O sábado 25 de outubro de 2014 terá lugar o IV Festival Kerouac, Polipoético de Vigo. Organizado polo espazo de lecer e cultura A Festa dos Maniquíes, coa participación de poetas e artistas de toda Galicia, España e Portugal. O evento desenvólvese no propio local da Festa dos Maniquíes, na rúa Rogelio Abalde 11, no barrio de Churruca, e noutros emprazamentos da cidade. Desde as 17:30 e ata a 1:30 da madrugada poderase ver e escoitar poesía, performance e outras formas de expresión poética.