Arquivos da etiqueta: UIMP
A Estrada: Encontro Castelao. Nova interpretación do seu pensamento, do 16 ao 18 de setembro
Santiago: encontro Carlos Casares. Escritor e intelectual do seu tempo, do 5 ao 7 de setembro
A 
UIMP organiza o Encontro Carlos Casares. Escritor e intelectual do seu tempo, entre o 5 e o 7 de setembro, no Consello da Cultura Galega (Pazo de Raxoi, 2º andar), en Santiago de Compostela. O curso pretende lembrar a obra e a faceta intelectual de Carlos Casares cando se cumpren dez anos do seu pasamento cun dobre obxectivo: o de reanimar o interese do profesorado de ensino secundario pola lectura e o estudo da obra de Casares, incentivando a recuperación dalgunhas das súas novelas como lecturas recomendadas para o estudantado dese nivel educativo, e o de suscitar o interese do alumnado universitario pola investigación académica do escritor e a súa produción. Con esta dobre finalidade realízase un percorrido en profundidade polo máis destacado de dita produción e unha achega a aspectos menos coñecidos (a relación de Casares coa cultura catalana) que amosen a amplitude do seu labor intelectual. A dirección corre a cargo de Dolores Vilavedra.
O importe da matrícula é de 129 euros. Para os alumnos das universidades da Coruña, Santiago ou Vigo haberá unha redución do 50% (64,50 euros). A data límite para a solicitude da beca é a do 5 de agosto de 2012. O valor académico é de 20 horas, con recoñecemento do curso en créditos de libre escolla. As prazas son limitadas. Para máis información, matrículas e bolsas, pódese contactar coa Secretaría de Alumnos da UIMP (Fundación Luís Seoane, Rúa San Francisco, s/n., 2º andar, C. P. 15001 da Coruña). O teléfono é o 981140830, o fax 981140825, e o correo electrónico galiciasa@uimp.es.
PROGRAMA
Mércores 5 de setembro:
– 18:30 h. Inauguración a cargo de Dolores Vilavedra e Xosé Luís Barreiro Rivas.
– 19:00 h. A obra narrativa de Carlos Casares, por Ángel Basanta Folgueira.
Xoves 6 de setembro:
– 10:00 h. Xornalismo(s) e arredores na obra de Carlos Casares, por Iago Martínez.
– 12:00 h. O diálogo de Casares co mundo da infancia, por Montse Pena Presas.
– 13:00 h. Debate.
– 17:00 h. Carlos Casares tradutor, mediador e axente literario na historia contemporánea da literatura galega, por Iolanda Galanes e Ana Luna Alonso.
– 19:00 h. A achega de Carlos Casares ao ensaísmo galego, por Olivia Rodríguez González.
Venres 7 de setembro:
– 10:00 h. Carlos Casares e Nós, á luz de Deus sentado nun sillón azul, por Álex Alonso.
– 12:00 h. Casares e Galaxia, Casares en galaxia, por Dolores Villanueva.
– 13:00 h. Debate.
– 17:00 h. Os espazos literarios de Carlos Casares, por María López Sández.
– 19:00 h. Clausura e entrega de diplomas, por Dolores Vilavedra e María Esther Regueiro Fernández.
Celanova: encontro Celso Emilio Ferreiro (1912-2012): ética e poética, entre o 16 e o 18 de xullo
Entre
o 16 e o 18 de xullo, no Mosteiro de Celanova, celébrase o Encontro Celso Emilio Ferreiro (1912-2012): ética e poética, organizado pola UIMP, baixo a dirección de José María Paz Gago e Antonio Piñeiro Feijoo. O importe da matrícula é de 129 euros, cunha redución do 50% para os alumnos das universidades da Coruña, Santiago ou Vigo (a data límite para a solicitude da beca é a do 16 de xuño), tendo recoñecido un valor académico de 20 horas en créditos de libre elección. O programa é o seguinte:
Luns 16 de xullo:
– 11:00 horas. Inauguración. Con José María Paz Gago, Antonio Piñeiro Feijoo e Xosé Luís Barreiro Rivas.
– 11:30 horas. Conferencia inaugural a cargo de Xesús Alonso Montero.
– 13:00 horas. Aspectos biográficos: ética vital. Con Luís Ferreiro Loredo e Ramón Nicolás Rodríguez.
– 20:00 horas. Recital lírico: Onde o mundo se chama Celanova, dirixido por Antón de Santiago.
Martes 17 de xullo:
– 10:30 horas. A creación poética: poesía civil e social, con Vicente Araguas, Luis García Jambrina e Basilio Rodríguez Cañada.
– 12:30 horas. A obra narrativa e ensaística, con Manuel Bragado, Alfredo Conde e Ramón Pernas.
Mércores 18 de xullo:
– 10:30 horas. Xornalismo e literatura en Celso Emilio Ferreiro, con Carlos G. Reigosa e Xosé Antonio Perozo.
– 12:30 horas. Presentación de publicacións sobre Celso Emilio Ferreiro: Celso Emilio Ferreiro hai 100 anos, con Aser Álvarez.
– 13:00 horas. Conferencia de clausura, con César Antonio Molina.
– 14:00 horas. Clausura e entrega de diplomas.
A Coruña: Encontro Cen anos con Cunqueiro da Universidade Internacional Menéndez Pelayo, do 13 ao 15 de xullo
A
Universidade Internacional Menéndez y Pelayo organiza o Encontro Cen anos con Cunqueiro, que se celebra do mércores 13 ao venres 15 de xullo na Coruña. Para información, matrículas e bolsas, os interesados pódense dirixir á Secretaría de Alumnos do UIMP (Rúa San Francisco, s/n. Fundación Luís Seoane, 2º andar), 15001, da Coruña (teléfono 981-140830, fax 981-140825, correo electrónico: galiciasa@uimp.es). O importe da matrícula será de 129 euros (para o alumnado universitario haberá unha redución do 50%). Estará dirixido por Carlos González Reigosa, tendo como secretaria a Clara García Folgueira.
“Hai cen anos que naceu en Mondoñedo (Lugo) o escritor Álvaro Cunqueiro, autor dunha obra que retrata con incomparable riqueza toda a maxia e a realidade da súa terra e, á vez, do Ocidente que a contén. Ningún outro escritor soubo mostrar como el, en creacións certeiras e case sempre poéticas, a alma de Galicia, mediante un xogo de espellos culturais que, paradoxalmente, atinan a reflectir o menos visible, e, á vez, o máis profundo do noso ser. Os seus poemas, novelas, pezas dramáticas e artigos teñen en común unha visión poliédrica que, literariamente ensamblada, nos ofrece un mundo propio paradoxalmente moito máis verdadeiro e completo -e tamén máis revelador e máis desvelado- que o que comunmente temos por real.”
O programa está formado por:
* Mércores 13:
– 10:00 h. Introducción á vida e obra de Cunqueiro, por Carlos G. Reigosa.
– 12:00 h. Álvaro Cunqueiro en mi experiencia literaria, por Luis Mateo Díez.
– 17:00 h. La poesía de Cunqueiro, por César Antonio Molina.
* Xoves 14:
– 10:00 h. Álvaro Cunqueiro, un escritor nos xornais, por Víctor F. Freixanes.
– 12:00 h. El humor en la obra de Cunqueiro, por Marina Mayoral.
– 17:00 h. Álvaro Cunqueiro e o teatro; por Inmaculada López Silva.
* Venres 15:
– 10:00 h. Álvaro Cunqueiro, narrador, por Dolores Vilavedra Fernández.
– 12:00 h. Cunqueiro e familia: a cociña e outras estancias, por Domingo Villar.
– 17:00 h. Poética e poesía de Álvaro Cunqueiro, por Arcadio López Casanova.
