Compostela: actividades do 10 de outubro na SELIC 2025
Arquivo da categoría: Oralidade
Crónica fotográfica do Roteiro Da cidade á aldea. Unha historia das cantareiras na Coruña, con Richi Casás (5 de outubro)
Estas son algunhas das fotografías do Roteiro Da cidade á aldea. Unha historia das cantareiras na Coruña, con Richi Casás, celebrado o pasado 5 de outubro. A crónica fotográfica completa (obra de Beatriz Maceda Abeleira) pode verse aquí. Tamén se poden ver aquí dous vídeos da actividade. Esta é unha iniciativa da AELG desenvolvida co apoio do Concello da Coruña.
Letra das Festas. Revista oral do San Froilán 2025. Chegaron de lonxe: a poboación inmigrante no San Froilán
A Letra das Festas. Revista oral do San Froilán 2025. Chegaron de lonxe: a poboación inmigrante no San Froilán, é unha actividade organizada pola Sección de Literatura de Tradición Oral da AELG, co apoio da Área de Cultura, Turismo e Promoción da Lingua do Concello de Lugo.
Terá lugar o martes, terza feira, 7 de outubro, ás 19:00 horas, no Auditorio do Centro Cultural Vello Cárcere (Praza da Constitución, s/n). A entrada é de balde até completar capacidade.
Interveñen:
– Luz Darriba.
– Julieta Insagaray.
– Kike de Vidal.
– Leo Zordán.
Ambientación musical:
– Vadim Yukhnevich.
Conduce:
– Lois Pérez.
Compostela: actividades do 4 de outubro na SELIC 2025
Ourense: Ciclo de Literatura Infantil e Xuvenil 2025: Do cantar ao contar: a tradición oral na sociedade multicultural. Soledad Felloza: “Xeografía do imaxinario”, o 9 de outubro
A edición de 2025 do Ciclo de Literatura Infantil e Xuvenil ten lugar baixo o título xeral de Do cantar ao contar: a tradición oral na sociedade multicultural. A AELG colabora con esta actividade ao abeiro do convenio coa Secretaría Xeral da Lingua.
O Ciclo está coordinado por Isabel Mociño, Carla Míguez e María González Cerdeira (Facultade de Educación e Traballo Social, Campus de Ourense – Universidade de Vigo).
Desenvolverase os días 2, 9, 16 e 23 de outubro de 2025, ás 18:00 horas, na sala Emilia Pardo Bazán da Facultade de Educación e Traballo Social, no Campus de Ourense.
A inscrición é de balde e pode facerse aquí.
Está en proceso o recoñecemento de 15 horas de créditos de libre elección.
O programa é o seguinte:
9 de outubro
Soledad Felloza
Xeografía do imaxinario
16 de outubro
Eva Mejuto
Quen c@nta o mal espanta
23 de outubro
Paula Carballeira
Contar a vida. A identidade e a memoria
30 de outubro
Luís Prego
Prende no colo. Recitados e cantigas de tradición oral para a cativada
Crónica fotográfica do Roteiro As vellas de Mens na cidade da Coruña, con Icía Varela e Xosé Manuel Varela (28 de setembro)
Estas son algunhas das fotografías do Roteiro As vellas de Mens na cidade da Coruña, con Icía Varela e Xosé Manuel Varela, celebrado o pasado 28 de setembro. A crónica fotográfica completa (obra de Beatriz Maceda Abeleira) pode verse aquí. Tamén se poden ver aquí varios vídeos da actividade. Esta é unha iniciativa da AELG desenvolvida co apoio do Concello da Coruña.
Roteiro Da cidade á aldea. Unha historia das cantareiras na Coruña, con Richi Casás, o 5 de outubro
O Roteiro Da cidade á aldea. Unha historia das cantareiras na Coruña, guiado por Richi Casás, é unha iniciativa da AELG desenvolvida co apoio do Concello da Coruña.
Un roteiro para ignorantes e iniciados sobre a transformación de mil aldeas nunha cidade, a través das vidas das cantareiras. Roteiro Agra-Ventorrillo-Penamoa-Visma a pé con catro paradas musicadas. Traede paraugas (aínda que non chova).
Esta iniciativa da AELG pretende dar a coñecer as cidades e vilas do país da man das nosas escritoras e escritores, que exercen de guías tomando como base obras propias ou alleas vinculadas a eses espazos. Deste xeito, posibilítase que a cidadanía goce persoalmente dos espazos físicos na súa relación coa memoria literaria.
Terá lugar o domingo 5 de outubro, a partir das 12:00 horas, na cidade da Coruña. O punto de saída será a Praza das Conchiñas. Non é necesaria inscrición previa.
Información sobre protección de datos
A/O responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
Compostela: peche da exposición Cantareiras, co espectáculo audiovisual 586 cantos
A Pobra do Brollón: presentación de Concha do Canizo. Este pandeiro que toco…, de Xulia Feixoo
Obradoiro de creación literaria A oralidade na escrita: un camiño de ida e volta, impartido por Paula Carballeira, en Pontevedra
O Obradoiro de creación literaria A oralidade na escrita: un camiño de ida e volta, impartido por Paula Carballeira, é unha iniciativa da Escola de Escritoræs da AELG, co patrocinio e colaboración do Concello de Pontevedra.
– Trátase de recoñecer as pegadas da nosa tradición oral na literatura, pero tamén de identificar os xogos, estruturas, recursos e tipos que empregamos ás veces nos relatos, poemas, cantigas ou pezas de teatro coas que transmitimos unha maneira de sentir e de compartir o mundo que nos rodea.
– Trátase de experimentar a liberdade desa xustiza poética que equilibra na ficción o que na realidade se desaxusta.
– Trátase de construir imaxinarios grazas ao poder de suxestión das palabras, e de propoñer posibilidades.
– Trátase en fin, de camiñar da oralidade á escrita e da escrita á oralidade, indo e volvendo, traendo, levando.
Hai 15 prazas dispoñíbeis para persoas maiores de 18 anos. A inscrición, gratuíta, pode facerse enviando un correo electrónico indicando o nome e apelidos ao correo electrónico oficina@aelg.org.
O obradoiro desenvolverae na Aula da Escola de Escritoras-es da AELG (Seminario 7), no Pazo da Cultura de Pontevedra (Rúa Alexandre Bóveda, s/n).
Calendario
– Días: Venres 3, sábado 4, venres 10 e sábado 25 de outubro; venres 7, sábado 8 e sábado 22 de novembro de 2025.
– Horarios:
Venres: de 17:00 a 20:00 h.
Sábados: de 10:00 a 13:00 h.
Información sobre protección de datos
A/O responsábel do tratamento é a Asociación de Escritoras e Escritores en Lingua Galega. A finalidade do tratamento é a prestación do servizo que se detalla na solicitude ou actividade organizada. A base legal do tratamento é o cumprimento dunha obriga contractual na prestación dun servizo. Os seus datos conservaranse unicamente durante os prazos de prescrición legalmente aplicábeis. Pódense comunicar os seus datos a terceiras/os organizadoras/es ou colaboradoras/es da actividade. No caso de solicitar certificado de asistencia, os seus datos comunicaranse ao/á impartidor/a da actividade. Pode acceder, rectificar, suprimir os seus datos e nos casos determinados opoñerse ao tratamento, limitar o seu uso ou portar a outra/o responsábel. Tamén pode solicitar a tutela da Axencia Española de Protección de Datos ou presentar unha reclamación ante a mesma.
