Entrevista a María Rosendo Priego, gañadora deste ano do premio Pérez Parallé de poesía, en Galicia Hoxe.
Arquivo da categoría: Poesía
Bueu: presentación de A porta verde do sétimo andar
O venres
5 de novembro, ás 21:00 h., na Sala Amalia Domínguez Búa (rúa Eduardo Vincenti, 2) de Bueu, preséntase o segundo libro do colectivo A Porta Verde do Sétimo Andar, no que participan María N. Soutelo, Ramiro Vidal Alvarinho, Alfonso Láuzara, Rosa Enríquez, Alba Méndez, Manolo Pipas, Miguel Ángel Alonso Diz, Alberte Momán e Ana Cibeira.
Vigo: V Ciclo de mesas redondas Escritores/as na Universidade: Novas artes literarias? O vídeo poema, con Lara Bacelo e María Lado
O V
Ciclo 
de mesas redondas Escritores/as na Universidade, organizado pola Asociación de Escritores en Lingua Galega e a Facultade de Tradución de Vigo, continúa o xoves 4 de novembro a partir das 12:00 h. no Salón de Actos da Facultade Filoloxía e Tradución da Universidade de Vigo, coa participación de Lara Bacelo e María Lado na mesa redonda Novas artes literarias? O vídeo poema, onde se realizarán proxeccións comentadas de vídeopoemas realizados polas autoras para tratar as posibilidades expresivas fornecidas polas novas tecnoloxías e o seu rendemento práctico en relación coa difusión da poesía. A presentación do acto corre a cargo de Manuel Forcadela.
Sarria: presentación de Bater de sombras, de Francisco Fernández Naval
O 
xoves 4 de novembro, ás 19:00 h., na Casa da Cultura de Sarria, preséntase o Bater de sombras, de Francisco X. Fernández Naval, gañador do X Premio Fiz Vergara Vilariño, publicado en Espiral Maior. No acto intervirán, co autor, Miguel Anxo Fernán-Vello, Xermán Arias e María Casar.
Vigo: presentación de Conservas, de Daniel Costas Currás
O 
mércores 3 de novembro, ás 20:00 h., no Museo do Verbum (Casa das palabras) de Vigo, a Lonxa Literaria de Moaña presenta o libro conservas de Xosé Daniel Costas Currás, obra gañadora do XXII Premio de Poesía Eusebio Lorenzo Baleirón do concello de Dodro e publicado pola editorial Sotelo Blanco. Soledad Ríos, presidenta da Lonxa Literaria presentarán ao autor e ao proxecto cultural da Lonxa. Asistirá á presentación o mestre e poeta Anxo Angueira e deseguido o autor fará un percorrido por diferentes poemas do libro.
A Coruña: XXVII edición de Galeusca, do 29 de outubro ao 1 de novembro
Organizados 
pola Asociación de Escritores en Lingua Galega, os encontros Galeusca chegan á súa XXVII edición, congregando na cidade da Coruña, entre os días 29, 30 e 31 de outubro e o 1 de novembro, a escritores e escritoras da AELG, da Euskal Idazleen Elkartea e da Associació d´Escriptors en Llengua Catalana.
As sesións da XXVII Congreso Galeusca celebraranse na Biblioteca de Estudos Locais (rúa Durán Loriga s/n.) da Coruña, baixo o epígrafe Literatura en galego, éuscaro e catalán: unha viaxe con futuro.
O XXVII Congreso Galeusca promoverá neste 2010 o debate ao redor da importancia das nosas literaturas en lingua propia como subministradoras de contidos para unha fértil industria cultural que a todos e todas sen excepción preocupa e interesa, pois na lingua e na literatura susténtase a identidade senlleira dun pobo, unha historia pensada e debuxada tamén polos seus escritores e escritoras, voces reveladoras dunha viaxe colectiva cara un país con futuro propio. Para falar destes aspectos e doutros puntos de vista que o tema suxira, distribúese o programa:
Venres, 29 de outubro:
Chegada das delegacións
22:00 Cea (Restaurante A Penela –Praza de María Pita, 12–).
Sábado 30 de outubro
10:00-11:30 Mesa redonda: A literatura como fornecedora de contidos da industria cultural: a literatura e o audiovisual, coordinada por Raúl Veiga:
• Héctor Carré
• Harkaitz Cano (elaboración do relatorio) | Ander Iturriotz (relator)
• Manel Bonany
11:30-12:00 Pausa café
12:00-13:30 Mesa redonda: As viaxes na literatura, coordinada por Xulio L. Valcárcel:
• Anxo Angueira
• Urtzi Urrutikoetxea
• Ignasi Riera
14:15 Xantar (Restaurante A Penela –Praza de María Pita, 12–).
17.00: Percorrido Rosaliano pola Coruña, por Diego Pardo Amado (con saída na Rúa do Príncipe,3 –Cidade Vella–).
18.30: Recepción na Casa do Concello da Coruña (Praza de María Pita, 1).
22.00 Cea (Restaurante A Penela –Praza de María Pita, 12–).
Domingo 31 de outubro
10:00-11:30 Asemblea da Federación Galeusca.
11:30-12:00 Pausa café.
12:00-13:30 Mesa redonda: A literatura como fornecedora de contidos da industria cultural: a literatura como modelo de convivencia de vellos e novos soportes, coordinada por Tati Mancebo:
• Marcos S. Calveiro
• Nikolas Zimarro
• Guillem-Jordi Graells
14.15 Xantar (Restaurante Ruído en la cocina –Praza de María Pita, 1B–).
19:00-20:00 Recitado/Lectura de textos + Música:
• Olalla Cociña e Dores Tembrás
• Nikolas Zimarro
• Miquel Bezares
• Xabier Díaz (música).
22.00 Cea (Restaurante Ruído en la cocina –Praza de María Pita, 1B–).
O luns 1 de novembro regresarán as delegacións invitadas.
Santiago: presentación de Conservas, de Daniel Costas Currás
O 
martes 2 de novembro, ás 20:00 h., na libraría Couceiro (Praza de Cervantes) de Santiago de Compostela, a Lonxa Literaria de Moaña presenta o libro conservas de Xosé Daniel Costas Currás, obra gañadora do XXII Premio de Poesía Eusebio Lorenzo Baleirón do concello de Dodro e publicado pola editorial Sotelo Blanco. Soledad Ríos, presidenta da Lonxa Literaria presentarán ao autor e ao proxecto cultural da Lonxa. Asistirá á presentación, a escritora e coordinadora do premio Helena Villar, deseguido o autor fará un percorrido por diferentes poemas do libro.
Vigo: Círculo Poético Aberto, polo grupo de acción poética Penúltimo Acto
O 
sábado 30 de outubro, a partir das 21:00 h., no Café Uf “Negra Sombra” (rúa Pracer, 19) de Vigo, haberá un recital promovido polo Grupo de Acción Poética Penúltimo Acto, no que participarán, ademais dos membros deste colectivo, Iolanda Aldrei, Pere Tobaruela, Belém Grandal, José M. Garnelo, Gaspar Domínguez, e Alfonso Rodríguez, entre outros. Se alguén máis quere participar pode enviar un correo electrónico ao enderezo penultimoacto@gmail.com.
Nova colección de antoloxías poéticas coa súa propia voz en Edicións do Cumio
A Coruña: II Encontros Milpedras, recital de poesía, música e pintura en directo
O venres
29 de outubro, a partir das 21:00 h., no Taller de Litografía Milpedras da Coruña, desenvólvese a segunda edición de Encontros en Milpedras, unha proposta de unión en diálogo libre, ao vivo, de poesía, música e artes plásticas. Actuarán recitando poemas Begoña Paz, Dores Tembrás, Luís Mazás e Iolanda Aldrei, en paralelo á música de César Morán e a creación plástica de Nando Lestón.
