O 
venres 14 de xaneiro, ás 19:30 h, na sala de conferencias do Centro Social Novacaixagalicia (Rúa Policarpo Sanz, 24-26) de Vigo, terá lugar unha homenaxe a Francisco Fernández del Riego, organizada pola Fundación Penzol e a Editorial Galaxia. Participarán na homenaxe, para a que se están a recibir numerosas adhesións, Ramón Villares, Xosé Luís Méndez Ferrín, Manuel Bragado, os académicos Xosé Luís Franco Grande e Xesús Alonso Montero, a filóloga e investigadora Malores Villanueva, Marián Vidal, directora técnica da biblioteca e arquivo Penzol, Benxamín Casal e Alfonso Zulueta de Haz (vicepresidente da Fundación Penzol). Antón Pulido entregaralle á Fundación Penzol unha copia do retrato de don Paco que no seu día o pintor realizou para a Real Academia Galega. Tamén se proxectará un vídeo de carácter biográfico realizado por Félix Vidal, mentres que Rosa Aneiros, premio de xornalismo Fernández del Riego, escribiu Unha Alba de Gloria para Fernández del Riego. O acto estará conducido por Víctor Freixanes. Crónica posterior en Galicia Hoxe e La Voz de Galicia.
Arquivos da etiqueta: Xesús Alonso Montero
O Saviñao (Escairón): presentación do libro Circular polo Saviñao III
O 
xoves, 23 de decembro, a partir das 20:00 h., no Círculo Saviñao (Rúa Pardo Bazán, 17, O Saviñao, Escairón), preséntase o libro Circular polo Saviñao III, editado por esta entidade para conmemorar o seu 50 aniversario. Nel colaboran, entre outros, Xesús Alonso Montero, Xosé Lois García, Xabier Quiroga, Carlos Quiroga, Siro López e Yolanda Castaño.
Xesús Alonso Montero, “O fillo do Artilleiro”
Entrevista a Modesto Hermida en Galicia Hoxe.
Monforte: presentación de Cartas de republicanos galegos condenados a morte, de Xesús Alonso Montero
O 
xoves 9 de decembro, ás 20:00 h., na Galería Sargadelos (Praza de España, 2) de Monforte de Lemos, preséntase Cartas de republicanos galegos condenados a morte (1936-1948), de Xesús Alonso Montero, publicado en Xerais, e galardonado co Premio da Asociación de Escritores en Lingua Galega (ensaio) de 2010 e o Premio Ánxel Casal ao libro de non ficción no 2009. No acto participan, co autor, Rosa María López González e Manuel Bragado.
Vigo: conferencia de Xesús Alonso Montero sobre Bibliofilia na Galicia do século XX. A personalidade de Fermín Penzol
O 
xoves 28 de outubro, ás 20:00 h., no salón de actos da Casa Galega da Cultura (Praza da Princesa, s/n.) de Vigo, terá lugar unha conferencia co título: Bibliofilia na Galicia do século XX. A personalidade de Fermín Penzol, a cargo do profesor Xesús Alonso Montero.
Alonso Montero: “Luis Seoane era un galeguista españolista”
(Xornal)
Cangas: presentación de Cartas de republicanos galegos condenados a morte, de Xesús Alonso Montero e A rosa do viño, de Xavier Castro
Dentro das actividades da Feira do Libro de Cangas, o venres 23 de xullo ás 19:30 preséntase a segunda edición de Cartas de republicanos galegos condenados a morte (1936-1948), de Xesús Alonso M
ontero, publicado por Xerais. No acto participan Manuel Bragado e o propio autor.
No mesmo día, ás 20:30 h., Xavier Castro presentará A rosa do viño, publicado en Galaxia, acompañado por Víctor F. Freixanes e Estro Montaña.
Premios da AELG 2010
[blogaliza.org emitiu os premios ao vivo por qik.com]
ENSAIO, LITERATURA INFANTIL E XUVENIL, POESÍA, NARRATIVA, TRADUCIÓN, TEATRO, TRAXECTORIA XORNALÍSTICA E BLOG LITERARIO
Na celebración da Cea das Letras, un dos actos máis importantes na vida da Asociación de Escritores en Lingua Galega, foron entregados os premios á mellor obra publicada no 2009 nas modalidades de ensaio, literatura infantil e xuvenil, poesía, narrativa, tradución, teatro, traxectoria xornalística e blog literario, así como á institución que salientara na defensa e difusión da nosa cultura.
Os galardóns, concedidos por escritores/as para escritores/as, levan camiño de se afianzar como uns dos de máis prestixio no noso panorama literario.
Da conxunción de votos emitidos nunha primeira quenda polos asociados/as á AELG -coa participación dos socios/as de Gálix para elixir a mellor obra de Literatura Infantil e Xuvenil e dos membros do Colexio de Xornalistas para a modalidade de Traxectoria xornalística-, elaborouse unha listaxe de obras finalistas correspondentes a cada xénero dos mencionados, sobre a que os socios e socias emitiron de novo o seu voto nunha segunda quenda para elixir as obras gañadoras dos Premios AELG.
Unha vez computados os votos, os gañadores do Premio AELG ás mellores obras publicadas no 2009 son:
Ensaio: Xesús Alonso Montero, pola súa obra Cartas de republicanos galegos condenados a morte (1936-1948) (Xerais)
Literatura Infantil e Xuvenil: Agustín Fernández Paz, pola súa obra Luz do Senegal (Xerais)
Poesía: Luz Pozo, pola súa obra Deter o día cunha flor (Baía)
Narrativa: Xosé Cid Cabido, pola súa obra Unha historia que non vou contar (Xerais)
Tradución: Bartug Aykam e María Alonso Seisdedos, pola tradución da obra O museo da inocencia, de Orham Pamuk (Galaxia)
Teatro: Rubén Ruibal, pola súa obra Delimvois (Xerais/IGAEM)
Mellor traxectoria xornalística: Manuel Rivas
Blog Literario: Manuel Bragado, polo seu blog Brétemas
Institucións: Salón do Libro Infantil e Xuvenil de Pontevedra
Escritor Galego Universal: Juan Gelman
Xesús Alonso Montero: “Vexo difícil volver á RAG”
O escritor e académico galego Xesús Alonso Montero -será investido hoxe pola UNED como Doutor Honoris Causa por ser “digno representante do galego”. Máis información en Galicia Hoxe (entrevista), La Voz de Galicia, El País e La Opinión de A Coruña.
A Coruña: homenaxe a Xesús Alonso Montero
A Directiva da Agrupaçom O Facho acordou outorgar o premio O Facho de Ouro ao profesor Xesús Alonso Montero, “como testemunha e reconhecimento a sua longa trajectória na defesa da dignidade e da cultura do País”. O acto cívico estará acompañado dunha cea homenaxe que se celebrará o sábado día 30 de xaneiro ás 21 horas no Hotel Riazor da Coruña. O prezo por persoa é de 30 €. Para reservar lugar, chamar ao teléfono 981 269 663 (tardes) ou enviar un correo electrónico.
