Arquivo da categoría: Premios Literatura Xuvenil

Convocatoria do IX Premio de literatura infantil e xuvenil Raíña Lupa

Publicado o por

“Coa ansia de fomentar a creatividade fabuladora dirixida ao mundo dos nenos e, ao mesmo tempo, facer memoria deste personaxe da lenda e dos contos populares en relación coas terras de Compostela, a Deputación Provincial da Coruña convoca o IX Premio de literatura infantil e xuvenil Raíña Lupa, de acordo coas seguintes

BASES

Primeira.-
Poderán participar todas as persoas, maiores de idade, de calquera nacionalidade, que non fosen premiadas nas cinco edicións anteriores, e que presenten narracións en lingua galega, dirixidas ao público infantil e xuvenil, inéditas e non premiadas en ningún outro premio o certame.
Segunda.-
Establécese un premio único e indivisible, dotado con 6.500 €.
Esta cantidade está suxeita ás retencións legais que lle sexan aplicables.
A Deputación publicará a obra premiada, reservándose durante un prazo de dezaoito meses os dereitos de editala, e entregará ao gañador trinta exemplares.
Terceira.-
As obras serán de tema e extensión libres, observando as características propias da narrativa dirixida ao público infantil ou xuvenil, e poderán incluir elementos ilustrativos, gráficos, etc.
A presentación será feita, preferentemente, en formato dixital, por medio dun CD que incluirá na carátula a seguinte inscrición: IX Premio de literatura infantil e xuvenil “Raíña Lupa”, título da obra e lema o seudónimo; o tratamiento de texto será Word, OpenOffice ou PDF.
No caso de optar pola presentación en papel, as obras serán presentadas por duplicado, en exemplares separados, tamaño DIN A 4, e impresos polas dúas caras, ademais deberán estar numerados, grampados ou encadernados.
A obra será presentada baixo o sistema de plica, polo que será enviada achegada dun sobre aparte; no exterior do sobre figurará o título da obra e o lema ou pseudónimo do seu autor; no interior incluirase unha copia do NIF, o enderezo, teléfono de contacto e correo electrónico e, ademais, unha declaración expresa de que a obra é inédita e que non foi premiada, ata a data da súa presentación, en ningún outro certame ou premio.
Cuarta.-
O prazo de presentación de orixinais comezará o día seguinte ao de publicación desta convocatoria no Boletín Oficial da Provincia e rematará o día 5 de abril de 2013.
Os orixinais enviaranse á Deputación da Coruña, Avda. Alférez Provisional 2, 15006 A Coruña, indicando no sobre IX Premio de literatura infantil e xuvenil “Raíña Lupa”.
Quinta.-
O xurado estará presidido polo presidente da Deputación da Coruña e formarán parte del: a deputada presidenta da Comisión de Cultura, Educación, Deporte e Mocidade e cinco persoas de recoñecido prestixio no eido literario.
O xurado será nomeado polo presidente da Deputación, e actuará como secretario o da Corporación ou o funcionario no que delegue.
A composición do xurado darase a coñecer con anterioridade á súa reunión, no taboleiro e na páxina web da Deputación, co fin de que se poidan interpor, se é o caso, os recursos legais pertinentes.
Sexta.-
Os participantes terán a obriga de comunicarlle á Deputación a concesión de calquera premio que obteña a obra presentada, no momento en que esta situación se produza, o que dará lugar á súa exclusión do concurso.
O xurado actuará en pleno, en sesión a ser posible única, sendo necesaria a asistencia da maioría simple dos seus membros. Para os efectos da validez da súa constitución aplicarase o disposto no art. 26.1 da Lei 30/1992 do réxime xurídico das administracións públicas e do procedemento administrativo común.
As deliberacións serán secretas e delas redactarase a acta correspondente.
O xurado non poderá declarar deserto o premio e presentará a súa proposta ao presidente da Deputación, que é o órgano competente para concedelo.
A decisión do xurado terá lugar no mes de xuño de 2013 e darase a coñecer no taboleiro de anuncios e na páxina web da Deputación, e a través dos distintos medios de comunicación.
A plica correspondente á obra que resulte finalista poderá ser aberta polo secretario do xurado co fin de que, se o seu autor o permite, poida darse a coñecer o seu nome.
Sétima.-
Non se devolverán os orixinais non premiados que, a partir do día seguinte á decisión do xurado, serán destruídos.
Oitava.-
A participación nesta convocatoria supón a total aceptación destas bases.

A Coruña, 18 de febreiro de 2013.”

Convocada a XI edición do Premio Literario Conde de Gondomar

Publicado o por

Desde o Instituto de Estudos Miñoranos:
“O Concello de Gondomar convoca a XI edición do Premio Literario Conde de Gondomar.
– Poderán participar todos os mozos/as do Val Miñor que teñan entre 10 e 20 anos.
– O certame conta co apoio do Instituto de Estudos Miñoranos e a Deputación de Pontevedra.
Nesta XI edición, organizada pola Concellaría de Educación, establécense dúas modalidades, Poesía e Relato Curto. Poderán concorrer todos os autores de 3º Ciclo de Educación Primaria, ESO e Bacharelato que residan no Val Miñor e non superen os 20 anos.
Os e as participantes poderán presentar, individualmente, unha única obra, por cada unha das modalidades, de tema libre que deberá remitirse, antes do día 13 de abril de 2013, ás Oficinas do Concello de Gondomar (Rexistro), na seguinte dirección: Praza Doutor Latino Salgueiro s/n 36380 Gondomar.
Todos os interesados que desexen maior información poderán consultar as bases do certame no Concello.”

Convocado o Premio de Poesía Joven Babel 2013

Publicado o por

A Sociedad Asturgalaica de Amigos del País convoca o Premio de Poesía Joven Babel 2013, con arreglo ás seguintes BASES:

PRIMEIRA. Poderán participar todos os escritores que o desexaren, con un ou máis poemas orixinais e inéditos escritos en castelán, galego ou galego-asturiano.
SEGUNDA. Os autores deberán ter unha idade comprendida entre os 16 e os 18 anos en día do fin de prazo de presentación de orixinais.
TERCERA. Os autores deberán ser orixinarios ou residentes dos concellos de Navia, Villayón, Coaña, Boal, Illano, Pesoz, Grandas de Salime, El Franco, Tapia de Casariego, Castropol, Vegadeo, San Tirso de Abres, Taramundi, San Martín de Oscos, Santa Eulalia de Oscos, Villanueva de Oscos, Ribadeo, Barreiros, Trabada, Pontenova, Fonsagrada, Navia de Suarna, Ribeira de Piquín, Negueira de Muñiz e Baleira; ou cursar estudos de ESO ou Bacharelato nos institutos de Ensino Secundario de Navia, Tapia de Casariego, Vegadeo, Ribadeo, Pontenova ou Fonsagrada; ou ser fillos de socios da Sociedad Asturgalaica de Amigos del País.
CUARTA. Cada poema, de tema libre, deberá ter unha extensión máxima de 100 versos. Presentarase por quintuplicado, en formato Din A4, mecanografado a dobre espazo e por unha soa cara. As obras presentadas faranse chegar nun sobre por participante no que tamén se incluirán os datos persoais do autor (nome, apelidos, enderezo, teléfono de contacto e correo electrónico) así como copia do DNI o certificado dun profesor do centro en que cursa os seus estudos. Os institutos que o desexaren poden enviar agrupados todos os sobres dos seus alumnos.
QUINTA. Os orixinais enviaranse a: Sociedad Asturgalaica de Amigos del País, apartado de correos nº 1, 33760 Castropol. No sobre indicarase obrigatoriamente Para el premio de poesía Joven Babel 2013. O prazo de presentación de orixinais finaliza o 15 de marzo de 2013. Consideraranse incluídos dentro dese prazo as obras que teñan mataselos de orixe desta data ou anterior.
SEXTA. O xurado estará composto por Belén Rico Prieto, Silvia Murias Gómez, Félix Menéndez González, Arturo Álvarez Fernández e Luis López Suárez. O fallo do xurado será feito público o 25 de marzo y será inapelable. Ademais do Premio, seleccionaranse catro accésit. Se na deliberación previa á votación se considerase por maioría dos seus membros que ningunha das obras presentadas posui calidade suficiente para optar ao Premio, este poderá declararse deserto, non así os catro accésit.
SÉTIMA. O premio non ten dotación económica.
OITAVA. O autor premiado, así como os accésit, lerán as súas obras nos II encuentros de poesía A Bendición de Babel, que terán lugar na Casa de Cultura de Castropol, o Venres Santo de marzo de 2013, ás seis e media da tarde.
NOVENA. A obra premiada queda a disposición da Sociedad Asturgalaica de Amigos del País para a súa posible publicación, sen que se deriven diso dereitos de autor, tanto mediante impresión en proceso dixital como a través de internet.
DÉCIMA. Os orixinais non seleccionados serán destruídos, non admitíndose peticións de devolución.
UNDÉCIMA. A participación neste Premio implica a total aceptación das Bases. O xurado resolverá todos aqueles aspectos non contemplados nas mesmas.

Castropol, 17 de xaneiro de 2013.

Convocado o I Premio Urco de relato fantástico

Publicado o por

BASES

1. E isto que vén sendo?
Urco, a editora pioneira na edición de literatura fantástica en lingua galega convoca o: I Premio Urco de Relato Fantástico.
2. E logo por que?
A mellora da capacidade lectora e o fomento da creación literaria entre a mocidade, así como dar a coñecer a literatura de xénero fantástico.
3. A quen vai dirixido / quen pode participar / que teño que facer?
Poderá participar calquera alumno de secundaria dos centros públicos da Galiza, presentando como máximo un relato por cada categoría.
4. Como participo?
Fase 1: inspiración
Todos os grandes escritores en potencia teñen que se inspirar nos mestres da súa época e do pasado, daquela deberás ler, cando menos, un dos seguintes libros, que estarán encadrados en cadansúa categoría:
– A praga escarlata. Jack London. Categoría «Horizontes escuros».
– Nas montañas da loucura. H. P. Lovecraft. Categoría «Teño medo, mamá!».
– O mundo secreto de Basilius Hoffman: O ladrón de soños. Fernando M. Cimadevila. Categoría «Fantasías aventureiras».
– O xogo de Ender. Orson Scott Card. Categoría «O distante e fantástico futuro».
Fase 2: a choiar!
Despois dunha conveniente dose de inspiración, toca sacar o mellor de cada un e escribir o noso conto fantástico.
Os relatos terán que estar escritos en lingua galega e ser orixinais e inéditos.
A extensión será de dez folios como máximo, tamaño DIN A4, por unha soa cara, a dobre espazo, xustificado e cunha fonte Garamond a tamaño 12.
Os traballos escritos en Comic Sans serán directamente descartados sen ler.
5. Onde e como os mando?
O enderezo para envialos é o seguinte:
Urco Editora / Rúa do Avío 11, baixo / 15705, Compostela, Galiza.
Debes enviar 2 sobres separados, un co relato ou relatos (non os asines!!!) e outro cos datos persoais. Este procedemento serve para que o xurado lea os contos sen saber de quen son e así garantir que os premios se repartirán só en función da calidade. Ambos os dous sobres deben ter o mesmo tamaño e levar por fóra o título do conto ou contos, a categoría ou categorías a que se adscriben e o pseudónimo co que os asines.
Sobre 1: Conterá unha folla cos datos reais da autora ou autor (nome e apelidos, centro docente e datos de contacto, título do relato ou relatos e categoría ou categorías nas que participa).
Sobre 2: Aquí terás que meter a túa obra mestra, unha ou varias, segundo participes nunha categoría ou en máis.
6. E canto teño que bulir?
O prazo de recepción de orixinais finaliza o 26 de abril de 2013.
7.Como se escollen os gañadores?
Urco Editora seleccionará, de entre todos os presentados, tres relatos por cada categoría para seren publicados nunha obra colectiva. Estes relatos serán os finalistas do concurso, de entre os cales un xurado elixirá os catro gañadores; un en cadansúa categoría.
O xurado estará formado por profesionais reputados do mundo da literatura e a cultura galegas.
8. E que gaño, se gaño?
O premio para os finalistas consistirá nun lote de libros e a publicación do seu conto nun volume colectivo. Os gañadores de cada categoría recibirán, alén do lote de libros e a publicación, un dispositivo e-reader cargado con varios títulos da editorial.
9. E cando sei se gañei?
A entrega de premios terá lugar a finais do mes de maio, en Compostela. Todos os participantes serán convidados ao acto.
A obra colectiva de gañadores e finalistas estará a disposición do público desde o mesmo día da entrega de premios.
10. A quen me dirixo se teño algunha dúbida?
Para calquera dúbida podes contactar connosco a través do correo electrónico davidcortizo@urcoeditora.com.
As dúbidas non resoltas ou calquera continxencia sobre estas bases serán resoltas pola organización e, no seu caso, polo xurado.
11. Que se vai facer cos orixinais?
Os participantes poderán pasar pola editora a recoller os seus orixinais até o 30 de Xuño, pasado ese tempo procederase á súa reciclaxe.
12. O feito de participar no concurso supón a aceptación das presentes bases.

Convocado o XLV Concurso Literário de Teatro Infantil da A. C. O Facho

Publicado o por

“Assumindo como próprias as palavras de Juan Ramón Jiménez quando afirmava que “Teatro infantil é aquele que também lhe gosta aos nenos”, a Junta Directiva da Associaçom Cultural O FACHO acordou convocar o Concurso de Teatro Infantil, que, nesta nova etapa, se regerá polas seguintes

BASES

1º) Poderám optar ao devandito prémio todas as pessoas que pressentem obras inéditas –em qualquer tipo de suporte- nom representadas, nem premiadas noutros certames e que esteiam escritas em língua galega.
2º) Estabelece-se como prémio único, a ediçom da obra ganhadora, da que o autor ou autora receberá 100,.- € e um lote de livros teatrais.
3º) A obra, que nom poderá exceder os 80 fólios, será presenteada por quintuplicado, em formato DIN A4, a dobre espaço e mecanografados por umha soa cara.
4º) Os originais para o Concurso enviaram-se por correio á sé da Associaçom Cultural O FACHO. R/ Frederico Tápia n.º 12-1º A Corunha (15005) ou a Caixa de Correios n.º 46, Oficina Principal de A Corunha. Apresentarám-se sob um lema, que figurará na portada dos textos enviados, e viram acompanhados de um envelope fechado que contenha no exterior o lema da obra e, no interior, o nome, apelidos e telefone do autor ou autora.
5º) O prazo de admissom de originais finaliza o dia 30 de Abril de 2013 às doce da noite. O falho do prémio fará-se público no mês de Maio.
6º) Os ganhadores serám elegidos por um júri nomeado pola Associaçom Cultural O FACHO. O mesmo está composto por pessoas de reconhecido prestigio no âmbito teatral galego.
7º) O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as duvidas que podam existir na sua interpretaçom
8º) A participaçom neste Certame implica assumir as bases do mesmo.
9º) Os originais nom premiados poderám ser retirados, no prazo de 30 dias, no local de O Facho, prévio correio dirigido ao endereço postal da Agrupaçom.
No caso de que o autor o autora nom resida na Corunha poderá solicitar que lhe sejam enviados por correio postal.
Esta convocatória entrará em vigor ao dia seguinte da sua publicaçom nos médios.

Na cidade d’A Corunha, 2 Fevereiro 2013.

Convocado o XLV Concurso Literário de Contos de nenos para nenos da A. C. O Facho

Publicado o por

“Recuperados em 2008 os prémios literários que desde os anos sessenta convocou O FACHO e nos que participárom ou ganhárom muitos dos escritores e escritoras que hoje fam possível com a sua obra umha literatura galega de qualidade e de grande importância nas letras universais, realiza-se a convocatória para 2013 do XLV Concurso Literário de Contos de Nenos para Nenos.

BASES DO CONCURSO

1. Poderám participar rapazes e raparigas que pressentem as suas obras em Língua galega. Os trabalhos presenteados deveram ser originais e inéditos em toda a sua extensom.
2. O prazo de admissom de originais finaliza o dia 31 de Março de 2013 às doce da noite.
3. A apresentaçom de originais para o Concurso fará-se por correio postal dirigido à sede da Associaçom Cultural O FACHO. R/ Frederico Tápia, 12-1º 15005A Corunha. Podendo fazer individualmente ou por médio do centro onde curse os seus estudos.
4. No caso em que sejam os centros escolares os que pressentem os originais ao Concurso, deveram fazer umha pré-selecçom dum máximo de dous trabalhos por categoria, qualquer outro terá que ser apresentado individualmente.
5. As obras haverem de serem relatos originais e nom estarem editados por nengum procedimento impresso ou electrónico, nem terem sido premiados em qualquer outro concurso ou certame literário e em condiçons para que os seus direitos de publicaçom podam ser cedidos à Associaçom Cultural O FACHO por período de cinco anos contados a partir do dia do falho do júri.
6. Para além da originalidade literária, o júri valorizará a riqueza lingüística e o conhecimento gramatical reflectido nas obras.
7. Estabelecem-se duas categorias:
– Categoria A. Nenos e nenas de 6 a 12 anos.
– Categoria B. Rapazes e rapazas de 13 a 16 anos.
8. As quantias dos prémios serám as que seguem:
– Categoria A.
* 1º: 100,.- € em efectivo e um lote de livros doados pola Editorial Galáxia.
* 2º: 100,.- € em efectivo e um lote de livros doados pola Editorial Galáxia.
– Categoria B.
* 1º: 100,.- € em efectivo e um lote de livros doados pola Editorial Galáxia.
* 2º: 100,.- € em efectivo e um lote de livros doados pola Editorial Galáxia.
9. Cada autor só poderá apresentar umha obra atendo-se aos seguintes limites de extensom:
– Categoria A Um máximo de cinco fólios.
– Categoria B Um máximo de dez fólios.
10. As obras haverem de se apresentar por duplicado, manuscritas ou mecanográficas, encadernadas ou grampadas e levaram por detrás do último folio os seguintes dados:
– Nome e apelidos do autor/a.
– Endereço e telefone. Correio electrónico.
– Centro onde cursa os seus estudos.
– Categoria na que participa.
11. Os prémios serám escolhidos por um júri nomeado pola Associaçom Cultural O Facho em falho que se fará público no mês de Maio.
12. O júri poderá declarar deserto um ou vários dos prémios do concurso e será o que deverá resolver aquelas situaçons que se pressentem e que nom esteiam contempladas nestas bases, assim como as dúvidas na sua interpretaçom.
13. A participaçom neste Concurso implica a aceitaçom das presentes bases.

Correo electrónico: o_facho_a_cultural@yahoo.com.br

A Corunha, 31 de Janeiro 2013

Convocado o I Certame María Balteira

Publicado o por

“A Asemblea de Mulleres de Galiza Nova da Comarca de Allariz-A Limia-Maceda convoca o I Certame de Poesía e Relato Curto María Balteira.
Desde a Asemblea de Mulleres queremos concienciar da importancia do problema da vixencia do machismo na sociedade actual. Bótalle un ollo ás bases das distintas categorías e anímate a participar!

ESTUDANTES

1.- No certame poderán participar tódolos estudantes da ESO, Bacharelato e Ciclos Formativos dos Institutos de Allariz, Maceda e Xinzo de Limia, que o desexen e cuxos poemas e relatos sexan inéditos e escritos en galego.
2.- No certame haberá dúas categorías:
– Categoría da ESO (1º, 2º e 3º)
– Categoría de 4º da ESO, Bacharelato e Ciclos Formativos
3.- O tema será A loita pola igualdade entre homes e mulleres; en xeral O Feminismo e, en concreto, A loita pola erradicación da violencia machista quedando para o alumno/a á libre elección do tema (dentro do exposto).
4.- Poderase entregar indistintamente un poemario ou un relato curto sendo @ alumn@ quen faga a escolla.
5.- Os poemarios serán orixinais e terán unha extensión comprendida entre dez e vinte versos escritos únicamente a ordenador ou mecanografados. A letra será Arial e o tamaño 12. Serán impresos en tinta negra
6.- Os relatos serán orixiniais e terán unha extensión máxima dunha folla sendo escritos a ordenador ou mecanografados. A letra será Arial e o tamaño 12. Serán impresos en tinta negra.
7.- As datas do Certame serán do 25 de Novembro “Día Internacional contra a Violencia de Xénero” ao 8 de Marzo “Día Internacional das Mulleres” repartíndose do seguinte xeito:
– Nunha primeira etapa serán os propios centros os que lles presenten aos alumnos o certame e escollerán como eles desexen entre tódolos participantes que catro representarán ao centro na final, sendo dous de 1º, 2º e 3º da ESO (un de poesía e un de relato curto) e dous de 4º da ESO, Bacharelato e Ciclos Formativos (un de poesía e un de relato curto). A data límite para escolla d@s finalistas será o 21 de Febreiro.
– Nunha segunda etapa os centros remitirán os traballos escollidos á Asemblea de Mulleres dentro dun sobre que terá como contido o traballo e outro sobre pechado cos datos d@ alumn@ (Nome, Apelidos, correo electrónico, idade, curso e nome do centro). O sobre que se remitirá terá o nome do centro e a categoría á que pertence o traballo (ESO ou 4º da ESO, Bacharelato e Ciclos Formativos). Un responsábel da Asemblea de Mulleres pasará a recoller os traballos o 22 de Febreiro.
8.- O premio consistirá na entrega dun lote de libros
9.- Para a escolla das gañadoras ou gañadores finais contaremos cun xurado do que formará parte unha renomeada escritora galega, un profesor/ora de galego de cada centro e unha profesora dun centro de Celanova que non participa. Ao seren 6 persoas a escritora terá a decisión final de haber empate nalgunha categoría.
10.- Para a entrega do premio faráse un acto no que se lerán tódolos traballos que cheguen á final. Ás/aos finalistas dos institutos sumaranse catro finalistas da categoría libre (esta categoría ten as súas bases) e que será o día 8 de Marzo ás 20:30 h. en Xinzo de Limia .
11.- Os catro traballos que resulten gañadores (dous da categoría de 1º, 2º e 3º da ESO e dous da categoría de 4º da ESO, Bacharelato e Ciclos Formativos) no Certame quedarán a disposición da organización e o resto dos finalistas serán devoltos aos centros en días posteriores ao acto.
12.- O resultado final do Certame será publicado na páxina web da Asociación Xuvenil Galiza Nova.
13.- Os seis traballos que resulten gañadores (4 de estudantes e 2 da categoría libre) no Certame quedarán a disposición da organización.

CATEGORÍA LIBRE

1.- No certame poderán participar tod@s @s moz@s de entre 18 e 30 anos inclusive das comarcas de Allariz – Maceda – A Limia e o concello de Taboadela, que o desexen e cuxos poemas e relatos sexan inéditos e escritos en galego.
2.- O tema será A loita pola igualdade entre homes e mulleres; en xeral O Feminismo e, en concreto, A loita pola erradicación da violencia machista quedando para o participante a libre elección do tema (dentro do exposto).
3.- Poderase entregar indistintamente un poemario ou un relato curto sendo @ participante quen faga a escolla.
4.- Os poemarios serán orixinais e terán unha extensión comprendida entre dez e vinte versos escritos únicamente a ordenador en formato Word. A letra será Arial e o tamaño 12.
5.- Os relatos serán orixinais e terán unha extensión máxima dunha folla sendo escritos a ordenador en formato Word. A letra será Arial e o tamaño 12.
6.- As datas do Certame serán do 25 de Novembro “Día Internacional contra a Violencia de Xénero” ó 8 de Marzo “Día Internacional das Mulleres” repartíndose do seguinte xeito:
– Nunha primeira etapa serán @s propios participantes @s que prepararán os traballos e os remitirán a través de correo electrónico á seguinte dirección: certamemariabalteira@gmail.com No correo poranse os seguintes datos: Nome, Apelidos, Idade, teléfono de contacto e concello ao que pertence; adxuntarase o documento co traballo e neste documento non aparecerá referencia algunha aos datos do participante. A data límite para a recepción dos traballos será o 14 de Febreiro.
– Nunha segunda etapa a Asemblea de Mulleres da comarca remitirá os traballos ao xurado para que os valore e faga a escolla de 4 finalistas (2 de poesía e 2 de relato curto) que serán avisados mediante correo electrónico e teléfono.
7.- O premio consistirá na entrega dun lote de libros.
8.- Para a escolla das gañadoras ou gañadores finais contaremos cun xurado do que formará parte unha renomeada escritora galega, un profesor/ora de galego de cada centro e unha profesora dun centro de fóra das Comarcas participantes. Ao seren 6 persoas a escritora terá a decisión final de haber empate nalgunha categoría.
9.- Para a entrega do premio faráse un acto no que se lerán tódolos traballos que cheguen á final. Aos finalistas desta categoría sumaránse os finalistas das categorías dos institutos e que será o día 8 de Marzo en Xinzo de Limia. Haberá una premio por categoría de poesía e outro de relato curto quedando un total de 6 gañadores.
10.- O resultado final do Certame será publicado na páxina web da Asociación Xuvenil Galiza Nova.
11.- Os seis traballos que resulten gañadores no Certame quedarán a disposición da organización.”

Premios Fervenzas Literarias para Os mellores libros do 2012

Publicado o por

“Tras pechar o día 15 de xaneiro as votacións temos, un ano máis, os resultados cos que as lectoras e os lectores de Fervenzas Literarias decidiron o que ao seu xuízo foi o mellor do 2012. En total, este ano recibimos 453 enquisas. Desde Fervenzas Literarias queremos agradecer unha vez máis a vosa participación e o voso interese, porque estes premios, aínda que polo de agora só sexan de carácter simbólico, queren reflectir a voz dos lectores e das lectoras galegas. A voz dos que somos receptores e consumidores dos libros que @s escritor@s e editoriais poñen nas librarías e nas bibliotecas. E agora os resultados e os nosos parabéns aos premiados…
– Mellor libro de Narrativa de adultos para As voces baixas, de Manuel Rivas (Xerais).
– Mellor libro de Poesía para Calado testamento, de Xavier Rodríguez Barrio (Espiral Maior).
– Mellor libro de Ensaio para O rastro que deixamos, de Agustín Fernández Paz (Xerais).
– Mellor libro de Literatura dramática para o Banqueiros, de varios autores (Laiovento).
– Mellor libro de Banda Deseñada para Ardalén, de Miguelanxo Prado.
– Mellor libro traducido ao galego para adultos para Mr. Gwyn, de Alessandro Baricco (Galaxia).
– Mellor libro xuvenil para Palabras de auga, de Marcos Calveiro (Xerais).
– Mellor libro infantil para María Fumaça, de varios autores (Galaxia).
– Mellor libro traducido ao galego para público infantil e xuvenil para Lilus Kikus, de Elena Poniatowska, traducido por Teresa Moure (Trifolium).
– Autor do ano para Agustín Fernández Paz.
– Ilustrador do ano para Miguelanxo Prado.
– Mellor portada dun libro para adultos para Tonas de laranxa (Xerais).
– Mellor portada dun libro para público infantil e xuvenil para Palabras de auga (Xerais).
– Mellor editorial para Xerais.
– Mellor crítico/a para Armando Requeixo.
– O mellor acontecido para o Culturgal.
– O peor acontecido para a política cultural da Xunta.
– Mellor Libraría para a libraría Couceiro.
– Mellor medio de comunicación para Praza.
– Mellor blog para Brétemas, de Manuel Bragado.”

Coñécense os gañadores do II Certame de Relatos O lugar onde vivo

Publicado o por

Desde ADEGA:
“ADEGA e o delegado de Cultura e Turismo da Deputación de Lugo, Mario Outeiro, entregaron os premios do II Concurso Fotográfico Fotografías polo territorio, do II Certame de Relatos O lugar onde vivo e do I Certame de Curtametraxes E ti que é o que ves, que organiza ADEGA en colaboración coa Vicepresidencia da Deputación de Lugo. Os tres certames en enmárcanse dentro da campaña Ponte no medio. Móvete polo territorio, nacida co gallo de que a sociedade retrate o estado actual do territorio galego a través da imaxe e da palabra, e están patrocinados pola Área de Cultura e Turismo da Deputación de Lugo. Nesta edición achegáronse 50 fotografías, uns 40 relatos e 8 curtametraxes procedentes de toda a xeografía galega: Mugardos, Agolada, Lalín, Lugo, Cerceda, As Nogais, Vilar de Santos, Cedeira, Ourense, Ribeira, Brión, Arbo, Pontecesures, etc. (…)
No caso do certame literario tamén participaron máis de 40 relatos, e para decidir os gañadores, o xurado baseouse na orixinalidade, na calidade literaria, na coherencia do código lingüístico empregado e que o territorio galego figurase no relato. Os premiados foron:

* Categoría Adultos/as:
– Gañador: Ribeira, de Francisco Castro Alvaredo (O Incio). Diploma e 250 euros.
– Finalistas:
– O anel, de Marisa Otero López (Santa Cruz de Ribadulla, Vedra). Diploma.
– O meu lar, de Sonia Nogueiras Santana (Vilar de Santos). Diploma.
– Os sons dun pobo, de Sandra Lorenzo Rodríguez (Ourense). Diploma.

* Categoría Xuvenil:
– Gañador: A cadeira da moura, de Daniel Duque Puga (Barcela-Arbo). Diploma e 200 euros.
– Finalistas:
– Mobiliario mortal de Sara Azidane Chenlo (Pontecesures). Diploma.
– O muíño do inferno, de Sheila Guille Bugarín (As Neves). Diploma.
– Brión, un Concello máxico, de Ana Souto Villanustre (Brión). Diploma.”

Bases do I Premio Muíño do vento de textos de contraportada

Publicado o por

I PREMIO MUÍÑO DO VENTO DE TEXTOS DE CONTRAPORTADA

1. Con obxecto de promover a calidade dos textos que acompañan o libro na contraportada ou lapelas e mais de resaltar a súa importancia pola información que transmite ao futuro lector, así como de darlle visibilidade ao traballo asociativo realizado nos barrios -a parte menos visible das cidades-, a Asociación Cultural Muíño do Vento do barrio de Canido (Ferrol) convoca o I Premio Muíño do Vento de Textos de Contraportada para obras de Literatura Infantil e Xuvenil editadas en galego.
2. Poderán presentarse ao premio todos os libros de literatura infantil e xuvenil publicados no ano 2012, calquera que sexa o seu xénero literario.
3. Establécese un único premio, que consiste nun cadro do pintor ferrolán Poldo Rapela.
4. Entregarase o premio ao autor do libro, independentemente da autoría do texto presentado.
5. O premio outorgarase por maioría de votos e poderá ser declarado deserto.
6. O xurado será escollido pola Xunta Directiva da Asociación Muíño do Vento, e a súa decisión será inapelable.
7. Non poderán presentarse ao premio autores/as socios/as da Asociación Muíño do Vento.
8. As persoas que concursen deberán remitir, antes do día 15 de febreiro de 2013, unha fotocopia da portada e da contraportada da obra, así como o seu enderezo, teléfono de contacto e dirección de correo electrónico, a:
Asociación Cultural Muíño do Vento
Rúa Pintor Máximo Ramos nº 7-9, 2ºC
15401, Ferrol
No caso de que opten polo envío mediante correo electrónico, deberán achegar a portada e a contraportada escaneadas nun documento PDF, ademais do enderezo, teléfono de contacto e dirección de correo electrónico, a directiva@muinhodovento.es.
9. Na primeira quincena de marzo, daranse a coñecer os títulos das obras finalistas mediante a publicación na páxina web. Os autores/as deberán remitir un exemplar da obra antes do día 25 de marzo de 2013, ou, en todo caso, dentro dos 15 días seguintes a seren avisados por parte da asociación convocante.
10. A entrega do premio terá lugar o día 4 de maio no transcurso dun acto músico-festivo no lugar do barrio onde estean presentes os maios participantes na Festa dos Maios, tradicional no barrio de Canido.
A persoa premiada recibirá o seu recoñecemento da man do alumnado premiado no concurso Inventa unha flor, convocado en centros educativos de Canido. Do mesmo modo, o autor ou autora entregará cadanseu recoñecemento ás autoras e autores escollidos por cada escola participante.
11. Despois da entrega do premio, a documentación achegada polos participantes será destruída.
12. Os libros presentados polos finalistas entregaranse ás bibliotecas correspondentes dos centros educativos do barrio, a menos que, canda o envío por parte dos autores/as, estes soliciten a súa devolución.
13. A aceptación do premio por parte do gañador/a implica a súa conformidade para que a Asociación Muíño do Vento poida utilizar publicitariamente o seu nome en relación co premio.
14. A participación neste certame presupón a aceptación destas bases. O xurado estará facultado para resolver todas aquelas cuestións que non se establezan nelas.

Canido-Ferrol, decembro de 2012