Arquivo da categoría: Obradoiros
A Estrada: obradoiro de introdución á escrita creativa e Clubs de lectura “Lendo cos 5 sentidos”
Na 
Casa das Letras de A Estrada, desde o 18 de marzo ata o 17 de xuño (os sábados, de 17:00 a 19:00 horas), está tendo lugar un curso de escritura creativa, impartido por Manuel Portas (narrativa) e Neves Soutelo (creación poética).
Por iniciativa do colectivo A estrada das letras e co amparo do Concello da Estrada, o obradoiro Tecer versos e grilandas está orientado a público adulto e prográmase en 12 sesións (6 de creación poética, 6 de narrativa), de 2 horas de duración cada unha, nas que se traballará de forma amena e dinámica con diferentes chaves e ferramentas da creación literaria, coa axuda de exemplos e materiais propostos e contando sempre coa supervisión, indicacións e consellos dos responsables da actividade, escritores de recoñecida traxectoria no eido literario galego.
O obxectivo central desta actividade é achegar sen prexuízos a cada participante á súa propia voz literaria, mellorar a capacidade comunicativa dos participantes e estimular a súa creatividade e imaxinación a través da palabra escrita.
Para calquera consulta, as persoas interesadas poden escribir ao correo versosegrilandas@gmail.com.
Igualmente, e por segundo ano consecutivo, proseguen a súa actividade os CLUBS DE LECTURA “Lendo cos 5 Sentidos”, que este ano contan cos grupos de Primeiros Lectores, Infantil, Xuvenil e Adulto. O contacto, para máis información sobre os clubs, pode facerse a través do email lendo.aestrada@gmail.com.
Pontevedra: remata o Salón do Libro 2017
O
domingo 2 de abril finaliza o Salón do Libro de Pontevedra 2017, que se celebra no Pazo da Cultura, cos seguintes horarios: de luns a venres, de 17:00 a 20:00 h., e sábados, domingos e festivos, de 11:00 a 14:00 e de 17:00 a 20:00 h.
O propio domingo 2 terán lugar os seguintes actos destacados dentro do seu programa:
– 11:30 h. e 17:30 h. Obradoiro: Na procura da cidade imaxinaria, con Anxo Fariña. A cidade imaxinaria non é doada de atopar. Precísase moita imaxinación, ganas de pasalo ben, e capacidade de ver outras “realidades ocultas”. Nesta actividade primeiro crearemos uns lentes especiais que nos permitan atopar as pistas ocultas por todo o Salón. E grazas a esta procura, poderemos crear o micro-conto “A cidade imaxinaria” que poderemos levar para casa con nós. Unha actividade que é un xogo, unha carreira, unha procura, e un conto. Atréveste a participar coa túa familia? A partir de 6 anos. Prazas limitadas (grupos de 10 familias). Inscrición previa. A inscrición é presencial. Achégate para apuntarte ás actividades que requiran inscrición previa no horario de apertura do Salón.
Ata esgotar as prazas.
– 12:00 h. e 18:30 h. Conto musicado: As portas de Escaquis. Lucía Aldao, María Lado e o Seminario Permanente de Jazz. Seguro que algunha vez desexáchedes que as cousas fosen diferentes. Non sei…que o verán non rematase! Que pasaría se puidésedes abrir unha porta e ver un mundo onde o verán nunca remata? Escaquis é unha estraña nena que ten a habilidade de abrir portas onde non as hai, pero… que pasa detrás desas portas? Vós, querido público, tedes o poder de escoller o que ocorre neste conto! Unha aventura polos mundos posibles baseada na novela Escaquis e Romeu de Antonio Manuel Fraga. Recinto Feiral. Público familiar.
– 12:30 h. Presentación da lista de honra IBBY Galix e Encontro con Ledicia Costas e Ramón Nicolás. A escritora Fina Casalderrey fará a lectura da mensaxe do Día Internacional do Libro Infantil 2017, que este ano preparou a sección IBBY-Rusia “Medremos co libro” do escritor Sergei Makhotin. Público familiar. Entrada libre ata completar cabida.
“Obradoiros e prácticas da escritura”
Desde
o Diario Cultural da Radio Galega:
“Entrevistas a Manuel Forcadela, Carlos Negro e Antía Otero, entre outros/as escritores/as sobre Obradoiros e prácticas da escritura. Pode accederse á entrevista aquí.”
Santiago: Romaría Formativa de Compostela Literaria, obradoiro sobre redes sociais e comunicación online
Para a inscrición é preciso depositar unha fianza de 10€ antes do 5 de abril, na sede social de Compostela Literaria (rúa Gómez Ulla nº 4, baixo, Santiago de Compostela).
É posible preinscribirse no email compostelaliteraria@gmail.com, mais a matrícula non será formal até a formalización mediante a fianza.
Santiago: Romaría Formativa de Compostela Literaria, obradoiro sobre Dereitos de Autor@ e contratos editoriais
Para a inscrición é preciso depositar unha fianza de 10€ antes do 22 de marzo, na sede social de Compostela Literaria (rúa Gómez Ulla nº 4, baixo, Santiago de Compostela).
É posible preinscribirse no email compostelaliteraria@gmail.com, mais a matrícula non será formal até a formalización mediante a fianza.
Monterroso: II Feira do Disco e do Libro Galego
Toda a información aquí.
Escola de Escritoræs. Obradoiro de creación literaria, con Elena Gallego Abad: Pontevedra Ficción
A
Escola de Escritoræs. Obradoiro de creación literaria, con Elena Gallego Abad: Pontevedra Ficción é unha iniciativa da Escola de Escritoras-es da AELG co patrocinio e colaboración da Deputación Provincial de Pontevedra.
Pontevedra Ficción estará a cargo da escritora Elena Gallego Abad e contará cunha lección maxistral a cargo de José Benito García Iglesias.
“Dragóns fantásticos, horribles crimes, apaixonados romances… Todo é posible en Pontevedra. As rúas da cidade, os seus edificios emblemáticos e os seus recunchos esquecidos poden converterse en territorio de novela, permitindo que a creación literaria as transforme ata os límites do maxín.
Neste obradoiro, Elena Gallego Abad conducirá as persoas participantes polos labirintos da escritura creativa e poderán materializar o soño de convertérense en escritoras ou escritores ambientando os seus propios relatos en escenarios, reais ou imaxinarios, da cidade. A creadora da saga literaria Dragal e a novela Sete Caveiras compartirá algúns dos segredos da súa adictiva narrativa, converténdose en cómplice e guiando os trazos desta aventura.
O reto? Coñecer as claves básicas da creación literaria e descubrir as súas potencialidades, materializando un proxecto propio ao remate do obradoiro.”
Información:
– Doce sesións de 2 horas (de 17:00 a 19:00).
– 20 e 22 e 23 de febreiro; 6, 8, 16, 20, 22, 27 e 29 de marzo; 3 e 5 de abril.
– 20 prazas, gratuítas, para persoas maiores de 16 anos.
– Inscrición:
Desde ás 09:00 do día 30 de xaneiro en oficina@aelg.org ou no teléfono 981 133 233
As prazas asignaranse por estrita orde de solicitude.
O obradoiro desenvolverase na Sede do Arquivo Provincial da Deputación de Pontevedra (Rúa Padre Amoedo, 1 – Pontevedra)
Todas as sesións pretenden desenvolverse cunha estrutura dinámica e amena. A primeira xornada, de presentación, servirá para fixar os obxectivos persoais de todos os participantes. Con este horizonte, as distintas sesións propiciarán o achegamento a diversas obras de narrativa a través da súa lectura, a realización de exercicios de creación literaria, contarán cun apartado teórico (xéneros, temáticas, técnicas narrativas…) e un último apartado de análise e crítica.
O obradoiro contará coa participación do escritor e investigador José Benito García, divulgador da historia local pontevedresa.
A Coruña: obradoiro de creación O ollo da Arte. Laboratorio 2017, impartido por Antía Otero
O ollo da Arte. Laboratorio é 
un obradoiro de creación artística contemporánea impartido por Antía Otero, é un obradoiro de creación artística no que aprender pensando tod@s xunt@s.
Se tes unha idea, un proxecto artístico, un bosquexo que che bule na cabeza e queres participar nun proceso compartido entre máis persoas con inquietudes comúns, ou se posúes inquietudes artísticas, ganas de deixarte levar e aprender dos demais e da deriva, O ollo da arte está aberto para ti.
Na práctica, con ferramentas que nos axuden a colocarnos na experiencia artística xerando dinámicas de grupo nas que tod@s sexamos creadoras e espectadores a un tempo, dende a primeira xornada teremos a oportunidade de colocarnos na pel d@ outr@ e de acompañarnos nos procesos partindo dunha vía de traballo personalizada para cada participante.
Ao longo do laboratorio teremos a visita de dous creadores que traballen en activo e que se achegarán a Normal para compartir co alumnado as súas experiencias, guiar os proxectos e aportar novas ferramentas.
Datas: todos os luns entre o 6 de marzo e o 26 de xuño de 2017.
Horario: de 19:00 a 21:00 horas (30 horas en total).
Lugar: NORMAL (Paseo de Ronda, 47. A Coruña).
Prezos: 40€ estudantes / 60€ PAS e PDI / 80€ público xeral / 45€ persoas desempregadas ou con minusvalía.
Participantes: máximo de 15 persoas.
O prazo de matrícula e pagamento comprende desde o día 15 de febreiro ao 3 de marzo de 2017. Pode facerse directamente nesta plataforma en liña.
Pontevedra: Escola de Escritoræs. Obradoiro de escrita infanto-xuvenil, con Eli Ríos e María Reimóndez: Imaxinar mundos, sementar palabras
O
Obradoiro de escrita infanto-xuvenil, con Eli Ríos e María Reimóndez: Imaxinar mundos, sementar palabras, é unha iniciativa da Escola de Escritores da AELG, coa colaboración do Pazo da Cultura e o patrocinio e colaboración do Concello de Pontevedra.
– Duración: 12 sesións de 2 horas cada unha (todos os sábados excepto os festivos). A data de comezo é o 11 de febreiro de 2017.
– Lugar: Pazo da Cultura de Pontevedra (Rúa Alexandre Bóveda, s/n)
– 25 prazas, gratuítas, para maiores de 16 anos
– Inscricións en inscricions@pontevedra.eu. As prazas asignaranse por orde de solicitude.
Dirixido a persoas con interese en explorar a escrita de literatura infantil e xuvenil nos seus diferentes xéneros.
Obxectivos:
– Explorar as concepcións existentes sobre a literatura infantoxuvenil e afondar en debates relevantes deixando atrás visións estereotipadas desta forma de escrita.
– Utilizar as ferramentas participativas para estimular a creación literaria propia entre as persoas participantes.
– Afondar no entendemento da escrita dende unha óptica crítica que poña en tea de xuízo os relatos e lecturas adquiridas e institucionalizadas dende os discursos hexemónicos para o público infantoxuvenil.
Desenvolvemento:
As dúas primeiras sesións serán de achegamento ás persoas asistentes recuperando as lecturas que lles impactasen ou quedasen na súa memoria. Con elas abriremos o debate sobre o que é a literatura infantil e xuvenil e reflexionaremos sobre o propio xénero partindo sempre desde o texto.
A terceira, cuarta e quinta sesión estarán dedicadas á poesía infantil e xuvenil centrándonos na forma, linguaxe, recursos, etc, e co foco posto na recepción dos textos. Traballaremos poemas da nosa literatura e os que compoñan as persoas asistentes ao longo destas sesións.
A sexta, sétima e oitava sesión dedicaranse á narrativa, centrándonos na súa técnica así como noutros aspectos como o desenvolvemento das personaxes, sentimentos, emocións, descricións, etc
As sesión novena e décima estarán centradas no teatro e nas súas dificultades para enfrontarse ao texto. Non só se recorrerá aos textos senón ás propias dramatizacións do grupo.
As dúas últimas sesións centraranse na posta en común dos elementos traballados, así como na presentación de xéneros escasamente desenvolvidos dentro da literatura infantil e xuvenil galega como pode ser o ensaio.
Cinco sesións serán impartidas por María Reimóndez e cinco por Eli Ríos, mentres que a primeira e a última contarán coa presenza das dúas.
