Arquivo da categoría: Música
Ferrol: acto poético-musical polo 39º aniversario do 25 de abril
No acto intervirán o músico Manolo Bacallao, os poetas Xosé Leira, Lorena Calaza e Fernando Ocampo. Enrique Barrera fará unha pequena escolma da Revolución dos cravos. Tamén se proxectará o documental Proxecto Zeca, de Pablo Portero (2012), dedicado á figura do poeta e músico Zeca Afonso.
Madrid: coloquio-recital de Vicente Araguas e Luz Pichel, o xoves 25, e aniversario da revista Madrygal, o venres 26 de abril
Convocatoria Un milladoiro para Corcoesto, dentro da III edición de Enarborar o Bosque
O
sábado 1 de xuño terá lugar a III edición de Enarborar o Bosque en Corcoesto, Cabana de Bergantiños, con recitais poéticos, pintura ao vivo, música, maxia… unha verdadeira romería artístico-reivindicativa ao aire libre. Os organizadores, Delio Sánchez, de Factoría DELIdeas, e os compoñentes do colectivo arTeu, Xacobe Meléndrez e Inma Doval, convocan explicitamente a levar versos escritos sobre croios, ou mesmo pequenas pedras intervidas, coas que se montará unha instalación adicada á protección de Corcoesto e o seu entorno natural frente ao proxecto de explotación mineira de ouro a ceo aberto. Tamén se pode enviar a pedra ao Apartado 223, C. P. 15660, de Cambre – A Coruña antes do 28 de maio.
Máis información aquí, ou tamén no evento creado en facebook.
Ferrol: actos destacados da VI Semana de Poesía Salvaxe
En Ferrol terá lugar a VI edición da Semana de Poesía Salvaxe. Do programa, que se pode descargar completo aquí, destacamos a participación de:
– Mércores 24 de abril, ás 23:30 horas, no Pub Cazadores (Rúa Magdalena, 114). Recital poético coa presenza, entre outros, de Séchu Sende.
– Xoves 25 de abril, ás 12:30 horas, no Mercado da Magdalena. Recital poético coa presenza, entre outros, de María Lado e Lucía Aldao.
– Venres 26 de abril:
– 12:30 horas. Mercado de Recimil. Coa presenza de Estevo Creus.
– 18:30 horas. Praza de Armas. Con Xiana Arias e Olalla Cociña.
– 23:00 horas. Pub Carteles (Rúa Sol, 139). Con Xiana Arias e Olalla Cociña.
– Sábado 27 de abril:
– 13:30 h. Pub Cazadores. Recital con Ramiro Vidal, entre outros.
– 18:30 h. Ateneo. Recital con Olalla Cociña, Xiana Arias e Ramiro Vidal, entre outros.
– 21:00 h. Cafelito de Gloria (Rúa Sol, 199). Con Ramón Blanco e Pablo Sax.
– 23:30 h. Festa final no Pub Carteles. Todos e todas.
Compostela: festa do 25 de abril con Luandino Vieira
A 
cuarta feira 24 de abril, ás 19:30 horas, na Ciranda (Rúa Travesa, 7, baixo) de Santiago de Compostela, terá lugar unha festa do 25 de abril, que contará coa presenza do escritor angolano Luandino Vieira, quen presentará a editora Nossomos, especializada em literatura angolana (nomeadamente poesía) mais tamén de outros países africanos. Aliás, haberá a actuación musical da Banda Hospitaleira do Minho (Uxía, Víctor Coyote e Rómulo Sanjurjo).
Vigo: presentación de Cantares gallegos, de Rosalía de Castro, en edición de Anxo Angueira
O
martes 23 de abril (Día do Libro), ás 19:30 horas, no Auditorio Municipal do Concello de Vigo (Praza do Rei, s/n), preséntase o libro Cantares gallegos, de Rosalía de Castro, en edición de Anxo Angueira, publicado en Xerais. No acto participan Abel Caballero, Isaura Abelairas, Anxo Angueira e Manuel Bragado. Alba M. Rodríguez Díaz cantará dous temas rosalianos e a poeta Luciana recitará varios poemas.
A Coruña: De nome Rosalía, recital poético e musical do Grupo Ouriol
O 
martes 23 de abril, ás 20:30 horas, na Biblioteca Pública Miguel González Garcés da Coruña, terá lugar De nome Rosalía, unha homenaxe en forma de recital monográfico dedicado á súa poesía no 150 aniversario da publicación de Cantares Galegos, a cargo do Grupo Ouriol (Fito Ares, Bernardo Martínez e Eva Veiga).
Santiago: XIII Campaña Municipal de Animación á Lectura
Pontevedra: Festival PontePoética, actividades do venres 19 de abril
O venres 19 de abril comeza unha nova edición do Festival de Poesía PontePoética, promovido polo Concello de Pontevedra, coa colaboración do Ateneo de Pontevedra, baixo a dirección de Yolanda Castaño. Este é o programa:
– Pola mañá. Encontro poético con alumnado do IES A Xunqueira I, IES Sánchez Cantón e IES Valle-Inclán.
– 18:30 h. Teatro Principal de Pontevedra (rúa de Paio Gómez Chariño s/n).
Inauguración de PontePoética 3 e recital dos poetas: Claudio Rodríguez Fer, Marta Dacosta e Roger Wolfe. Presenta: Xaime Toxo.
– 20:00 h. Teatro Principal de Pontevedra.
Recital dos poetas: Raquel Lanseros, Lino Braxe e Rosa Alice Branco. Presenta: Goretti Canario.
– 22:30 h. Pub Pequeño Karma (rúa de Paio Gómez Chariño, 29, baixo).
Performance poético-musical: A marcha da sombra. Poesía en vivo con voz, corpo e alma, con Claudio Pozzani.
