso e Lino Braxe ofrecerán un coloquio sobre a literatura galega actual dentro do ciclo España, Crisol de Culturas, que se desenvolverá dende hoxe no Instituto Cervantes de Utrecht (Holanda), e co que se prentede dar a coñecer a diversidade cultural do Estado. (Galicia Hoxe)
