Arquivo da categoría: Actividades AELG

Paseos pola Coruña literaria – Outono 2016

Publicado o por

Osbannerpaseosoutono2016acorunha Paseos pola Coruña literaria – Outono 2016 son unha iniciativa da AELG desenvolvida coa colaboración e patrocinio do Concello da Coruña.

HORARIO:
– Sábado 24 de setembro (12:00-13:30 h.)
– Sábado 15 de outubro (12:00-13:30 h.)
– Sábado 29 de outubro (12:00-13:30 h.)
– Sábado 12 de novembro (12:00-13:30 h.)

DURACIÓN:
Unha hora e media.

INSCRICIÓN (PREVIA E OBRIGATORIA)
ONDE:
Na conserxaría do Centro Ágora (Lugar da Gramela 17. 15010 A Coruña) ou chamando ao 981 189 888 (a partir das 9:00 h, en calquera dos casos), nas seguintes datas:
– Paseo do sábado 24 de setembro con Xosé Duncan: inscrición desde o venres 9 de setembro.
– Paseo do sábado 15 de outubro con Lucía Aldao: inscrición desde o luns 3 de outubro.
– Paseo do sábado 29 de outubro con Eli Ríos: inscrición desde o luns 17 de outubro.
– Paseo do sábado 12 de novembro con Xulio López Valcárcel: inscrición desde o mércores 2 de novembro.

PREZO:
De balde, con inscrición previa.

REQUISITOS:
Inscrición previa (55 prazas, en cada paseo). Maiores de 16 anos.

PASEOS POLA CORUÑA LITERARIA 2016

Hai moitas formas diferentes de pasear a cidade. Nesta ocasión, seguirémolo facendo a través de paseos pola Coruña da man das propias autoras e autores que escribiron obras ambientadas na nosa cidade: Xosé Duncan, Lucía Aldao, Eli Ríos e Xulio López Valcárcel.

O sábado 24 de setembro retomamos estes paseos que xa comezamos en 2014 e que tanta demanda tiveron entre a cidadanía.

Os 4 seguintes paseos que imos realizar son:

– Sábado 24 de setembro (12.00-13.30 h): paseo con Xosé Duncan.

– Sábado 15 de outubro (12.00-13.30 h): paseo con Lucía Aldao.

– Sábado 29 de outubro (12.00-13.30 h): paseo con Eli Ríos.

– Sábado 12 de novembro (12.00-13.30 h): paseo con Xulio López Valcárcel.

24 de setembro: Xosé Duncan.
Unha viaxe desde A Coruña de hoxe até a Negruña do século XXIV
A historia de Negruña non é máis que a da idade adulta da Coruña. Perdida a inocencia do século XX e castigada polas decepcións do XXI, a cidade aprendeu a marcar os seus propios ritmos, a ditar as súas propias normas. Durante a nosa andaina, asistiremos á convocatoria de emprego no Arquivo do Reino de Galicia, presenciaremos como os mariñeiros enfermos son recluídos no Castelo de Santo Antón e formaremos parte da reunión clandestina dos Fillos do Gas no Campo dos Menhires, da xestación desa revolta coa que os desposuídos queren castigar esa cidade que renegou deles.

15 outubro: Lucía Aldao
1º de Poeta
Eu son Lucía. Unha rapaza dos Mallos. Coma quen di, “una pava cualquiera”. E ademais, poeta. Porque nos Mallos me criei, e aínda hai quen me tose, a pesar do que me aconteceu por causa miña.

29 outubro: Eli Ríos
Viaxe exprés das orixes á actualidade
Neste camiño mergullarémonos no berce da cidade e da literatura a través da literatura oral. As lendas, contos, textos… que forman o imaxinario das palabras.

12 novembro: Xulio L. Valcárcel
No ecoar dos pasos
“No ecoar dos pasos” será unha volta, unha recuperación da memoria doutro tempo a través da vida e da obra de autores/as que moraron nese espazo da Cidade Vella: Emilia Pardo Bazán, Manuel Murguía, Rosalía de Castro, Francisca Herrera, Miguel González Garcés…

paseos outono 2016 a corunha

A Escritora na súa Terra: Helena Villar Janeiro. Rianxo, 2016. Crónica videográfica (I)

Publicado o por

O sábado 25 de xuño tivo lugar unha nova edición de O/A Escritor/a na súa Terra, dedicada neste 2016 a Helena Villar Janeiro, en Rianxo.

Aquí pode verse a crónica videográfica completa do acto, da que destacamos hoxe as seguintes intervencións:

– Intervención de Cesáreo Sánchez, presidente da AELG:

– Descubrimento do Monólito conmemorativo:

– Intervención de Helena Villar Janeiro:

Crónica videográfica da Xornada de Literatura e Cinema: Unha literatura en imaxes (e V)

Publicado o por

ObannerXLC2015 sábado 28 de novembro tivo lugar a Xornada de Literatura e Cinema: Unha literatura en imaxes, actividade da AELG co patrocinio da Concellaría de Cultura do Concello da Coruña, no Centro Ágora da Coruña.

Aquí pode verse a crónica videográfica completa do acto, da que destacamos hoxe as seguintes intervencións:

– Presentación da conferencia “Ao redor do Proxecto Nimbos”, por Mercedes Queixas.

– Ao redor do Proxecto Nimbos (conferencia) 1/3, por Martin Pawley.

– Ao redor do Proxecto Nimbos (conferencia) 2/3, por Martin Pawley.

– Ao redor do Proxecto Nimbos (conferencia) 3/3, por Martin Pawley.

– Ao redor do Proxecto Nimbos (conferencia-coloquio), con Martin Pawley.

Crónica videográfica da Xornada de Literatura e Cinema: Unha literatura en imaxes (IV)

Publicado o por

ObannerXLC2015 sábado 28 de novembro tivo lugar a Xornada de Literatura e Cinema: Unha literatura en imaxes, actividade da AELG co patrocinio da Concellaría de Cultura do Concello da Coruña, no Centro Ágora da Coruña.

Aquí pode verse a crónica videográfica completa do acto, da que destacamos hoxe as seguintes intervencións:

– Presentación do obradoiro “De palabra a píxel. Introdución á videopoesía”. Con Mercedes Queixas:

– De palabra a píxel. Introdución á videopoesía (obradoiro) 1/2, por Celia Parra Díaz.

– De palabra a píxel. Introdución á videopoesía (obradoiro) 2/2, por Celia Parra Díaz.

– De palabra a píxel. Introdución á videopoesía (obradoiro-coloquio) 1/2, con Celia Parra Díaz.

– De palabra a píxel. Introdución á videopoesía (obradoiro-coloquio) 2/2, con Celia Parra Díaz.

Crónica videográfica da Xornada de Literatura e Cinema: Unha literatura en imaxes (III)

Publicado o por

ObannerXLC2015 sábado 28 de novembro tivo lugar a Xornada de Literatura e Cinema: Unha literatura en imaxes, actividade da AELG co patrocinio da Concellaría de Cultura do Concello da Coruña, no Centro Ágora da Coruña.

Aquí pode verse a crónica videográfica completa do acto, da que destacamos hoxe as seguintes intervencións:

– Presentación do obradoiro Poesía e Vídeo con/sen cámara. A experiencia da intención, con Mercedes Queixas:

– Poesía e Vídeo con/sen cámara. A experiencia da intención (obradoiro) 1/2, con Antía Otero:

– Poesía e Vídeo con/sen cámara. A experiencia da intención (obradoiro) 2/2, con Antía Otero:

Crónica videográfica da Xornada de Literatura e Cinema: Unha literatura en imaxes (II)

Publicado o por

ObannerXLC2015 sábado 28 de novembro tivo lugar a Xornada de Literatura e Cinema: Unha literatura en imaxes, actividade da AELG co patrocinio da Concellaría de Cultura do Concello da Coruña, no Centro Ágora da Coruña.

Aquí pode verse a crónica videográfica completa do acto, da que destacamos hoxe as seguintes intervencións:

– Presentación da mesa redonda A cicatriz branca. O corpo da fala, por Mercedes Queixas:

– A cicatriz branca. O corpo da fala (mesa redonda) 1/2. Eva Veiga le o texto de Margarita Ledo:

– A cicatriz branca. O corpo da fala (mesa redonda) 2/2. Intervención de Eva Veiga:

Crónica videográfica da Xornada de Literatura e Cinema: Unha literatura en imaxes (I)

Publicado o por

ObannerXLC2015 sábado 28 de novembro tivo lugar a Xornada de Literatura e Cinema: Unha literatura en imaxes, actividade da AELG co patrocinio da Concellaría de Cultura do Concello da Coruña, no Centro Ágora da Coruña.

Aquí pode verse a crónica videográfica completa do acto, da que destacamos hoxe as seguintes intervencións:

– Presentación da Xornada a cargo do presidente da AELG, Cesáreo Sánchez:

– Literamas, a literatura galega no cinema (conferencia) 1/3, por Manolo González:

– Literamas, a literatura galega no cinema (conferencia) 2/3, por Manolo González:

– Literamas, a literatura galega no cinema (conferencia) 3/3, por Manolo González:

Balance de actividades da AELG no primeiro semestre e programación para a segunda metade de 2016

Publicado o por

CoaAELG Logo 3-2015 celebración da homenaxe “A Escritora na súa Terra – Letra E”, que nos levou a Rianxo o pasado sábado 25 de xuño da man de Helena Villar Janeiro (pode consultar aquí os textos das intervencións e unha crónica fotográfica), rematamos un semestre de actividades que pasamos a resumir, dando conta tamén do programa de traballo previsto para a segunda metade do ano.

A actividade pública comezou o 24 de febreiro coa celebración do Día de Rosalía de Castro, que a AELG vén promovendo desde 2010; nesta sétima edición as propostas da AELG para o ensino contaron coa participación de máis de 120 centros de todo o país. Ademais, seguiuse instando aos plenos municipais a sumarse a unha moción (aprobada xa en 49 concellos e nas Deputacións da Coruña e Lugo) que instaure esta data de celebración co compromiso de organizaren actos de recoñecemento da autora. Dada a ampla repercusión do Día de Rosalía, xa podemos considerar que se conseguiu que esta iniciativa da AELG fose apropiada pola sociedade.

A Escola de Escritoræs da AELG arrincou o ano o 27 de febreiro no Concello de Pontevedra co obradoiro “O poema é un animal escondido” a cargo de Carlos Negro e Baldo Ramos. Durante o segundo semestre terán lugar outros tres.

O 28 de febreiro recordamos na Coruña a Lois Pereiro, no mes no que naceu e cando se fan 20 anos do seu pasamento, coa colaboración na organización de “O fillo da furia. 20 voces por Lois”.

A Sección de Literatura de Tradición Oral comezou a súa actividade o 21 de febreiro, coa gravación en Dombate da informante de Literatura de Tradición Oral Dolores Macías Pose que, canda Mini e Mero, foi nomeada Mestra da Memoria o día 19 de marzo na Gala dos Premios Mestras e Mestres da Memoria, celebrada en Lugo. A seguir, o 2 de abril, organizou en Mondoñedo a Polafía “Manuela Rey, memoria dun mito”. Está prevista para o 1 de outubro a celebración doutra no concello de Muíños (Ourense).

En abril comezou a temporada de paseos literarios nas cidades da Coruña e Vigo, que terán continuidade ao longo do ano.

Tamén en abril a AELG estivo presente con actividade propia na Feira Internacional do Libro de Bos Aires. Nesta viaxe, Cesáreo Sánchez, como presidente da AELG, fixo dúas ofrendas florais a Rosalía de Castro e Castelao.

A AELG coordinou a organización da I Gala do Libro Galego, que convocou canda a Federación de Librarías de Galicia a e Asociación Galega de Editoras para o 14 de maio en Santiago de Compostela. Nesta Gala foi nomeado Escritor Galego Universal o autor catalán Pere Gimferrer.

A AELG colaborou co Centro de Estudos Galegos de Lisboa no Ciclo (Des)Encontros Galego-Portugueses e co CSIC no VI Concurso de relatos de inspiración científica Inspiraciencia.

Web da AELG

Contamos cunha nova sección da web, o Arquivo fotobiográfico d@s Escritoræs, que recompila e cataloga fotografías actuais e históricas que, baixo distintos tipos de licenzas, permite á sociedade consultar e colaborar na conservación do patrimonio fotográfico do noso sistema literario: calquera persoa poderá subir aquelas fotos do seu arquivo persoal que teñan que ver con actos literarios ou poidan axudar a completar as fotobiografías literarias das escritoras e escritores.

Ademais, estase traballando para que todos os contidos xa existentes na web poidan ser partillados nas redes sociais directamente desde a web, para así lles dar maior difusión.

Por outra banda, neste 2016 superáronse os 24.000.000 de visitas na páxina web.

Redes sociais da AELG

Hai anos que a AELG é moi activa no Facebook. Desde o mes de abril tamén o é no Twitter: considerouse que esta rede social é de utilidade non só para difundir as actividades da AELG, tamén os contidos da súa web, poñéndoos en relación coa actualidade do sistema literario. Os datos confirman que a iniciativa é rendíbel, pois cada mes sobe en 60 o número de seguidoras/es e a visualización media mensual dos chíos pasou de 3.000 a 100.000.

***

Alén das xa indicadas, estas son as demais actividades previstas para o segundo semestre:

A recentemente creada Sección de Dramaturxia da AELG botará a andar a súa actividade pública na Coruña coa celebración da primeira edición dunha xornada sobre a situación do xénero.

Crónica da homenaxe “A Escritora na súa Terra – Letra E” a Helena Villar Janeiro

Publicado o por

CRÓNICA

Mirarei este mar
cos ollos que hoxe inscribo nesta pedra.
Navegarei solpores en Rianxo
sen antes ter eu sido mariñeira.

Helena Villar Janeiro

Escribir, tirar do fío para dispoñelo en urdas, para pasar a trama, para facer a tea: tecer. Tecer a vida cara adiante como as hedras da clepsidra poboan o tempo que flúe. Tecer a vida cara atrás como quen remonta o río e volve a onde só a palabra recupera os instantes. Recoller palabras de noso, tal abelorios, e nomear o mundo igual que se bordara as formas dos soños que fabula. Tiña que ser así porque Helena medrou entre fíos na xastrería familiar, primeiro ensino, primeiro ateneo, onde se recitaban os clásicos, se interpretaba bel canto e desfilaban historias e personaxes, segundo ela mesma refire. 

A Asemblea de Socias/os da AELG aprobou por unanimidade outorgar a Letra E de 2016 a Helena Villar Janeiro, quen xa é Socia de Honra da AELG. Entregouselle en Rianxo o 25 de xuño, na que foi a vixésimo segunda edición desta homenaxe.

A Homenaxe O/A Escritor/a na súa Terra, impulsada pola Asociación de Escritoras e Escritores en Lingua Galega (AELG), chegou en 2016 á súa XXII edición recaendo na figura de Helena Villar Janeiro, que foi homenaxeada no Concello de Rianxo, a terra que ela elixiu para vivir os solpores da ría de Arousa.

Esta iniciativa anual conforma xa unha tradición na traxectoria da Asociación, e tense constituído ao longo de dúas décadas como unha celebración na que a terra de orixe ou adopción do homenaxeado/a cobra un protagonismo fundamental. É vontade da AELG honrar escritores/as  procurando o contacto directo co autor/a e a súa implicación persoal na xornada de homenaxe. Unha celebración múltiple e popular na que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Caxigueiro), a plantación dunha árbore simbólica (un loureiro elixido pola propia autora) e a colocación dun monólito conmemorativo.

Vexa aquí a crónica fotográfica completa da homenaxe (da autoría de Eduardo Castro Bal – A. C. Alexandre Bóveda – Ollo de vidro)

PROGRAMA

Paseo Marítimo no Peirao de Sete Fogas

Descubrimento do Monólito conmemorativo e plantación do loureiro (árbore simbólica da escritora)

Acto de entrega da “Letra E” (Escola da I República – Cuartel vello)

Entrega da peza escultórica do artista Caxigueiro

Intervención da homenaxeada: Resposta á laudatio por parte de Helena Villar Janeiro.

14:00 h. Xantar no Pazo de Rianxiño

Xantar de confraternidade.