Arquivos da etiqueta: Xavier Queipo

Vivir un soño repetido. Libro homenaxe da AELG a Lois Pereiro

Publicado o por

Con motivo do Día das Letras Galegas a Asociación de Escritoras e Escritores en Lingua Galega edita un libro electrónico coas colaboracións dos seus asociados e asociadas, Vivir un soño repetido. Os participantes son: Francisco Álvarez-Koki, Ana Arias Saavedra, Afonso Becerra de Becerreá, Concha Blanco, Lino Braxe, Ramón Caride, Arturo Casas, Francisco Castro, Marta Dacosta, Xoán Carlos Domínguez Alberte, Rosa Enríquez, Estíbaliz Espinosa, Alfredo Ferreiro, Salvador García-Bodaño, Álvaro Lago, María Xosé Lamas, Rafael Lema, Siro López, Lourdes Maceiras, Tati Mancebo, Verónica Martínez Delgado, Rosa Méndez Fonte, Carlos Negro, Lucía Novas, Toño Núñez, Olga Patiño, Claudio Pato, Ana María Pérez Cerviño, David Pobra, Xavier Queipo, Baldo Ramos, Mario Regueira, Cesáreo Sánchez, Xavier Seoane, Chelo Suárez, Alberte Suras, Xulio L. Valcárcel, Diana Varela Puñal, Xosé Vázquez Pintor e Helena Villar.

As colaboracións, inéditas e orixinais, responden a un duplo formato:
* Poemas inéditos inspirados en Lois Pereiro (incluíndo versións elaboradas)
* Obra gráfica (ilustración, fotografía, poesía experimental, etc.) inspirada en poemas de Lois Pereiro.

Da conxunción de todas as achegas nace este libro electrónico en formato epub de descarga gratuíta accesíbel no apartado de publicacións da web da AELG.

Para visualizar o libro no computador recomendamos o software gratuíto Calibre, que se pode descargar aquí.

Reseñado en Culturagalega.org e Fervenzas Literarias.

Barcelos (Portugal): tertulia sobre Letras da Galiza na Feira do Livro

Publicado o por

O luns 12 de xullo ás 21:30 h. (hora local), no marco da Feira do Livro de Barcelos (Avenida da Liberdade), desenvolverase unha tertulia sobre Letras da Galiza, onde participarán Francisco Castro, Marta Dacosta, Antía Otero, Xavier Queipo e Carlos Quiroga. O moderador será Vergílio Alberto Vieira.

Xavier Queipo: “Só viven ben os autores do réxime, sexan os do PP ou os do bipartito”

Publicado o por

Eu son un worst seller. Son un dos que menos vende na literatura galega. Cando os editores se fixan en min non é porque vexan un negocio, senón porque consideran que o meu traballo é de calidade. Nun libro que se chama Felices e diferentes calculei canto gaño coa escrita: sáeme cada hora a 0,25 euros. Así que esa mitoloxía só se lles pode aplicar aos escritores do réxime –o PP ten os seus e o bipartito tiña tamén os seus–, que viven ben porque están subvencionados, pero non ao resto. Eu teño que ter outro traballo fóra da escrita, e a inmensa maioría dos meus compañeiros, tamén. En calquera caso, quen así pense pode revisar as axudas que lles concederon aos meus libros ou ir buscar os títulos meus que a Xunta non quixo poñer nas bibliotecas por consideralos politicamente incorrectos.

Ler entrevista completa a Xavier Queipo no Xornal de Galicia.

Santiago: presentación dun libro de Xavier Queipo

Publicado o por
Presentación Illa dos cangrexos violinistas

O escritor galego Xavier Queipo (Santiago de Compostela, 1957) presentará o vindeiro martes, día 29 de decembro, na Libraría Couceiro de Santiago de Compostela o libro A illa dos cangrexos violinistas, álbum ilustrado por Jesús Cisneros e publicado por OQO editora. O acto comezará ás 20 horas.

Vigo: Xavier Queipo presenta o seu novo libro

Publicado o por
invit-felicesPicar sobre a imaxe para ampliala

O vindeiro martes 15 de setembro terá lugar en Vigo a presentación do libro Felices e diferentes de Xavier Queipo, nun acto que contará coa participación de Ana Romaní e Xosé Manuel Beiras. Será a partir das 20 horas na coctelería Uno está (Rúa Real, 14).

Bruxelas: presentación de libros de Xavier Alcalá e Xavier Queipo

Publicado o por

Mañá mércores 27 de maio no Instituto Cervantes de Bruxelas (Avenue de Tervueren 64) ás 18:30 terá lugar a presentación dos libros Al sur del mundo de Xavier Alcalá e Las aventuras del Capitán Duchesnoy de Xavier Queipo. O acto contará coa participación de José Manuel Silva, Director Xeral de Investigación da Comisión Europea, e María González Encinar, do departamento de Educación da Embaixada de España en Bélxica.

A Constitución Europea en verso

Publicado o por

Corenta poetas europeos, entre eles o galego Xavier Queipo, asumiron o esforzo de transformar a Constitución Europea nunha obra literaria. de todo o continente, entre eles un galego, embarcáronse no proxecto de transformar a Constitución Europea nunha obra literaria non exenta de ironía e espírito crítico. O proxecto preséntase mañá venres 27 en Bruxelas. Poden ler máis información neste enderezo.

Presentación en Bruxelas d’ Unha falsa luz, de Xavier Alcalá

Publicado o por

O 27 de novembro, às 18:30 horas na Livraria Orfeu de Bruxelas, terá lugar a presentación d’ Unha falsa luz, de Xavier Alcalá, o último romance da triloxía Evanxélica Memoria (Entre Fronteiras e Nas Catacumbas). Será presentada, en presenza do autor, por Xavier Queipo.

Poemas galegos en alemán

Publicado o por

«O director xeral de Creación e Difusión Cultural, Luís Bará vai presentar hoxe no stand da Consellaría de Cultura na Feira do Libro de Frankfurt a obra ‘20 Gedichte aus galicien / 20 poemas galegos’. O representante da Consellaría de Cultura foi acompañado polos poetas Xosé Mª Álvarez Cácamo, Xavier Queipo e María Reimondez, ademais do coordinador da edición, Dieter Kremer, nunha presentación á que asistiron máis de cincuenta persoas.
Esta escolma dos poemas publicados nos diferentes números da revista Galicien Magazin, da Asociación Galego-Alemá acolle os poemas de Rosalía de Castro, Manuel Antonio, María Mariño, Álvaro Cunqueiro, Xosé María Álvarez Blázquez, Luz Pozo, Manuel María, Uxío Novoneyra, Xosé Luís Méndez Ferrín, María Xosé Queizán, Xosé María Álvarez Cáccamo, Pilar Pallarés, Manuel Rivas, Xavier Queipo, Miguel Anxo Fernán Vello, Ana Romaní, Marga do Val, María Reimóndez, Yolanda Castaño e Mónica Góñez.» (Máis información na web da Consellaría de Cultura)