O 
luns 16 de maio, ás 19:00 horas, na Biblioteca Xosé Neira Vilas (Rúa Martínez Garrido, 21) de Vigo, terá lugar unha lectura pública da biografía de Lois Pereiro, en véspera da celebración do Día das Letras Galegas, na que participarán tanto autoridades, como o concelleiro de cultura, Xesús López Carreira, como todas aquelas persoas que queiran acercarse á biblioteca. Tras este achegamento á vida do autor a poeta Olga Patiño levará a cabo un recital poético-visual no que presentará algúns dos poemas máis relevantes de Lois Pereiro, acompañada polo escritor Francisco Fernández Naval e a fotógrafa Maribel Longueira.
Arquivos da etiqueta: Maribel Longueira
Maribel Longueira: “Non podo apoiar os que postergan o noso idioma”
Maribel Longueira colabora con Eva Veiga e con Elena Poniatowska
«A fotógrafa Maribel Longueira, que colabora habitualmente con poetas, prepara con Eva Veiga un libro de próxima aparición e ten un proxecto coa escritora mexicana Elena Poniatowska» (GaliciaHoxe.com)
Santiago: presentación de Entremiradas, de Maribel Longueira
Mañá xoves 18 ás 12:00 horas no Consello da Cultura Galega, en Santiago de Compostela, serán presentados os libros Entremiradas I Galicia-Bos Aires e Entremiradas II Galicia-Cuba, da fotógrafa Maribel Longueira. No acto, que estará presidido polo Presidente do Consello da Cultura Galega Ramón Villares, participarán os escritores Salvador García-Bodaño, Xosé Luis Axeitos, Manuel Álvarez Torneiro, Luz Pozo, Francisco X. Fernández Naval, Marga do Val, Tucho Calvo, Yolanda Castaño, Emma Pedreira, Olga Patiño, Eva Veiga, Anxos Sumai, Xosé Fernández Ferreiro, María do Cebreiro e Estíbaliz… Espinosa.
Conforman ambos os dous volumes fotos de Galicia, Cuba e Bos Aires, tomadas pola artista galega Maribel Longueira, xunto a textos de escritores e escritoras galegos, cubanos e arxentinos. Nos libros, os escritores/as describen as fotos, establecendo un diálogo entre Galicia,
Cuba e Bos Aires, unidas por lazos moi fortes. Ambas as dúas publicacións foron editadas pola Xunta de Galicia, a través da Secretaría Xeral de Emigración.
A Coruña: presentación de libros da fotógrafa Maribel Longueira
O mércores día 20 de maio ás 20.00 horas na Fundación Caixa Galicia na Coruña presentaranse os libros Entremiradas I Galicia-Bos Aires e Entremiradas II Galicia-Cuba da fotógrafa Maribel Longueira, editadas pola Xunta de Galicia a través da Secretaría Xeral de Emigración. No acto participarán os escritores Salvador García-Bodaño, Xosé Luis Axeitos, Manuel Álvarez Torneiro, Francisco X. Fernández Naval, Marga do Val, Tucho Calvo, Yolanda Castaño, Emma Pedreira, Olga Patiño, Eva Veiga, Anxos Sumai, Xosé Fernández Ferreiro e Estíbaliz Espinosa.
