O
xoves 23 de abril, ás 20:30 horas, no Museo Etnolóxico de Ribadavia (Rúa Santiago, 10), preséntase o libro-disco Muller de papel, de Rochi Nóvoa, editado por Abooks. No acto terá lugar un recital de música e poesía. Nese mesmo día, e durante toda a xornada, haberá, no recinto do Museo, liberación de libros, “bookcrossing”.
Arquivo da categoría: Poesía
Vigo: palestra Vigo: escenario e argumento, por Francisco Castro
O
martes 21 de abril, ás 20:00 horas, no Colexio de Arquitectos de Vigo (Rúa Doutor Cadaval, 5), o Colectivo Pertenza organiza a palestra Vigo: escenario e argumento, impartida por Francisco Castro, quen afondará nalgunhas novelas, poemas e autores que escolleron Vigo como escenario da súa obra.
Vigo: presentación de Palavras a Espártaco, de Vítor Vaqueiro
Entrevista a Mário Herrero sobre Da Vida Conclusa
Desde
o Diario Cultural da Radio Galega:
“O escritor Mário Herrero fálanos de Da Vida Conclusa, o libro co que gañou o II Premio de poesía O Figurante. A entrevista completa pode escoitarse aquí.”
Pontevedra: actividades do sábado 18 e domingo 19 na Feira do Libro
Os
sábado 18 e domingo 19 de abril finaliza a Feira do Libro de Pontevedra (na Praza da Ferrería, de 11:00 a 14:00 horas e de 17:00 a 21:00 h.), cos seguintes actos literarios destacados dentro do seu programa: Feira do Libro de Pontevedra 2015:
Sábado 18
– 18:00 h. Presentación de Historia de Galicia, de David Pérez López, por Edicións do Cumio. Participará Cándido Meixide.
– 19:00 h. Presentación do libro Os ratos da casa, de Xosé Manuel González “Oli” e ilustracións de Natalia Colombo, por Kalandraka. Sinatura de exemplares.
– 20:00 h. Contextualizando a Filgueira Valverde. Documental e coloquio por Gonzalo Veloso e Francisco Castro. Galaxia.
Domingo 19
– 13:00 h. Recital poético–narrativo coa participación de Teresa Cameselle, Lydia Leyte, María Lado e Mariña Pérez Rei
Pontevedra: 5º Festival PontePoética
A Coruña: recital de Samuel L. París e Lello Voce no Ciclo Poetas Di(n)versos, o luns 20 de abril
O
luns 20 
de abril, ás 20:30 horas, no Auditorio do Centro Ágora (Rúa Ágora, s/n) da Coruña, terá lugar unha nova edición do Ciclo Poetas Di(n)versos, coordinado por Yolanda Castaño e promovido pola Concellaría de Cultura da Coruña, cun recital de obra propia nun man a man de Samuel L. París e Lello Voce. Máis información aquí: Folleto Poetas Di(n)versos abril 2015.
Pontevedra: 5º Festival PontePoética
Cee: presentación de oso, mamá, si?, de María Lado
O
venres 17 de abril, ás 19:30 horas, na Librería Ler (Avenida Fernando Blanco, 61) de Cee, terá lugar a presentación do poemario oso, mamá, si?, de María Lado, publicado en Xerais. No acto, xunto á autora, participan Suso Bahamonde e Fran Alonso.
Bos Aires: presentación de Remontar o río, de Helena Villar e Luz Darriba
O
venres 17 de abril, ás 19:00 horas, no Salón Arturo Cuadrado (no primeiro andar de Chacabuco 955), da Cidade Autónoma de Bos Aires, a Federación de Asociacións Galegas da República Arxentina organiza a presentación do libro de poesía Remontar o río, de Helena Villar Janeiro. No acto participan a ilustradora e co-realizadora do proxecto, Luz Darriba, e a escritora arxentina de orixe galega Anahí Almasia.
