Arquivo da categoría: Historia

A Coruña: Homenaxe e enterro do pintor Francisco Miguel

Publicado o por

“O 29 de setembro, a Asociación para a Recuperación da Memoria Histórica (ARMH), a Agrupación Cultural Alexandre Bóveda (ACAB), o grupo de investigación sobre Francisco Miguel e Syra Alonso e outras entidades da cidade, coa colaboración do Concello e a Deputación da Coruña, convocan a cidadanía á homenaxe ao artista Francisco Miguel, asasinado polas forzas golpistas en 1936.
Durante o acto, os seus restos, exhumados pola ARMH en 2023, serán entregados á súa familia chegada desde México.
Convídase a toda a cidadanía a participar na segunda parte do acto.
Punto de encontro: Na confluencia da rúa Orillamar coa rúa Rafael Baixeras.
Hora de encontro: 12:20 h.
Descrición: Nese punto agardarase a chegada do ataúde para iniciar un cortexo cívico a pé, acompañando os restos do artista ata o cemiterio de Santo Amaro.
Enterro: O soterramento terá lugar no cemiterio de Santo Amaro ás 12:30 h.
A participación neste acto de xustiza e reparación está aberta a toda a cidadanía.”

Miguel Anxo Fernán Vello: “Syra Alonso e Francisco Miguel tiñan gran capacidade para empatizar e explorar formas artísticas”

Publicado o por

Entrevista de Pilar G. Rego a Miguel Anxo Fernán-Vello no Zig-zag da Televisión de Galicia:
“‘O vello agoniza e o novo canta tarda en chegar!’. Con esta frase ábrese Diarios, o libro que recolle os textos de Syra Alonso unha das máis importantes cronistas da represión franquista en Galicia.
Neste primeiro programa da temporada de Zigzag falaremos da figura de Syra Alonso e do seu marido, o pintor Francisco Miguel, que este mes son os homenaxeados en Coruña. Para falarnos deles convidamos a Miguel Anxo Fernán Vello, especialista na figura deste dous artistas esquecidos. A entrevista pode verse aquí.”

Ponte Vedra: IV Jornada de Estudo Clara Corbelhe, o 4 de outubro: “Culturas políticas no contexto galego: mudanças, limites, contradições”

Publicado o por

“As culturas políticas não apenas refletem a realidade política, mas também a constituem e limitam as transformações possíveis dentro dela. Ao moldarem os horizontes de possibilidade e estruturarem os valores, crenças e percepções coletivas sobre o que é considerado legítimo, desejável ou sequer pensável, as culturas políticas também condicionam as práticas políticas, podendo chegar a reproduzir determinadas estruturas de poder.
A IV Jornada de Estudo Clara Corbelhe estará dedicada ao conceito de «culturas políticas» em relação a diversos movimentos emancipatórios na Galiza, com especial atenção aos seus limites e contradições. Entre os objetivos do encontro está o de fomentar um debate crítico e interdisciplinar sobre vários eixos centrais, profundamente interligados. Entre estes, destacamos as culturas de politização entre as pessoas jovens na Galiza dos oitenta e noventa até hoje; as estratégias para manter vivas as culturas de confronto contra as múltiplas formas de violência capitalista e assimilação cultural; o arquivo e transformações relacionados com os cenários e práticas de politização; e as mudanças nas culturas políticas no entorno rural. Ao explorar essas dimensões de forma integrada (embora intuitiva ou experiencial neste primeiro encontro), a IV Jornada de Estudo Clara Corbelhe visa contribuir para uma compreensão mais profunda das dinâmicas políticas galegas contemporâneas e das possibilidades — e tensões — que se abrem no campo da emancipação social e nacional.

PROGRAMA

10:00 Boas-vindas: “Culturas políticas galegas: transmissão, valores e saber-fazer”
Relator: Antom Santos
10:30-12:00 Conferência inaugural: “Culturas políticas e minorias nacionalistas galegas do final do século XX: Uma aproximação historiográfica”
Relator: Mario San Martín Alonso
12:00-12:30 Café
12:30-14:00 Sessão 1: “Esperança movimentista, Nova Política e culturas de combate: experiências galegas no primeiro quarto do século XXI”
Relatoras: David Rodríguez, Maria Osório (intervenção escrita em colaboração com Maria Frá Bagaria e Charo Lopes)
Moderadora: Élia Lago
14:00-15:00 Jantar
16:00-17:30 Sessão 2: “Cenários e práticas de politização: festivais, música, desporto”
Relatores: Xián Naia, Xavier Sánchez Pazos
Moderadora: Carolina Cunqueiro
17:30-18:00 Café
18:00-19:30 Leitura guiada de “El problema agrário de Galicia: otro proceso de cambio por derribo” (1981) de José Antonio Durán
Relator: Bruno Esperante”

Toda a informação aqui.”

Iria Morgade Valcárcel, historiadora: “O activismo pola memoria cuestiona o sistema político, que non foi de ruptura”

Publicado o por

Entrevista de Xacobe Ferreiro a Iria Morgade Valcárcel en Nós Diario:
“(…) – Nós Diario: Como foi o proceso de recuperación de memoria democrática após a morte de Franco e que a actividades se desenvolveron nese sentido?
– Iria Morgade: A investigación amosa, en contra do relato dominante, que afirma que tras a morte de Franco se desenvolveu un consenso sobre o esquecemento ou do discurso sobre o pacto de silencio, que si existiu memoria. En definitiva, ambas as lecturas da transición negaron a existencia da memoria traumática no espazo público, tras a morte do ditador. O traballo certifica que nos primeiros 10 anos posteriores á morte de Franco desenvolvéronse accións memorialísticas. Neste sentido, a investigación arroxou o coñecemento dun rico ecosistema de accións da memoria cun rexistro de máis de 300 iniciativas, o que constata a existencia dun desexo de recordo nun tempo definido como o do esquecemento e do silencio. O que negou o relato do esquecemento foi a existencia de memoria. Parecía que non había nada, pero isto non era así. Os que fixeron memoria actuaron nunhas circunstancias moi complicadas, porque estaban cuestionando o relato dominante e porque a memoria cuestiona un sistema político que non foi de ruptura.
A represión contra o movemento da memoria foi moi dura neses anos, chegando a prohibirse a homenaxe a Bóveda en 1976. (…)”