Santiago: presentación de Despois da medianoite, de Salma
O 
mércores 1 de xuño, ás 20:00 horas, na Libraría Couceiro (Praza de Cervantes, 6) de Santiago de Compostela, preséntase o libro Despois da medianoite, de Salma, publicado en Xerais, traducido por María Reimóndez. No acto participará a autora, a escritora támil Salma, xunto coa tradutora e Manuel Bragado.
Madrid: presentación de Madeira de mulher, de Adela Figueroa
O 
mércores 1 de xuño, ás 20:30 h., en Entredós (C/ Marqués Vdo. de Pontejos, 4) de Madrid, preséntase a colectánea de relatos Madeira de mulher, de Adela Figueroa Panisse, publicada en Edicións do Castro. No acto, presentado polas representantes da Fundación Entredós e Fermín Bouza, terá lugar a actuación musical do Duo Musicante, guitarra e música brasileira.
Marilar Aleixandre e Francisco Campos incorpóranse ao consello da revista Grial
(Galaxia)
Roteiro Fiz Vergara Vilariño, o sábado 11 de xuño
O sábado 11 de xuño terá lugar unha nova edición do Roteiro literario-artístico de Fiz Vergara Vilariño, organizada pola A. C. Ergueitos:
“Xuntarémonos na Casa da Cultura de Sárria ás 12:30 horas e comezaremos a viaxe polo roteiro literario-artístico Fiz Vergara Vilariño. Xantaremos en Paredes de Lóuzara ás 14:30 horas. Seguiremos o roteiro pola Xabreira, visitaremos a casa do Fiz, o muiño e a Fonte da Cova e ás 18:00 horas realizaremos un recital poético-musical na Aira de Tesín. Leremos os versos do Fiz aos tesos e continuaremos camiño até a Fervenza de Augadalte e o Pozo de Beltrán.
Gostaríanos contar coa vosa participación nesta festa da poesía, a natureza e arte na que lembramos as visitas que os amigos lle facíamos ao Fiz.”
A reserva de praza para o xantar pódese realizar nos seguintes números: 678601550 e 677429225, ou ben enviando un correo electrónico a este enderezo: ergueitos@gmail.com.
Aquí pódese descargar o convite en .pdf: XI roteiro fiz vergara lóuzara.
Deixamos tamén á disposición de todas e todos esta ligazón ás fotos do Roteiro feitas neste inverno por Maribel Longueira:
‘Exipto será o gran protagonista do novo traballo de Cesáreo Sánchez’
“Cesáreo Sánchez 
é arquitecto técnico, poeta é presidente da Asociación de Escritoras e Escritores en Lingua Galega (AELG). E, ademais de todo iso, un gran viaxeiro. O seu pasaporte está cheo de selos de multitude de países e Europa, América ou Asia. Pero, entre todos eles, un marcouno para sempre: Exipto. Das súas estancias na terra dos faraóns nace o seu último traballo, no que aínda se atopa traballando e que levará por título O caderno do Nilo. Será un libro que saia do prelo máis de dous anos despois do seu último poemario, O paraíso das sombras, que recollía vinte anos de traballo, e é que Cesáreo Sánchez é un escritor dos de antes.
“Eu sempre traballo con distintos ritmos, en varios libros a un tempo. Entón, despois de lanzar un poemario no que investín tantos anos e que revisei tantas veces, pensei que chegara o momento de reflectir as miñas viaxes por Exipto”, sinala o presidente da AELG, que se considera unha persoa con “gran paixón” por coñecer outras culturas.
“Despois de viaxar polo Mediterráneo e por Grecia, chegar a Exipto para min significou ir ao lugar onde se superpoñen os temos históricos con maior evidencia, onde toda Europa foi para comprenderse a si mesma e onde parte todo o que ten que ver coas relixións monoteístas, e onde, antes ca min, foron moitos outros escritores. Todo isto superponse en algo moi concreto que é o Nilo, un río que enxendra historia, cultura… Todas estas circunstancias fóronse acrisolando e acabaron no que mellor sabe facer un poeta”, sinala Cesáreo Sánchez.
Por outra banda, considera que o froito deste traballo “non vai ser un libro de poemas á antiga usanza” ou “ao xeito habitual no que eu escribo”. “Volverei a el, pero creo que era moi importante poder poetizar ao meu xeito a historia, os territorios, todo o que é Exipto”, sinala.
Con respecto á estrutura do texto, pese a prudencia que caracteriza a Cesáreo Sánchez –”un pensa e propón, pero ao final o poeta que hai dentro de un é o que dispón”–, este vai seguir a forma da propia viaxe, dos camiños percorridos polo viaxeiro, partindo do que supón para o protagonista “sentirse dentro doutro territorio para retornar ao propio”, e é que para el, “o poeta, se non é capaz de vivir o que está escribindo, non é poesía, é outra cousa”.
Por último, O caderno do Nilo tamén será, segundo o seu autor, “unha reflexión sobre todo aquilo que ten que ver comigo como ser humano, como persoa que pensa o tránsito do tempo, da historia, do froito dunhas viaxes que van dende 1989″, ano no que Cesáreo Sánchez chegou a Exipto por primeira vez.” Vía Xornal.
Justo Beramendi é o novo presidente do Museo do Pobo Galego
O 
Padroado do Museo do Pobo Galego reuniuse o pasado sábado en asemblea e, entre as decisións que se acordaron, destaca a elección do historiador Justo Beramendi como novo presidente. Deste xeito, Beramendi substitúe o intelectual Isaac Díaz Pardo, que ocupaba este cargo. Ademais, o Consello da Cultura Galega tomou posesión como novo patrón institucional, como tamén os representantes dos socios, María Abelleira Fontán, María Isabel Iglesias Baldonedo, Estefanía Lodeiro Paz, Xaquín Penas Patiño e Eduardo Otero Iglesias, elixidos o pasado 7 de maio. Os cambios na directiva do padroado non afectaron aos vicepresidentes, xa que seguen ocupando ese cargo Luciano García Alén, Fernando Acuña Castroviejo, o conselleiro de Cultura e o alcalde de Santiago. Justo Beramendi ocupaba anteriormente a dirección da xunta reitora. O historiador será substituído por Francisco Fariña Busto, mentres que Lino Lema Bouzas seguirá como tesoureiro, mentres que Clodio González e o Concello de Santiago manteranse nas vogalías. Os responsables electos reafirmáronse na “necesaria fidelidade ao espírito fundacional establecido cando se creou o Padroado, hai agora 35 anos”. Vía Xornal. Recollido tamén en Cultura Galega. Entrevista en Xornal.
Vigo: obradoiro de escrita creativa coordinado por Salma e María Reimóndez
O 
venres 3 de xuño, entre as 17:00 e as 19:30 horas, no Centro de Documentación e Recursos Feministas da Cidade de Vigo (Rúa Joaquín Yáñez, 6, 2º andar), terá lugar un obradoiro de escrita creativa aberta á cidadanía de Vigo, coordinado por Salma e María Reimóndez, que engadirá aos tradicionais obradoiros literarios o aliciente de poder contar cunha autora que provén doutro sistema literario e que poderá contribuír cunha lingua e imaxes diferentes a ese traballo xa existente na cidade. É necesario inscribirse enviando un mail a info at implicadas.com antes do martes 31 de maio.
Entrega do Pedrón de Honra a Andrés Pociña e Aurora López
Na 
entrega do Premio Pedrón de Honra a Aurora López e Andrés Pociña:
“(…) Por outra parte, Andrés Pociña destacou da súa muller, a premiada Aurora López, os traballos de recuperación de escritoras medievais e clásicas “maltratadas polos estudos académicos” e tamén doutras actuais e puxo de relevo os seus traballos na Universidade de Granada a favor da igualdade. Aurora López, pola súa banda, reivindicou a lingua galega e a Rosalía, que a mantiveron vencellada a Galicia 35 anos despois de chegar a Granada e criticou ó Goberno galego por todo o empeño que está poñendo en “salvar ó castelán” porque di que está en perigo.
De Andrés Pociña e Aurora López a Fundación destacou obras como Rosalía de Castro, Documentación biográfica e bibliográfica crítica (1937-1990), unha edición crítica de Cantares Gallegos, Rosalía de Castro. Estudos sobre a vida e a obra ou Conversas con Maruxa Villanueva.
Tamén considera importantes as súas achegas e publicacións en distintos diarios e revistas que inciden nos debates públicos sobre a identidade galega e a súa incidencia importante no mundo cultural europeo. López é profesora titular de Filoloxía latina e Pociña, catedrático da mesma materia na Universidade de Granada.” Vía Galicia Hoxe.
Convocado o Concurso Literário As Nossas Letras
“Os autores do blogue Desperta do teu sono…!! temos a bem organizar um concurso literário de narrativa no que poderão participar todas aquelas pessoas que nos enviem um texto. As bases são as seguintes:
– 1. O tema é livre mas em qualquer caso terá a ver com a Galiza ou com qualquer manifestação material ou imaterial do seu ser.
– 2. Com este Concurso Literário, pretende-se proporcionar à participação livre e criadora de escritores, como condições de união entre os povos da Lusofonia e nomeadamente para fomentar a solidariedade com a Galiza.
– 3. Podem concorrer ao presente Concurso todas aquelas pessoas que estiverem de acordo com estas bases ficando assente que os direitos de autor são cedidos gratuitamente à organização, no acto de concorrer.
– 4. O texto terá de ser original e nunca antes ter sido premiado em qualquer outro concurso literário. Em caso de não se cumprir este requisito o prémio será anulado em caso de o ter conseguido.
– 5. Serão admitidas a concurso as produções escritas em Língua Portuguesa seguindo as Normas do Acordo Ortográfico em vigor.
– 6. O tamanho há de ser de um mínimo de duas folhas e um máximo de seis em formato A4 de um só lado. Cada concorrente só poderá submeter a concurso um máximo de dous trabalhos.
– 7. Deverá ser enviados só um exemplar de cada trabalho, digitados em tipo Times New Roman 12, a um espaço e meio, de um só lado do papel, no formato A4.
– 8. Cada trabalho há de ser enviado ao e-mail asnossasletras@gmail.com identificando o autor com:
* 8.a Nome completo do autor e Pseudónimo. O texto publicará-se com o pseudónimo mas o envio com o nome é obrigatório.
* 8.b Número de Identidade ou DNI.
* 8.c Título.
* 8.d Morada ou residência incluíndo a localidade e o País.
* 8.e Telefone e e-mail.
– 9. O prazo de recepção dos trabalhos começa o 15 de Junho de 2011 e termina a 31 de Julho de 2011 (conta a data do de chegada do e-mail).
– 10. Todos os textos chegados serão publicados no blogue para que possam ser lidos publicamente mas só serão publicados todos aqueles textos que reunam uma qualidade mínima entendendo-se que a partir do momento em que ficam publicados estão a participar no concurso.
– 11. As votações serão virtuais e dependerão do público leitor ficando o resultado à vista de todos. Estas hão de se fazer indicando o co-e do votante e o seu nome completo sem qualquer comentário.
– 12. Haverá um único prémio consistente em um exemplar do livro Bandeiras da Galiza e uma bandeira do Reino de Galiza. O prémio será enviado ao endereço do ganhador com os dados indicados por ele.
As características da bandeira são: Medidas: 150 x 90 cm / Material: tela poliéster. Inclui dois anéis metálicos laterais para seu içado.
– 13. Os trabalhos não serão devolvidos, ficando propriedade da promotora do certame, que deles fará o uso legal que considerar útil ao fim a que se destinam, nomeadamente uma Coletânea em forma de e-book a publicar neste blogue.
– 14. Os autores de trabalhos não distinguidos e participantes no concurso com a publicação dos textos no e-book, poderão obtê-lo descarregando de graça e livremente de internet desde a sua publicação no blogue.
– 15. Quaisquer omissões ou situações imprevistas serão resolvidas pelos responsáveis do blogue. Perante as resoluções não haverá recurso.”
