Continúa 
a Feira do Libro de Santiago (no Paseo Central da Alameda) até o vindeiro domingo 8 de maio, con horarios de 11:30 a 14:00 h. e de 17:30 a 21:30 h., salvo no fin de semana, en que estará aberta de 11:30 a 14:30 h. e de 17:30 a 21:30 h.
As actividades do xoves 5 son as seguintes:
– 18:00 h. Obradoiro de ilustración: Como nace un personaxe. Realización a cargo do ilustrador Xosé Tomás. Actividade realizada coa colaboración de Gálix.
– 19:00 h. O escritor Xabier P. DoCampo presenta o seu libro O misterio das badaladas, publicado por Edicións Xerais. Manuel Bragado, director da editorial, manterá unha conversa con Xosé Cobas (ilustrador do libro) e co autor.
– 20:00 h. Presentación do libro As palabras que move o mar, de Xaime Toxo, publicada por Edicións Xerais. Xunto co autor, participará no acto Manuel Bragado.
– 21:15 h. Sorteo dun lote de libros.
Arquivos da etiqueta: Xabier P. DoCampo
Ferrol: charla coloquio na Feira do Libro sobre Juan Farias, con Fina Casalderrey, Xabier P. DoCampo e Paco Martín
Dentro 
do programa da Feira do Libro de Ferrol (no Cantón de Molíns), primeira das Feiras do Libro deste ano en Galicia, o venres 8 de abril, na Carpa onde se ubica a exposición Juan Farias. Un mar de palabras e de imaxes sobre o escritor e ferrolán universal (aberta durante toda a Feira até o domingo 10), terá lugar, ás 19:45 h., a charla coloquio Juan Farias e a literatura infantil en Galicia, na que participarán Fina Casalderrey, Xabier P. DoCampo e Paco Martín.
Xabier P. DoCampo: “A lectura serve para aprender a poñerlle nome aos sentimentos”
Entrevista 
a Xabier P. DoCampo en Diario de Ferrol e Diario de Arousa, a través de Xerais:
“- Pregunta (P): Leva moitos anos escribindo literatura, sobre todo infantil e xuvenil. Como ve agora este xénero?
– Xabier P. DoCampo (XD): Daquela, anos 70 e 80, a literatura infantil e xuvenil (LIX) era unha necesidade educativa. Hoxe cambiou moito, non só polas mudanzas políticas, senón tamén polas que se produciron no eido industrial e comercial. Hoxendía existe xa un número alto de editoras publicando exclusivamente LIX en galego. Esta, e a literatura galega en xeral, desde os anos 70 para acó é unha literatura absolutamente incomparable. Non hai outra do noso entorno tan vizosa e de tanta calidade como a galega. Agora hai, loxicamente, moitos máis autores. Lembro unha vez oírlle a un persoeiro de gran relevancia na cultura galega dicir cun libro na man que unha literatura é adulta e está xa totalmente consolidada cando era capaz de ter libros tan malos coma ese que levaba. A calidade continúa e increméntase, pero na abundancia existen máis posibilidades de que se atope unha obra de menor calidade. É que houbo un momento en que todas as obras que se escribiron en Galicia de literatura infantil e xuvenil eran verdadeiramente sobranceiras. (…)
– P: O poder político está á altura das circunstancias?
– XD: Os responsables políticos sempre van arrastrados polas circunstancias. Sempre. Se algún di outra cousa é porque ten unha visión interesada do asunto. Eu non nego as circunstancias económicas, que son as que son, pero hai que ter en conta unha cousa: o sector do libro tiña que estar especialmente protexido, o sector da creación en xeral, desde o punto de vista económico, xa non digo desde o punto de vista de facer país. Se se escacharraron determinados sectores económicos, penso que aqueloutros que están fortes e van ben han de reforzarse e promocionarse. Claro, aquí aparece outra cousa: o sector da cultura galega está loxicamente ligado á lingua galega, e cando o que se quere é desterrar do corazón dos galegos a lingua galega, evidentemente aí cae arrastrado todo o sector da cultura. Non hai máis que ver como chegaron determinadas persoas facendo cantos a cousas estrañas como a literatura en castelán de escritores nacidos en Galicia.”
Xabier P. DoCampo: “A Real Academia Galega non me necesita”
Entrevista 
a Xabier P. DoCampo no Xornal de Galicia:
“O meu respecto pola Real Academia Galega é tanto que teño clarísimo que non me necesita. (…) Cando teñan unha vacante, se queren, que me pregunten a miña opinión; poden estar seguros de que nunca direi o meu nome. Pensei máis veces en ser santo, se cadra porque hai máis prazas, que en ser académico. Iso é unha teima de Jaureguizar e algún máis. Están tan empeñados en propoñernos a min e a Agustín Fernández Paz que fixemos un acordo: que nos dean unha cadeira para os dous, pero que nola dean canto antes, que estamos engordando” (…)
Os primeiros lectores de DoCampo foron o avogado Rafael Bárez e o profesor Francisco Silvosa, os seus compañeiros no seminario de Lugo. Cada noite, recorda, o cativo que foi escribía un conto e facía dúas copias con papel carbón. Unha para cada un. “Non deixei de escribir dende entón, pero até 1986 non publiquei. Cando rematei O misterio das badaladas xa tiña outra novela a medio facer e un libro de contos. Por moito que me quixese proletarizar, por moito que pensase que publicar era un vicio burgués, ao que me conducía aquilo era á frustración máis absoluta”. Para aforrar, resumiu o argumento do libro e mandóullelo a catro editoriais cunha carta na que lles explicaba a única condición da poxa: o primeiro en amosar interese quedaba co orixinal. Adiantouse Vía Láctea, onde chegara a súa oferta rebotada dende Ediciós do Castro. “Aínda teño pola casa as cartas de Xela Arias, de Xerais; Carlos Casares, de Galaxia; e alguén de Sotelo Blanco que xa non recordo pedíndome a novela. Xa chegaban tarde”.”
Achegarte: O misterio das badaladas, de Xabier P. Docampo, edición 25º aniversario
A Coruña: actividades literarias no Achegarte 2011
Xa se fixo público 
programa de actividades do Achegarte 2011, que se desenvolverá no Palexco da Coruña con estes horarios:
Sábado 2 de abril: de 11:30 h. a 14:30 h., e de 16:30 h. a 22:00 h.
Domingo 3 de abril: de 11:30 h. a 14:30 h., e de 16:30 h. a 21:00 h.
Como xa sinalamos, a AELG terá unha presenza propia. O sábado e o domingo, de 17:00 a 21:00 h., diversos autores lerán a súa obra no stand da AELG, dentro da actividade Lecturas compartidas. Deixamos aquí as actividades literarias previstas, así como a programación completa: Programa Achegarte 2011.
– Obradoiros. Para os obradoiros o público pódese apuntar no Achegarte ou garantir a súa praza inscribíndose previamente nas Bibliotecas Municipais da Coruña:
* Sábado 2:
* 12:00 h. Obradoiro de escrita creativa e reciclaxe de camisetas.
* 13:00 h. Concurso Tinta de Lura: canto sabes de literatura?. (Agasallo de camisetas e libros aos gañadores).
* Domingo 3:
* 11:30 h. Creación de personaxes de banda deseñada. Kiko Dasilva.
* 12:30 h. Obradoiro de animación á lectura. Reverso.
– Presentacións:
* Sábado 2:
* 12:00 h. Entrega do premio Meiga Moira. Baía Edicións.
* 12:30 h. Presentación de Normal. Luís Caparrós, vicerrector da UDC.
* 13:00 h. Noente Paradise. Ugia Pedreira.
* 13:45 h. Presentación das novidades editoriais de Demo Editorial. Manel Cráneo.
* 17:00 h. 25 aniversario de O misterio das badaladas de Xabier P. DoCampo. Conversa de Óscar Sánchez e Manuel Bragado co autor e co ilustrador (Xosé Cobas), Xerais.
* 17:30 h. Animación Abrapalabra!, con Antón Cortizas e o mago Carlos Coira. Galaxia.
* 18:00 h. Presentación do Boletín da Real Academia Galega Xosé María Álvarez Blázquez, con Xosé Luís Méndez Ferrín e Xosé Luís Axeitos.
* 18:30 h. Ricardo Carvalho Calero: a ciencia ao servizo da nación, con Pilar García Negro. Laiovento.
* 19:30 h. Presentación de Meubook.
* 21:00 h. Colección de ensaio Supertextos. 2.0 Editora.
* Domingo 3:
* 11:30 h. Páxinas de Carricanta. Ana Mª Fernández. Ilustrador D.N.L.
* 14:00 h. Lectura dramatizada de collage, de Esther f. carrodeguas. Edicións Barbantesa. Con Raquel Nogueira como Alicia e a colaboración especial de Antonio Mourelos como Alberto.
* 17:00 h. Planeta Mincha. Manel Cráneo.
* 17:30 h. Divírtete co paxaro Rodribico. Baía Edicións.
* 18:00 h. Presentación do programa E-ducando. AS-PG
* 18:30 h. Conclusións do foro sobre o estado da cultura. Tati Mancebo.
* 19:00 h. Antoloxías Poéticas Sonoras. Xosé María Álvarez Cáccamo e Chus Pato. Edicións do Cumio.
* 19:30 h. Impresións dunha viaxe por Galicia en 1935, Federica Montseny. Trifolium. No acto participan Eliseo Fernández, Enrique Sánchez e Xan Arias.
* 20:30 h. Presentación de Señardade da luz: a obra poética de Manuel María, de Miguel Mato.
– Audiovisuais:
* Sábado 2:
* 18:00 h. Curtas de animación de OQO Editora: Corre corre, cabaciña; A princesa do Caurel; A bruxa regañadentes; Os sete cabritos e Un gato na árbore.
* 19:30 h. Entrega de premios e proxeccións Curtas para Rosalía. AS-PG.
* Domingo 3:
* 12:30 h. Proxección de Contra a morte. Documental sobre Lois Pereiro. IBCinema.
* 17:30 h. Pase promocional da película A casa da Luz (esta última no Teatro Rosalía [con convite]).
* 20:15 h. Presentación do guión de O divino ferrete. Reverso.
– Cara a cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, …
* Domingo 3: Alberto Ramos fala con Manuel Rivas e Mercedes Peón; Iolanda Casal fala con Uxía e Xurxo Souto.
– Espazos vertebrados. Experiencias e actividades de asociacións e colectivos culturais, organizados e/ou vertebrados nos últimos tempos. Na Sala de Conferencias:
* Sábado 2:
* 16:30 h. Fundación Manuel María.
* 19:30 h. Presentación do selo Pulp Books. Rinoceronte.
* 20:00 h. Presentación da nova colección “Alcaián“. Urco Editora.
* 20:30 h. Casa de Manuel Antonio en Rianxo. Xosé Luís Axeitos e Grupo Revisión.
* Domingo 3:
* 20:00 h. Presentación do programa E-ducando. AS-PG.
– Mesas de debate. Na Sala de Conferencias:
* Sábado 2:
* De 12:30 a 14:00 h. Situación do teatro infantil en Galiza.
* Domingo 3:
* De 12:30 a 14:00 h. A escrita de guión audiovisual en Galiza.
– Teatro.:
* Sábado 2:
* 12:30 h. Recital de poesía satírica galego portuguesa, por Celso Parada, do Teatro do Morcego.
– Encontros sectoriais. No Kiosko Alfonso:
* Sábado 2:
* De 11:30 a 14:00 h. Asociación Galega de Profesionais da Xestión Cultural. Xestión e xestores culturais en Galiza.
* Domingo 3:
* De 11:30 a 14:00 h. Federación de Asociacións Galiza Cultura. Encontro Nacional de Asociacións Culturais.
– Chat ao vivo. Sala de audiovisuais:
* Domingo 3:
* De 19:15 a 20:00 h. Lino Braxe.
A película A casa da luz bota a andar con pases privados por toda Galicia
XII Certame Literario Alfredo Suárez Ferrín de valores cívicos e morais
BASES
PRIMEIRA. O Instituto de Estudios Políticos y Sociales convoca a XII edición do Certame Literario Alfredo Suárez Ferrín de valores cívicos e morais. O tema a desenvolver na presente convocatoria é Memoria Histórica: Valor Moral dun pobo.
SEGUNDA. Poderá participar calquera persoa que o desexe.
TERCEIRA. Establécese o seguinte premio: Dotación económica de 1000 euros, doados polo Concello de A Coruña, e Diploma de honra.
CUARTA. Os traballos terán unha extensión mínima de 8 folios e máxima de 15. Os orixinais presentaranse mecanografados a dous espazos e por unha soa cara. Os traballos poderán estar escritos en galego ou castelán.
QUINTA. Enviaranse cinco copias dos orixinais, sen asinar e cun lema que figurará tamén nun sobre aparte, e no que se incluirán nome e apelidos, enderezo e teléfono da persoa concursante, así como fotocopia do carné de identidade.
SEXTA. Os traballos remitiranse ao seguinte enderezo:
“Instituto de Estudios Políticos y Sociales
(XII Certame Literario Alfredo Suárez Ferrín)
Rúa Juan Flórez, 109-113, local 7 (entrada por R/ José Cornide)
15005 A Coruña”
Tamén se poden entregar persoalmente no devandito enderezo, en horario de 9:30 a 14:00 e de 16:30 a 20:00 h, de luns a venres.
SÉTIMA. O prazo de presentación de orixinais remata o 25 de marzo de 2011.
OITAVA. O xurado estará composto por persoas representativas do mundo das letras. O seu fallo será inapelábel.
NOVENA. A entrega dos premios terá lugar na cidade da Coruña a mediados de abril de 2011, co gallo da conmemoración das datas da proclamación da II República española, en data e lugar que oportunamente se comunicará. A ausencia do premiado/a no acto entenderase como expresión de que declina o seu dereito ao galardón concedido, renunciando por tanto a calquera reclamación ulterior deste.
DÉCIMA. A persoa gañadora autoriza ao Instituto de Estudios Políticos y Sociales a poder publicar, no medio que estime conveniente, o traballo que resulte galardoado.
O xurado está composto por:
– Presidente: D. Xabier Puente Docampo.
– Vocal: Dª Ánxeles Penas García.
– Vocal: Dª Pilar García Negro.
– Secretaria da Fundación con voz e sen voto: Dª. Constanza Sánchez Santos.
Xabier P. DoCampo: A dous que debaten sobre a lingua
Artigo 
de Xabier P. DoCampo no Xornal de Galicia:
“(…) O tempo non é de liortas nin de definicións teóricas nin de teoloxías sociolingüísiticas, senón de labrar e sementar. É tempo de esixir que se cumpra a LNL (ameazada seriamente polo partido do goberno) e o PXNLG (que no ánimo de derrubalo xa se escoitaran voces que certos argumentos actuais fan lembrar). É tempo de seguir o exemplo do profesorado que segue a dar as súas clases en galego por enriba de prohibicións e de comenencias persoais, e de tantos galegos e galegas que seguen a loitar pola nosa lingua.
Perdoádeme o uso do dedo indicador, pero estades ollando para o lado equivocado. Virémonos e poñamos os nosos ollos nos de enfronte: os negacionistas, os inimigos do galego, os que procuran a súa desaparición. A eles é aos que lles temos que facer saber que só nós somos bilingües, que eles menten cando falan de bilingüismo, de equilibrio, de harmonía, de cordialidade… Que se arrogan o dereito de facer desaparecer a capacidade de decisión dos seus fillos ao negarlles a aprendizaxe da lingua galega… Tanto ten se son podengos os galgos, son cans.
Deixemos os asuntos que temos que dirimir entre nós (que os temos, coma todos) para outros momentos e para outros foros e non metamos o común no debate partidario ou persoal.”
Fallados os premios do certame literario Terras de Chamoso
A 
Asociación Cultural Arumes do Corgo entregou este sábado 17 de decembro os premios aos gañadores do IV Certame Literario Terras do Chamoso nun acto celebrado no Centro Sociocultural do Corgo. Deixamos aquí un extracto da acta da reunión do xurado, que se pode consultar completa neste enlace:
“Sendo as 19:00 h do día 14 de decembro de 2010, na localidade do Corgo, reúnense os membros do xurado para fallaren os premios da IV edición do Certame Literario “Terras de Chamoso”, convocado pola Asociación Cultural Arumes do Corgo, do que forman parte: D. Xurxo Xosé Rodríguez Lozano, D. Xosé Manuel Castro Castedo, D. Xabier P. Docampo, D. Isidro Novo e Dna. Pilar García Negro, exercendo de secretario do xurado, sen voto, o secretario da A.C. Arumes, D. Mario Outeiro Iglesias.
Logo das deliberacións pertinentes e das votacións oportunas, os membros do xurado conclúen declarar premiados na IV edición do Certame Literario “Terras de Chamoso” como segue:
CATEGORÍA: INFANTIL
Modalidade: poesía
1º premio: Ana Celeiro Sal, de Espasande (Castroverde), pola obra O outono.
2º premio: María López Pérez, de Cela (O Corgo), pola obra Á beira do Neira.
1º accésit: Ángela Rincón Rodríguez, de Sarria, pola obra A lúa.
Modalidade: relato
1º premio: Judit Lourido Villa, de Nadela (Lugo), pola obra Lobezno e a lúa.
2º premio: Silvia López López, de Mirandela (Castroverde), pola obra Cousas da vida, xa sabes….
1º accésit: Andrea Varela Díaz, de Barredo (Castroverde), pola obra O trasno do Monte Patuco.”
2º accésit: Rubén Manuel Torrón Vázquez, de Manán San Cosme (O Corgo), pola obra A fábula de Wall Street.
CATEGORÍA: XUVENIL
Modalidade: poesía
1º premio: Elisabet Rey González, de Noia, pola obra O que eramos e agora xa non somos.
2º premio: Cristina Pernas Pereiro, de Paradela (O Corgo), pola obra O Corgo.
Modalidade: relato
1º premio: Sandra López López, da Veiga de Anzós (Láncara), pola obra Carta a unha amiga maltratada.
2º premio: Antía Tacón García, de Lugo, pola obra A viaxe de Karima.
CATEGORÍA: ADULTOS
Modalidade: poesía
1º premio: Xosé Otero Canto, de Lugo, pola obra Chuchas acaroadas das vagas.
2º premio: Natalia Alonso Ramos, de Vilaronte (Foz), pola obra A equilibrista e o circo.
Modalidade: relato
1º premio: Pedro Naveira Pedreira, da Coruña, pola obra Unha viaxe desacougante.
2º premio: Xosé Luís Vázquez Somoza, de Zolle (Guntín), pola obra Conta xusta.”
